LUKAS 10:4 - Nanduk Ngget Tul Pidnak Wene

⁴ Nde, mborogolar-e, kot manik min tu laro min kunuwok sum min waruk mbururak pug-o. Ap wa yak unduwokluk tundumu ndong yurak pug-o.

LUKAS 10:4 Iomraidhean Croise

NDAK WIRIDNAK WENE 24:33

Nde, nunggwi mende endam pil lobok yogola, Abarakam ndegel oboso nap iri na-nen yosolar-e: ”An-e nunggwi mende ninggit lak ma-net an nebem pidnak wene mbi yimin-o” yij-o. Yosoloma-ge, Laban-nen yosolar-e: ”Yi-o, nab-o” yak tij-o.

NDAK WIRIDNAK WENE 24:56

Yogolikma-ge, Abarakam ndegel oboso nap iri na-nen yosolar-e: ”Iri yogolat, an tena nibili-ge meyog-o. Nde, Nagawan Indo-nen an-nen tu lobok yigi-ge ebe worak tak pij-o. Iri ala-ge, an nonggo bid nap eram mbereyek-nen ’Mbiri-o’ yak nerer-o” luk yij-o.

2 NAGAWAN NAGAWAN-NEN KWARIDNAK WENE 4:24

Kelerai wam iri na bem kore yurak ondoro iri na posolug-e, at-nen ndegel oboso nap iri na yak tosolar-e: ”Mondok ndag-et ndag-et mburuwakluk ndag-et ndumuluk mbururag-o. An-nen yak kirigit lak ma-ge kebeyo rak purak pug-o” luk yak tij-o.

2 NAGAWAN NAGAWAN-NEN KWARIDNAK WENE 4:29

Yosoloma, Elisa-nen nden kaga Nggekasi iri na yik karuk yak tosolar-e: ”Kar-e an nowangun iri wanuruk, nok mburugundik, kwe yu ama wok yosolar-e, la iri bem purag-o. Nde, tu ndumu ap-nen nde wa yak korogola-ge, onggo wa yak ondosolat ndag-et mburugun puk me, mondok wa yak undurak pug-o” luk yak tij-o.

MARAKUS 6:7

Iri luk, at-nen at owosirak na yonggo unpuruk, ir-e mberen lombok mberen lombok wirik onposolar-e, it-nen kugi meya iri na wirik puwakluk amawi wok unduruk,

LUKAS 22:35

Iri luk, Yesus-nen it yak ondosolar-e: ”An-e nanduk wirik konposolar-e: ’Kot manik min sum min kunuwok sum min waruk mbururak pug-o’ luk yak kundukmu, waruk mbirigit lak yigepndig-e, kir-e ndak nigep, lak? Are, meya-a?” luk yak ondosoloma-ge, ”Lag-o. Mondok ndak nige-o” luk yiga-o.

1 SEMUEL 21:8

Worala-ge, Ndaut-nen Abimelek kin wok obosolar-e: ”Nagawan Saul-nen ndag-et nag-o luk yosola me, an-e mija lele nesan min neyalawi min-e ma keya buruk lobok yidnak me, an ninggem mbururak san ala na, yalawi ala na kar-e yu me pidnak mbi worasu, lak?” luk kin wanij-o.