LUKAS 1:73 - Nanduk Ngget Tul Pidnak Wene

^73-74 At-nen owak mbara nit nonmbo Abaram na yak tosolar-e: ’Kit kinmin wim nap ininggem-nen wisirik kinpimin-o. Iri ala-ge, kwiye lag-et an ndegel nobogolat,

LUKAS 1:73 Iomraidhean Croise

NDAK WIRIDNAK WENE 24:7

Nagawan Indo mbal tena worasu Mbal Pem Nagawan yu-nen an neid ama-nen na irit, an nowe nowot woragwi sa-nen wok nuburuk lobok yarik, ’O yu-ge kat-nen wigarak wok indimin-o’ luk owak mbara pamu-o. Iri yid Nagawan Indo iri-net at-nen yidnak aid nap misik lenak puwama, yongga korosola, kar-e an nambara amanggim kwe-ge ndag-et nak ndurumsa wanugun-o.

NDAK WIRIDNAK WENE 26:3

Nde, an-nen-e nggetlel kuburuk nosolat, imbiringgat tak kobosolat woramin-o. Nde, nggweyak yu-ge oboksa kat wok kurumu, kat-nen wigarak-nen winde yuwa-o. Nde, an-nen-e keid Abarakam ’Inik nggal kwat kibimin-o’ luk urul yak tigi iri na ndak ndag-et kwat kibimin-o.

NDAWI ENGGA 105:9

At-nen urul pid iri-ge nandug-er-e Abarakam imin urul puruk, imbirig-e Isak imin pij-o.

TUGURUK YIDNAK WENE 7:12

Kit-nen nde at-nen kenpem pidnak wene ereba nde kwara yebet karuk mot mor-et kwarogola-ge, Nagawan Indo Kenmbal Pem Nagawan nen na at-nen urul yak kindid ereba na ndak ndag-et kwat kunpuwa-o. At-nen kit konmborak urul yak indid iri na ndak ndag-et at-nen kit kenabuwa kaso iri-ge pem irit kenabuwa kasolat wolma-o.

TUGURUK YIDNAK WENE 7:8

Alat nde, Nagawan Indo-nen len kinpid iri-ge, at-nen kenabuwa kasolar-e, konmborak inmin urul yak indid iri na ndak ndak tak posolat-nen kwarij-o. Iri bem-nen at amawi nggok pem kinmiri yosolat, Mesira nagawan-nen anggun panggun tak konposola inggiyapma-nen wisirik kinpij-o.

IBERANI 6:13

Nde, Mbal Pem Nagawan-nen Abaram urul paga yak tosolar-e, owak mbarosolat-nen urul pid irir-o. Nde, Mbal Pem Nagawan ombol pem kek tak terak minik misig-e mondok lak me, at ondomok unu bem-et owak mbarosolat-nen yak tosolar-e: