LUKAS 10:6 - Nanduk Ngget Tul Pidnak Wene

⁶ Nde, o iri me-nen nde yamuksa wolmomtak inndi woragola-ge, yamuksa woragwi indi enpem pugup na-ge inmin-et wolma-o. Alat nde, yamuksa woragwi indi iri nggal lak nde ala-ge, yamuksa woragwi indi enpem pugup na tuguruk wanurag-o.

LUKAS 10:6 Iomraidhean Croise

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

LUKAS 10:5

Nde, o misik nde ngguwoklug-e, nandug-e yu nggal yugub-o: ’Yamuksa woragwi indi-ge kit kinmin wolmag-o’ luk yurag-o.

LUKAS 10:7

Kir-e nggugup sa iri me-t woragolar-e, yabu wanidnak nab-e onggo-ge wanugwi me, it-nen mak kunduwa nunggwi mende nonggolat, yi nonggolat irit wolmer-o. Nde, kit-nen o nin me nggwilik, o nin me nggwilik waring kudtak pug-o.

EPESUS 5:6

Ap-nen-e ebe lak wene iri na yak kondogolat, konmbol pem ludtag-e meya-o. Iri nggal kwarogolat woraidnak pem-e Mbal Pem Nagawan isilepma-ge at-nen yidnak wene kuruk tugwi nap enpem mbuma-o.

2 TESALONIKA 3:16

Nit lambuk tak nonposo elem Nagawan Indo at-nen-e pempa yi mende ndi mende bem-e lambuksa woragwi elem wok kondosolat wolmag-o. Nagawan Indo-ge kit pidsa kinmin wolmag-o.

YAKOBUS 3:18

Lud tak nak kwarugwi iri-ge yamuksa wolmomtak nak inndi peragwi nap iri-nen yamuksa woragwi uwi pil kaidnak iri engen pidnak-nen yusu-o.

1 PETERUS 1:14

Kir-e Mbal Pem Nagawan-nen yidnak yidnak nak kwarogolat wolmer-o. Nde, kit nanduk Mbal Pem Nagawan kenaru buk woragolat-nen kinndi-nen ukwe ukwe yoso-nen yidnak yidnak kwarugwi na kwarurak pug-o.

1 SEMUEL 25:17

Iri bem wene yu-ge kwara yebet karuk, kat-nen kwarurak iri-ge iri nggal-et kwareyeg-o luk wat tak purag-o. Nde, wene iri bem-e mondok onggo-ge nonmbo Nabal min at ama woragwi nap oboksa nenpem-e mondok angin worak worasu-o. Nde, nonmbo Nabal yu-ge abut meya, wene na koloso buk me, mondok meya-o” yak tij-o.