LUKAS 10:42 - Nanduk Ngget Tul Pidnak Wene

⁴² nanduk tak purak mende-ge misiget nak worasu-o. Nde, Maria-nen-e konak kwarurak mende mbenasa wanid iri-ge tuguruk at inggem-nen wanurak puk irit wanij-o” luk yij-o.

LUKAS 10:42 Iomraidhean Croise

NDAWI ENGGA 119:111

Kat-nen ”Kwarurag-o” luk yidnak wene-ge mondok an narengge pem tena wolmomtak wene-nen yusu-o. An nindi alen tak poso-nen yusu-o.

NDAWI ENGGA 142:5

Nagawan Indo wa-e. An-e kat keram wene mbo bil luwasu-o. Kar-e an kurak yoso nondoro-nen yusu-o. An worasolar-e, nindi kundig-e kat nag-o.

NDAWI ENGGA 27:4

An-nen nindi perasu-ge misiget yu nak Nagawan Indo ebem nggi yusu-o. Misiget ukwe yusu-ge yu nag-o: Nagawan Indo-nen konak nak kwat noboso elem iri na-ge an nerengen-nen kasolat, ndemel nuburuk noso elem nggi yosolat yurak pem an woralar-e, kat kama nak wolmomtak irit ukwe-o.

NDAWI ENGGA 73:25

Aid arem-nen-e an-e ta nggal winde yimin-o? An narengge kat nag-er-o. Nggweyakma yu me-nen-e ta nggal nindi ebem pimin-o? Mondok lag-o, kat kebem nak pimin-o.

MARAKUS 8:36

Ap-nen-e o nggweyak yu pidsa winde yuwa-t nde, at ondomok indi pul yuwarig-e, no nde lesa wanuwa-o? Wewesa-o!

LUKAS 10:39

Kwe na owot unu-ge Maria. Nde, Maria iri-ge Nagawan Indo eram kore luk, at-nen mul undusu wene iri na kolak woragaij-o.

LUKAS 11:1

Misik tarem-e mbi me-nen Yesus na tepan yosolat woragaij-o. Tepan yaga keya bosola-ge, at owot mbi-nen at yak tosolar-e: ”Nagawan Indo wa-e. Yoanes-nen tepan yurak at owosirak na mul ondosolat woragaid na nggal, nit na iri nggal kwasa mul nindi-o” luk yij-o.

LUKAS 12:20

Iri peragaij-et nde, Mbal Pem Nagawan-nen at yak tosolar-e: ’Wid kindi worak wa-e. Yawo kubu-net wat yugun-o. Iri ala, kat-nen ndok wirigen mende silobulo yu-ge ta-nen nde winde ma-o?’ luk yak tij-o.

LUKAS 12:33

Kit kinsilobulo onggo wanurug-e onggo wok kindidnag-e insilobulo lak nap tembesa wok ender-o. Konkot manik ndelep yoso buk yaguruk, kinsilobulo lak yurak puk sa aid arem pogolat wolmer-o. Nde, aid arem pidnak me-ge, yariya wanugwi nap-nen yariya wanogolat, sil-nen mbarosolat yoso buk sa me, lag-e ma bug-o.

LUKAS 16:2

Yak tosoloma-ge, tol ndok woroso nap iri na wene mbo uburuk, winde iri-nen yak tosolar-e: ’Kar-e ngge kwarosola-nen kobok kuligi-o? An nisilobulo wanosolat woraigen iri-ge engga bem ndegera mbarosoluk, wok niril lobok yi-o. Nde, kat-nen an norol tena wolmomtag-e lag-o’ luk yak tidj-o.

LUKAS 16:25

Alat nde, Abaram-nen yosolar-e: ’Nambara wa-e. Kindi yebet ki-o. Kar-e kuruk woralar-e, konak mende nak wanosolat woraigen-o. Nde, Lasarus-e meya mende nak wanosolat woragaij-et nde, yawo-ge ar-e yu me alen pem worasu-o. Nde, kar-e andi bandi kasu-o.

LUKAS 18:22

Iri yosoloma kulurug-e, Yesus-nen at yak tosolar-e: ”Kat-nen mondok kwarurak mende misiget mbi keya bigen-o. Kat karengge pidsa onggo wanosoluk, onggo wanidnak tengge na insilobulo lak nap tembesa wok undugunmu-ge, an nimin ni-o. Iri yugundik pem-e aid arem-nen silobulo kwarat winde yugun-o” luk yak tij-o.

LUKAS 8:18

Iri bem-e, kit-nen kulidnak wene-ge kwara-t yebet kudtag-o. Enarengge worak nab-e terak mena kwarat wok unduwa-o. Alat nde, enarengge marig-et worak nab-e it endam woraso marig-et ereya na wanuwa-o” luk yij-o.

YOANES 11:1

O Mbetania nap Lasarus na kugi ebem yidnak woragaij-o. O iri me-ge Maria min ambap Marata min enma-o.

YOANES 11:19

Yawuri nap kwarar-e Marata min Maria min intid wat yidnak me, inndi yangunuwokluk lobok yiga-o.

YOANES 12:3

Mak ondosola-ge, Maria na-nen-e onggo kwarat pugwi emben worak amburu-ge yimbe misik arem kobong tak na wanuruk, Yesus ijok pem kilik puruk, at anggulsu-nen Yesus ijok amburu mbarak pij-o. Iri kwarosola-ge, amburu emben konak na-ge o ma iri me yebet yij-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

YOANES 4:14

an-nen kenangga mak timin yi nujwa nab-e pempa pempa yi nere kujwa bug-o. Nde, an-nen kenangga mak timin yi iri-ge at arem-nen unlug-et wolmomtak yi urusu kundik mborosolar-e, urug-et woralik nalik wolmomtak elem wok tuwa-o” luk yij-o.

YOANES 5:24

An-e ndemeret yak kundusu-o. An-nen yidnak wene kuluruk, an nibil lobok yidnak nap ebem indi angin tubu yuwa nab-e, unlug-et woralik nalik wolmomtak elem-e mondok wanarik worasu-o. Iri yidnak nab-e wat yugwi elem tena woraidnak keya buruk, unlug-et wolmomtak elem wanidnak me, at ebem-e wene mbi mbaruwa bug-o.

YOANES 6:27

Lak yosolat, emben yosolat yoso nunggwi mende iri-ge ndegel tenak momtak pug-o. Are, emben yoso buk, pem-et unlug-et woralik nalik yaga wok ondoso nunggwi mende irit ndegel tenak wolmer-o. Nde, Ap Ambara an-e Neid Mbal Pem Nagawan-nen lenak nibidnak me, iri yidnak nunggwi mende iri-ge Ap Ambara an-nen wok kindimin-o” luk yij-o.

1 KORINTUS 13:3

An narengge pik paksa ap tembet ondosolat, an nebe na kan nubuwakluk wesera wok ondosolat yimin-et nde, ap enabuwa kagwi elem nde an narem-e lak-nen-e iri kwarimin pidsa-ge an namanggim-e wewesa-nen yusu-o.

NGGALATIA 5:6

Nde, nir-e Kerisut Yesus ebem woragolar-e, niniye ambasap wabidnak ala na, ambasap wabigit lak ala na, iri-nen ebe momtak mende-ge lag-o. Nde, inndi angin tubu yidnak pem-nen ap enabuwa kagwi iri nak nggok-nen yusu-o.

TUGURUK YIDNAK WENE 30:19

Yawo-ge kit nak-nen lembener-o. Kunluk wolmomtak nde wanugup, lak? Are, wat momtak nde wanugub-a? Imbiringgat lem nde wanugup, lak? Are, imbiri lamut lem nde wanugub-a? Kit nak-nen lembener-o. Kit-nen wene nggaruksa yugup iri-ge mbal min nggweyak min aru-o. Kit-nen-e kunluk wolmomtak irit waner-o.

YOSUA 24:15

Kit-nen nde Nagawan Indo ndegel uburak kinmbit ala-ge, yawo-net wene nggaruksa yogolar-e: ’Nir-e irit ndegel obogolat wulmul-o’ luk, unu yarurag-o. Kir-e konmborak nanduk Mesopotamia woragolat-nen erembel wanugwi kugwiwak ereba na erembel wanugub-a? Are, Amori nap unuwi nggweyag-e yawo kit worali yu-nen erembel wanugwi kugwiwak ereba na erembel wanugub-a? Alat nde, an min an nama woragwi nap inmin perak nde, Nagawan Indo nak ndegel obogolat wulmul-o” luk yij-o.

YOSUA 24:22

Yogoloma, Yosua-nen yosolar-e: ”Iri yigep iri-ge kit kondomok kenemndam nggwe-net wirik pogolar-e: ’Nir-e Nagawan Indo nag-et ndegel obogolat wulmul-o’ yigep iri-ge kinndi yeberak wolmer-o” yak ondosoloma-ge, it-nen yogolar-e: ”Ndemeret nit nondokwak nggwe-net yige-o” luk yiga-o.