LUKAS 11:36 - Nanduk Ngget Tul Pidnak Wene

³⁶ Nde, kit kenpe-ge ndamuk mondok lak, pidsa yaya rak kinpidnak ala-ge, kenpe pidsa-ge tal eyaya nggal eyaya worak-nen yili-o” luk yij-o.

LUKAS 11:36 Iomraidhean Croise

NGGOMO WENE 1:5

Iri-nen nggomo wene yu-nen-e ap inndi nggat nggat worak na, enaru yugwi mende-ge nambena enaru rak posolat, iri-nen ap sekola yidnak nap na wene yu-net tu mirik onposolat kwaroso-o.

NGGOMO WENE 20:27

Ap inndi penggek tak poso marik iri-ge inndingen arem lombonoso me, Nagawan Indo eral nggal-nen yusu-o.

NGGOMO WENE 6:23

Keid kiya-nen nggomo kiridnak wene iri-ge kat kamanggim tal-nen yusu-o. It-nen nggomo korogolat met kibidnak ereba na-nen-e kat konag-et wolmomtak mirik kubusu-o.

YESAYA 42:16

An nelem nap enlengen ngguru-ge an-nen ininggi waruk mborosolar-e, it enaru buk tula nggwe-t inmin mbirimin-o. Nde, ndamug-e it enambigir-e an-nen-e yaya rak pimin-o. Nde, tula lalik mbilig-e marengen nggal mot tak pimin-o. It ’Iri nggal kwat inpimin-o’ yigi iri-ge mondok ndemeret kwar-et inpimin-o.

YESAYA 8:20

Yogola, kat-nen it yak ondosolar-e: ”Nagawan Indo-nen yidnak yu kwara koler-o! Ap nde Nagawan Indo-nen yidnak wene iri na ndak ndak nde yigit lak yuwa nab-e abog-e wolma bug-o” luk yak indi-o.

OSEA 6:3

Iri bem-e, nir-e mondok ndemeret ndemeret Nagawan Indo nenaru yurak pem nenmawi kunduwog-o. Ndemeret Nagawan Indo nendam lobok yosolar-e, o kil poso nggal, o sumbat woraruk, nggaruksa talme nggok mbosolat nggweyak piri rak poso talme nggal irit nendam lobok yuwa-o” luk yiga-o.

MATIUS 13:52

Yogolikma-ge, at-nen it yak ondosolar-e: ”Iri ala-ge, engga aru nab-et nde, Mbal Pem Nagawan-nen tenagaidnak wi wene wanoso nap kwat yosolar-e, o winde-nen at-nen ndok worak poso sa iri arem-nen at arengge ngget mende nde obi mende nde wirik poso iri nggal-nen yusu-o” luk yij-o.

MATIUS 5:15

Ap-nen-e tal paga togolwak tud tak arem pugwi bug-o. Are, o ma iri me woraidnak nap oboksa yaya bem wolmakluk, tal pugwi ondolma iri me-t pugwi-o.

LUKAS 11:35

Iri bem-e, kit kenarem worasu yaya iri ndamuk ma naru, kwara-t wolmer-o.

LUKAS 11:37

Yesus na wene na yuruk keya bosola-ge, Parisi nap mbi-nen at ama mburu totno norak pem yonggo posoloma, Yesus na at ama mberarik, mburu nayekluk kore yij-o.

2 KORINTUS 4:6

Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.

EPESUS 4:14

Iri nggal yulndig-e, nir-e li marik nggal, yi ombolwak pem abung abung waring kagwi nap nggal, ennesiget yugwi nap-nen mul undugwi wene obube nggal iri-nen puk eneyagwi nap nggal yul-e lag-o. Ennesiget yugwi nap-nen enmberel puruk, ap kabak tak unpugwi-o.

KOLOSE 3:16

Kerisut owene utlud lombok iri-ge kit kenarem wolmag-o. Kinndi mondok lid tak pem-nen-e kit na kit-net mul kerak mbogolat, kit na kit-nen nggomo wat kerak mbogolar-e, ndawi engga bem nde, Mbal Pem Nagawan erembel wanugwi ndawi bem nde, aid ndawi bem nde yogolar-e, kit kinndi arem-nen ”Mbal Pem Nagawan wiwa-o” luk yak togolat wolmer-o.

IBERANI 5:14

Nde, nunggwi mende amawi worak iri-ge meya min konak min lumbunugwi enaru nap, inndi worak nap iri nak-nen nunggwi-o.

YAKOBUS 1:25

Alat nde, Mbal Pem Nagawan-nen yidnak wene iri-ge ap weserak unpurak amawi worak iminep mbarak wene-nen yusu-o. Nde, wene iri na kwara mbenarogolat, kwara yebet kagolat, kuluruk nak meme rak purak pem-e lag-o, are, iri-nen yidnak yidnak nak kwara kwatli nab-e at-nen kwaroso oboksa iri na bem-e Mbal Pem Nagawan-e imbiringgat tak ubuwa-o.

2 PETERUS 3:18

Alat nde, we wok ondoso elem wanogolat na, Nenagawan Indo Ninmiri Yoso Yesus Kerisut kenaru yogolat na kit kenarem-e anggam nambek anggam nambek kwarat mag-o. Yawo-nen na irit, woragolat nagolat-nen na irit, at nak kek tak pogolat wolmag-o! Amen.