LUKAS 1:7 - Nanduk Ngget Tul Pidnak Wene

⁷ Kwe Elisabet na-ge yibiri me, ir-e li ndakit lak iri-net abu inndi worak, li yidnak irit woraiga-o.

LUKAS 1:7 Iomraidhean Croise

NDAK WIRIDNAK WENE 17:17

Iri yak tosoloma-ge, Abarakam na-ge tud yij-et nde, nda tosolat-nen indi yebet kasolar-e: ”Ap abu indi worak olengen seratus (100) woraidnag-e la ndagurag-a? Nde, Sara na olengen sembilan pulu (90) woraidnak yeba nggal-e nggesa-nen la ndagurag-o?” peragij-o.

NDAK WIRIDNAK WENE 18:11

Nde, it Abarakam min Sara min-e abu inndi worak me, Sara na-ge kwami yoso na lak yidnak irit woragij-o.

NDAK WIRIDNAK WENE 25:21

Nde, Isak-nen-e ogwe na la ndakit lak ala karuk, tepan ogwe na amanggim Nagawan Indo emengen mbarij-o. Nde, Nagawan Indo-nen-e at-nen tepan yoso iri na erep nggarosolar-e, ogwe na-ge abila yij-o.

NDAK WIRIDNAK WENE 30:1

Alat nde Arakel na-ge la ndakit lak irit woralar-e, ambap iri na bem erengen ale posolat-nen Yakup yak tosolar-e: ”La misik ndak niri-o. Lak nde ala-ge, an-e mondok wat yeg-o” luk yak tij-o.

1 NAGAWAN NAGAWAN-NEN KWARIDNAK WENE 1:1

Yawo Nagawan Ndaut na-ge abu mondok indi worak irit yij-o. Woralar-e, embem sum-nen ketsa ibidnag-et nde, toro-ge ebem nak irit woragij-o.

2 NAGAWAN NAGAWAN-NEN KWARIDNAK WENE 4:14

Yosoloma, Elisa-nen Nggekasi kin wok obosolar-e: ”Iri ala-ge, an-e kwe iri-ge no mende kwat ibimin-o?” yij-o. Yosoloma, Nggekasi-nen onggo yosolar-e: ”Neij-o. Ar-e ela lak. Nde, un iri na indi worag-o” luk yak tij-o.

LUKAS 1:5

O Yurea nagawan Erores worala-ge, tepan ombo misik unu-ge Sakaria irit woragaij-o. At iri-ge tepan ombo Abia winde nab-o. Nde, at ijambal unu-ge Elisabet na irit, tepan ombo-nen nderak irit woragaij-o.

LUKAS 1:6

Nagawan Indo-nen ”Irit kwarurag-o” yidnak min imiri mbarak pidnak wene min iri-nen yidnak yidnak nak kwarogola-ge, Mbal Pem Nagawan-nen it enmberek eneyasolar-e, it enmbereg-e mot mot kwarugwi irit eneyagaij-o.

LUKAS 1:8

Misik tarem it Abia-nen Mbal Pem Nagawan ama yabu wanurak tarem na alama-ge, at Sakaria-ge Mbal Pem Nagawan eram iri me tepan ombo-nen wanugwi yabu na wanosolat woragaij-o.

OROMA 4:19

Iri tarem Abaram-e olengen seratus nggal woraidnak me, ebe na indi worak me, la ndagurag-e meya-t nde, ogwe Sara na yibiri-t nde, iri kwarak worasolar-et nde, at indi angin tuburak irit woragaij-o.

IBERANI 11:11

Nde, Sara na irit at indi angin tubu yidnak pem-net ar-e kwe arowe li yidnag-et nde, la ndagurak ndak kwat agaij-o. At-nen perasolar-e, urul paga yak tid nap Mbal Pem Nagawan iri-ge mot mot nak kwaroso me, kwaruwar-o luk peragaij-o.

1 SEMUEL 1:2

Nde, Elkana ogwerak mberen unnu-ge Ana min Penina min woraiga-o. Nde, Penina iri-ge elirak worag et nde, Ana iri-ge la-ge lag-o.