LUKAS 10:13 - Nanduk Ngget Tul Pidnak Wene

¹³ Yuruk, Yesus-nen yosolar-e: ”O Korasin woragwi min Mbetsaira woragwi min wa-e. Kenpem mbuma mende bem kenabuwa-o! Kit kendam-nen kwiye worak mende kwarusu yeba nde o Tirus min Siron min kwatlep nggal-e, o iri me nap-nen-e obi-net it meya yidnak keya buruk kondok yogolar-e, sum meya yorogolat, entare bem mabe mbo bogolat kwatleb-o.

LUKAS 10:13 Iomraidhean Croise

AYUP 42:6

Iri kwarosolar-e, an-nen yigi wene ereba na yebet kasolar-e, ’Niri nera-nen yigi-o’ luk ninggiri-nen o liri bem, mabe bem yeba koreyak worasu-o” luk yij-o.

YESAYA 61:3

inndi puru bera tabun puruk woragwi-ge konak enalin enalen pem woragwi elem wok ondosolat, nde, inndi puru rak woragwi-ge nden yaga enalen pem ndawi yugwi rak onposolat yuwakluk-nen nibil lobok yamu-o. Nde, ir-e Nagawan Indo ondomok-nen yagidnak e nggal kwat ma-o. Ir-e ndemeret lud tak mot mot nak kwarogolar-e, Nagawan Indo nak kek tak ubuwa-o.

NDANIEL 9:3

Karug-e, mondok kiri keresa Nagawan Indo Mbal Pem Nagawan emengen mbarosolar-e: ”Nenabuwa ki-o” luk yak tigi-o. Iri kwarosolar-e, inndi puru yogolat-nen yurugwi karung sum iri na yutluk, mburu ninggit lak, tepan nak yosolat mabe bem irit koreyak woragi-o.

AMOS 1:9

Nagawan Indo-nen yosolar-e: ”Tirus woragwi nab-e pempa meya nak kwat tenak worali-o. Iri bem-e mondok an-nen ndemeret angin worak enpem pimin-o. It-nen-e ap enlem misik oboksa mbo unpugwi sa mbo onpogolar-e, kegera Erom nap ininggem piga-o. Iri kwarogolar-e, kundik wolmomtag-o luk urul piga wene iri na-ge kwid tiga-o.

1 TIMOTIUS 4:2

Nde, wene yu elem-e onmbol pem lagolat enesiget yugwi nap enarem-nen lobok yusu-o. Posid wiril yidnak embem-nen ninggidnak nggal it-nen kwiye kagwi inndi-ge lak tak pusu-o.

NAM PARA WENE 11:3

Nde, an nene yugwi nap mberen unsum-e tabun puruk woragolat-nen yurugwi sum yutluk, Mbal Pem Nagawan-nen yidnak wene ap yak ondogolar-e, seribu dua ratus enam pulu (1,260) tarem wolma-o” luk yak nirij-o.