LUKAS 10:2 - Nanduk Ngget Tul Pidnak Wene

² Wirik onposolat-nen it yak ondosolar-e: ”Ogore yidnag-e kwarat worala-t nde, ndagurak nab-e wanarak nag-o. Iri bem-e, at umburu ndagurak nap ereb-e eyapmu wirik inpil lobok yuwakluk yabu winde Nagawan Indo na emengen mbarurag-o.

LUKAS 10:2 Iomraidhean Croise

1 NAGAWAN NAGAWAN-NEN KWARIDNAK WENE 18:22

Iri luk, Elia-net yosolar-e: ”Yu me-ge kugwi Mbaal ombo-ge empat ratus lima pulu (450) worali-t nde, Mbal Pem Nagawan ene lomboksa yugwi nap ereba ennggendumu-ge an narig-et nak worasu-o.

WONARIDNAK WENE 11:17

Nde, an-e iri me mbuwamindik, wene mbarul-o. Amawi kat wok kirigi ereba na-ge ereb-e menggesa it enpem pimin-o. Nde, kat karig-et nak angin pangin iri-ge meya-o. Ap kwarat yu ndegel unpurak yabu iri-ge kat yongga korogolat ereb-e it-nen wanurag-o.

WONARIDNAK WENE 11:29

Yak tosola, Musa-nen yosolar-e: ”Kar-e an-nen iri yurak neberasu-t nde, an-nen-e Nagawan Indo-nen at Indi at elem nap wok ondosola, it oboksa-nen at ene lomboksa yugwi nap kwat momtak irit perasu-o” luk yak tij-o.

MATIUS 20:1

”Mbal Pem Nagawan-nen tenagaidnak wi iri-ge anggut yabu winde-nen-e eyabu wanuwakluk ap onkore kubu kabu mbirid iri nggal-nen yusu-o.

MARAKUS 13:34

Iri-ge yu nggal-nen yusu-o. Ap misig-e at uwi keya buruk, o nin sa mbereyeklug-e, at ndegel ubugwi nap-nen enarik tak wanogolat wolmomtak mende enpem puruk, tumende yik karok woraso nap iri na yak tosolar-e: ’Kwara yik karok worasolar-e, kurug-et wolmin-o’ luk yak turuk, mbirij-o.

MARAKUS 16:15

Met unpuruk, Yesus-nen it yak ondosolar-e: ”Kir-e yi wi ndi wi ap pidsa aid wene yak indil mberer-o.

MARAKUS 16:20

Yosoloma-ge, at owosirak na mborogolar-e, yi wi ndi wi aid wene yil waring kagola-ge, Nagawan Indo-nen it yongga ondosolar-e, it-nen yidnak wene iri-ge ndemerer-o luk yebet kujwakluk, kagwi buk mende iri it enpem-nen kwarij-o.)

LUKAS 9:1

Nde, Yesus-nen at owosirak duabelas na wene mbo unpurug-e, kugi pidsa wirik purak amawi min ap ki rak unpurak amawi min wok indij-o.

YIDNAK YIDNAK WENE 11:19

Nde, Sepanus na wiridnak ombol nggwe-ge it erep na lel mberel onpogola, ndi yogolar-e, Penisia nde Siperus nde Antiokia nde mborogolar-e, aid wene-ge enlem nin nap yak indigit lak, it Yawuri nap nak yak indil mbiriga-o.

YIDNAK YIDNAK WENE 13:2

Misik tarem ir-e mburu ninggit lak woragolat-nen Nagawan Indo nak erembel wanogolat worakmu-ge, Konak Indi-nen yak ondosolar-e: ”Mbaranabas min Saulus min iri-ge an neyabu wanuwakluk yonggo inpigirik me, an namanggim lenak enper-o” luk yak indij-o.

YIDNAK YIDNAK WENE 13:4

Iri bem-e, Konak Indi-nen wirik inpidnak me, Mbaranabas min Saulus min-e o Selukia mbigarik, iri me-nen e koma arem ngguruk, Siperus mbiriga-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

YIDNAK YIDNAK WENE 22:21

Alat nde, Nagawan Indo-nen an yak norosolar-e: ’Mbiri-o. An-e wandakma enlem nin nap endam wirik kibimin-o’ luk yak nirij-o” luk yij-o.

YIDNAK YIDNAK WENE 8:4

Nde, it ndi rak inpidnak nap na-ge yi wi ndi wi waring kagolar-e, aid wene yak indil indil waring kaiga-o.

1 KORINTUS 12:28

Nde, Mbal Pem Nagawan-nen ap lambuk tak inpidnak ennggendumu ap pidsa onposolar-e: Nandug-er-e wirik inpidnak nap onposolat, imbirig-e, Mbal Pem Nagawan ene lomboksa yugwi nap onposolat, imbirig-e, ap mul undugwi nap onposolat, iri rak puruk imbirig-e, kwiye worak mende kwarugwi nap min ap ki rak unpurak amawi wok indidnak nap min yongga undugwi nap min enne kulugwi nap min nin wene nan wene bem yugwi nap min irit inpij-o.

1 KORINTUS 15:10

Alat nde, an yawo worasu yu-ge Mbal Pem Nagawan-nen we wok ondoso bem-net worasu-o. Nde, we wok ondoso mende wok nirid iri-ge ebe lak momtak pem wok nirij-e lag-o. Are, it wirik inpidnak nap ereb-e yabu we marik nggal wanogola-t nde, an-e yabu kwarat wanusu-o. Alat nde, an-nen wanusu-ge lag-o. Mbal Pem Nagawan-nen we wok ondoso mende-ge an nimin worala-nen wanusu-o.

2 KORINTUS 6:1

Nir-e Mbal Pem Nagawan imin yabu misiget erep wanugwi nap nit-nen nggomo kindili-o: Mbal Pem Nagawan-nen we wok ondoso elem wanigep iri na-ge ebe lak mende rak purak pug-o.

PILIPI 2:21

It ereb-e inndi-ge it ondomok-nen kwarurak nak nggok tak pogolar-e, Yesus Kerisut owene-ge marik tak pili-o.

PILIPI 2:25

Nandug-er-e an nanggam yabu misiget erep wanogolat, wim misiget erep tomborogolat yoso nap, nonowot Epapororitus na-ge kit kendam ibil-et lobok yimin-o. At iri-ge an yongga nuruwakluk kit-nen ibil lobok yigep nar-o.

PILIPI 2:30

At-nen kwaroso-ge yu-o: At iri-ge Kerisut eyabu wanosolar-e, at ondomok indi wisirik pidnak me, kit-nen ndegel nuburak nggal at kondolmasa ndegel nebeyekluk yosoma, komo wat yurak nggal yij-o.

KOLOSE 1:29

Iri kwat unpurak pem an-e namawi min-et yabu wok tenak woralar-e, Kerisut-nen wok niridnak amawi kwarat iri na bem-nen yabu wanusu-o.

KOLOSE 4:12

Kit kenma nap misik, Kerisut Yesus ndegel oboso nap Epaparas-nen-e wiwa yak kundusu-o. Nde, at iri-nen-e pempa pempa kit kenmanggim kiri keresa tepan yosolar-e: ”It inndi tugup lak woragolat, iminep mbarak woragolat, Mbal Pem Nagawan indi-n pidnak nak kwarogolat wolmag-o” luk Mbal Pem Nagawan emengen mbaroso-o.

1 TESALONIKA 2:9

Nennggamirak wa-e. Nir-e nondomok neneyabu wanogolat siri mbige iri-ge kir-e yebet yebet tak worali-o. Nir-e Mbal Pem Nagawan-nen idnak aid wene yak kondogolat woragolar-e, angin tak kunpul naru, lengge-nen kubu-nen neneyabu wanogolat woraige nar-o.

1 TESALONIKA 5:12

Nennggamirak wa-e. Kit kennggendumu yabu wanili nap, Nagawan Indo-nen tu mirik konpogolat, nggomo kondogolat makluk len inpidnak nap iri-ge kit-nen-e kwara kek tak enper-o luk nir-e kiri keresa kenmengen mbatli-o.

2 TESALONIKA 3:1

Nde, nenggamirak wa-e. Nit nenmanggim tepan yogolar-e, Nagawan Indo owene na-ge kit kennggendumu-nen kwat yid na nggal-et ndag-et nak wigak yosola, kek tak puwakluk, tepan yogolat wolmer-o.

1 TIMOTIUS 4:10

Nde, uruk nak woraso Mbal Pem Nagawan na ebem ninndi kwara mbung mbung tak worali me, nir-e nenmawi kondogolat, yabu kwarat wanili-o. Nde, Mbal Pem Nagawan iri-ge ap oboksa Inmiri Yoso Nab-et nde, nggog-e inndi angin tubu yidnak nap Inmiri Yoso-nen yusu-o.

2 TIMOTIUS 4:5

Alat nde, kat perak nde yi mende ndi mende kwarosolar-e, kindi min-et kwara woralat, lel mberel kobogola, mamak puruk woralat, aid wene yoso nap-nen yabu wanoso nggal yabu wanosolat, Mbal Pem Nagawan-nen kebem pidnak yabu iri-ge kwara wanosolat wolmin-o.

PILEMON 1:1

Kerisut Yesus ebem kere kamat nibidnak nap Paulus an min nonowot Timotius min-nen nit nennggam, yabu misiget erep wanoso nap Pilemon kat min,

IBERANI 3:6

Alat nde, Mbal Pem Nagawan uwi na-ge at Ambara Kerisut inggem pidnak me, ar-e mot mot nak tena worasu-o. Nde, nir-e wog-et nunduwa-o luk ninndi embem min-et ninndi mbung mbung tak woragwi ala-ge, nir-e Mbal Pem Nagawan uwi-net yili-o.

NAM PARA WENE 2:1

”Epesus woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge at inggi kigit nggwe wonaru tuju na tenaga, emas-nen konidnak tal tuju na enggenggerak waring kasu nap iri-nen yidnak wene-o.