LUKAS 10:11 - Nanduk Ngget Tul Pidnak Wene

¹¹ ’Kit kinndi wanobokluk, kit kunuwi liri nunuwok pem lop nok yidnak yu-ge nir-e pil kali-t nde, Mbal Pem Nagawan-nen tenagaidnak wi-ge nit nendam panggo yij-o luk kenaru wolmer-o’ luk yak undugub-o.

LUKAS 10:11 Iomraidhean Croise

YESKIEL 2:5

It iri-ge kuluwa, lak? Kuligit lak ma, lak? Yak nak undurag-o. Mbigija-ge Mbal Pem Nagawan ene lomboksa yoso nap nit nennggendumu worasu-o luk enaru yuwa iri nag-o.

MATIUS 10:14

Nde, it-nen nde kit wok kinpigit lak, kit-nen yidnak wene na wanigit lak yogola-ge, o ala na, o siri ala na, keya buruk mborogolar-e, kunuwok liri pil karuk mbururag-o.

MATIUS 10:7

Mborogolar-e, ’Mbal Pem Nagawan-nen tenagaidnak wi-ge panggo yij-o!’ luk yak indil mberer-o.

MATIUS 3:2

”Mbal Pem Nagawan-nen tenagaidnak wi-ge panggo yusu me, kit meya yugwi keya buruk, kondok yer-o” luk yij-o.

MARAKUS 6:11

Alat nde, kit mburugupndik, o iri nap-nen wok kinpigit lak, kenne na kuligit lak ala-ge, o iri me-nen nde kit mborogolar-e, it inndi wanuwakluk, kit kunuwok liri-ge iri me pil karuk, mbururag-o” luk yak indij-o.

LUKAS 10:10

Alat nde, kit o siri misik wok yukmu nde, wok kinpigit lak ala-ge, it enma na tula waring kagolat-nen yak ondogolar-e:

LUKAS 10:9

o iri me woraidnak kugi worak nap ki rak onpogolat, o iri me woragwi nap yak ondogolar-e: ’Mbal Pem Nagawan-nen tenagaidnak wi-ge panggo yusu-o’ luk yurag-o.

LUKAS 9:5

Nde, ap-nen wok kinpigit lak yogola-ge, o siri iri me-nen mborogolar-e, it inndi wanuwakluk kunuwok liri pil karuk mberer-o” luk yak indij-o.

YIDNAK YIDNAK WENE 13:26

Nanggamirak, Abaram-nen wigarak nap min kit Mbal Pem Nagawan aye worak nap pidsa min wa-e. Ninmiri yurak wene yu-ge nit nendam-et pil lobok yij-o.

YIDNAK YIDNAK WENE 13:40

Iri bem-e, Mbal Pem Nagawan ene lomboksa yugwi nap-nen yidnak wene-ge kit kenpem mbuma naru, kwil kwalsa wolmer-o. Wene iri-nen yosolar-e:

YIDNAK YIDNAK WENE 13:46

Alat nde, Paulus min Mbaranabas min-nen kwiye lag-et yogolar-e: ”Mbal Pem Nagawan-nen yidnak wene-ge mondok nandug-et kir-et yak kundurag-o. Alat nde, wene iri-ge kit-nen keya bogolat, kit-nen-e ’Unlug-et woralik nalik momtak wene iri-ge nit-nen wanurak meya-o’ luk yogola me, nir-e keya kunpuruk, enlem nin nap endam mbitli-o.

YIDNAK YIDNAK WENE 13:51

Langgara wirik onpogola-ge, it unuwok liri na-ge it endam pil karuk mborogolar-e, Ikonium mbiriga-o.

OROMA 10:21

Nde, Mbal Pem Nagawan-nen Isarael nap inmin yidnak Yesaya-nen yosolar-e: ”An ninggi-ge it enambigit nggwe pempa sambok tenak woragi-t nde, ir-e inndi amawi, eneyanggo lak wene tarugwi-o” luk yij-o.

OROMA 10:8

Iri-ge yu nggal yosolar-o: ”Mbal Pem Nagawan-nen yidnak wene iri-ge kit kendam worasu-o. Kit kenemende bem, kit kenarem na worasu-o.” Nde, iri-ge nit-nen yak kindili inndi angin tubu yugwi wene nde yigi-o.

IBERANI 1:3

At Ambara iri-ge Mbal Pem Nagawan kektak woraso abinal-net yusu-o. Ambara iri-ge Mbal Pem Nagawan abage ndak worak-net yusu-o. At ene amawi bem-nen yi mende ndi mende oboksa yogo buruk worasu-o. At iri-nen-e ap-nen meya yogolat woraidnak oboksa marak purug-e, aid arem woraso Amawi worak Mbal Pem Nagawan na inggi kigit nggwe kore yij-o.