LUKAS 11:29 - Nanduk Ngget Tul Pidnak Wene

²⁹ Nde, ap kwarat-nen Yesus lop lop worogola-ge, at-nen yosolar-e: ”Yawo worali nap-nen meya kwatli-ge mondok ijar-o! ’Kwiye worak mende mirik ninpi-o’ luk yili-t nde, kwiye worak mende misiget ter-o luk mirik kinpimin pug-o. Are, kwiye worak mende Yunus kwat ibid iri nak perak mirik kinpimin-o.

LUKAS 11:29 Iomraidhean Croise

YUNUS 1:1

Nde, misik tarem-e Nagawan Indo-nen Amital ambara Yunus iri na wene yak tij-o.

MATIUS 3:7

Nde, Yoanes-nen it yikeneyagaidnggal-e, Parisinap nde, Saruki nap nde kwarat at-nen yi ma unpuwakluk at eram lobok yogola, at-nen yak ondosolar-e: ”Kit waro-nen wigarak wa-e. Mbal Pem Nagawan isilepma abok kenpem mbosola, inggem-nen mengga mbururag-e ta-nen yak kindij-o?

MARAKUS 8:38

Yawo Mbal Pem Nagawan keya buruk, meya nak kwatli tarem-nen an min an-nen mul ondoso wene min para yurak ininggiri pasiyem tak puwa nab-e, abok Ap Ambara an-e Neid abinal min lenak inpidnak aid nap inmin lobok yosolar-e, iri yuwa nap na it onpok para yurak na an-nen ninggiri pasiyem tak pimin-o” luk yij-o.

LUKAS 11:16

Nde, it erep-nen-e at indi ngarogolar-e: ”Kar-e Mbal Pem Nagawan eram-nen lobok yidnag-o luk yenggerak kiyujwok-nen kwiye worak mende mbi kwari-o” luk yak tiga-o.

LUKAS 11:50

Mbal Pem Nagawan-nen iri inpil lobok yuwa iri-ge Mbal Pem Nagawan ene lomboksa yugwi nap pidsa nggweyak yu ndak wirid kuri-net enderenak ti-net yawo na indili iri na enmena-ge kit yawo worali nap kenpeyekluk-nen kwaruwa-o.

LUKAS 12:1

Iri kwarukmu-ge, ap kere kwarat irit ndok worogolar-e, anggam-nen anggam yumundosola, anggam-nen anggam yumundosola, kwarogola-ge, Yesus-nen nandug-et at owosirak na yak ondosolar-e: ”Parisi nap-nen idnak oroti lomboroso mende iri abiyem-o luk kwara wolmer-o. Nde, iri-ge Parisi nap-nen enaru-net nde, enesiget siget enaru buk nggal yugwi iri na nde yigi-o.

LUKAS 9:41

Yosoloma-ge, Yesus-nen yosolar-e: ”Kit kinndi angin tubu yugwi buk, lugud tak nggwe nak kwarugwi nap wa-e. Kit kinmin nunggwirik tarem nggal woramin-o? Kit kinmin nunggwirik tarem nggal mamak puruk woramin-o?” luk, ”Kambara na waruk lobok yij-o” luk eid na yak tij-o.

YOANES 2:18

Iri kwarosola karuk, Yawuri nap-nen Yesus met nggal pogolar-e: ”Yu kwarigen yu-ge, iri kwarurak amawi-ge kat kebem pidnak nde ala-ge, nit yenggerak kujwok-nen kwiye worak mende mbi kwari-o” luk yiga-o.

YOANES 6:30

Yak ondosoloma-ge, it-nen at yak togolar-e: ”Nir-e iri karuk-nen kat kebem ninndi angin tubu yuwok-nen kagwi buk mende no nde kwarugun-o? Kar-e ngge mende nde kwarugun-o?

YOANES 8:44

Kir-e Sere ilirak-nen yili me, kineid indi-n pidnak nak kwaruwokluk yili-o. Nanduk-net ar-e ap woroso-nen yusu-o. Ndemeret wene-ge at arem mondok lak me, lud tak nak kwarugwi mende at arem-e woraso bug-o. At-nen enesiget wene yosolar-e, at-nen kwaroso mende irit kwarusu-o. Enesiget wene yoso, nde, enesiget wene pidsa elem-e at-net yusu-o.

1 KORINTUS 1:22

Yawuri nap-nen perak nde ”Kwiye worak mende mul nender-o” yogolat, nde, Yunani nap-nen-e inndi lid tak elem kore yili-t nde,