LUKAS 1:68 - Nanduk Ngget Tul Pidnak Wene

⁶⁸ ”At elem nap yongga ondosolat, wisirik enpeyekluk lobok yid Isarael nap Enmbal Pem Nagawan, Nagawan Indo iri nak erembel wanuwog-o.

LUKAS 1:68 Iomraidhean Croise

NDAK WIRIDNAK WENE 14:20

Wim nap urugwe nggwe rak unpuruk, ombol nggwe rak kibid Mbal Pem Nagawan Mondok Kek tak iri nak erembel wanugwi irit wolmag-o” luk yak tij-o. Yak tosoloma-ge, Abaram-nen-e at-nen wim kugun pem wanid yi mende ndi mende ereba na enggep lombok menggesa karetkwe irit Melkisendek wok tij-o.

NDAK WIRIDNAK WENE 24:27

yosolar-e: ”Nagawan Indo an nonggo bid nap Abarakam Embal Pem Nagawan wiwa-o. Nde, Nagawan Indo iri-ge mondok mot mot nak at ndegel oboso nap Abarakam urul yak tidnak irit ndak ndak tak pij-o. At ambigir-e kindi konak yusu-o. Nde, kat-nen-e an lit nuburuk nok nok Abarakam owe owot woraidnak sa enndam nibil lobok yigen-o” luk tepan yij-o.

NDAK WIRIDNAK WENE 9:26

Nagawan Indo Sem Ambal Pem Nagawan nak erembel wanuwag-o! Nde, Kanan iri-ge Sem mumnggup manggi indipma wolmag-o.

1 NAGAWAN NAGAWAN-NEN KWARIDNAK WENE 1:48

tepan yosolar-e: ’Nagawan Indo Isarael nap-nen kek tak kubugwi Mbal Pem Nagawan wa-e. Kat nak kerembel wanurag-o. Nde, yawo-ge an nambara misik an nondolma kat-nen mendak pigen-o. Kat-nen-e an nambara nagawan men yosola, nerengen-nen kujwakluk, an nuruk wolmomtak tena woraigen-o’ luk tepan yij-o” luk yij-o.

1 NAGAWAN NAGAWAN-NEN KWARIDNAK WENE 8:15

Iri yosolat-nen yosolar-e: ”Nagawan Indo-nen an neid Ndaut urul yak tosolat-nen yosolar-e: ’Nanduk an nilirak Mesira-nen wesera inmin lobok yosolar-e, Isarael woragwi sa oboksa-nen o siri misik me an nerembel wanurak o wururak mbi lenak pigit lak yigi-t nde, Ndaut kar-e an-nen nilirak tena unpuruk woranokluk lenak kubukmu-o’ luk yid iri na-ge at-nen urul pidnak ndak ndak tak pid iri bem-e Nagawan Indo Isarael nap Enmbal Pem Nagawan iri nak erembel wanurag-o!” luk yij-o.

NDAWI ENGGA 111:9

At-nen at ilirak wisirik onposolar-e, pem irit inmin kundik wolmomtak urul yak indij-o. Ar-e Nagawan Indo kek tak amawi worak-nen yusu-o!

NDAWI ENGGA 130:8

At ilirak Isarael nap-nen lugud tak kwarugwi inggem-nen at-nen-e wisirik unpuwa-o.

MBIRIGA WENE 4:31

Kwarosola-ge, it-nen-e ndemerer-o luk yebet kaiga-o. ”Nagawan Indo-nen kit lombot konposolat, kit anggun panggun tak kinpili na keneyasur-o” luk yak ondogola, kulurug-e, ir-e entare nggwe tud luk, Mbal Pem Nagawan erembel waniga-o.

LUKAS 1:71

’Kit kinmin wim nap min insili rak kunpugwi nap min ininggem-nen kinmiri yimin-o.

LUKAS 19:44

It-nen-e kat min kat keleget arem woragwi nap min-e mondok irit lak tak kunpuwa-o. Nde, iri kwat konpogolar-e, kerep ebem lud lud kona pidnak misiger-o luk tet wolma bug-o. Mbal Pem Nagawan-nen kimiri yekluk lobok yosola, yenggerak pigit lak yigen pem, iri nggal kwat kubuwa-o!” luk yij-o.

LUKAS 2:38

Iri na tarem-e kwe na lobok yarig-e, Mbal Pem Nagawan erembel wanuruk, Mbal Pem Nagawan-nen ap ininggem-nen Yerusalem nap wisirik unpuwa-o luk inndi mbung mbung tak woragwi nap pidsa inmbiri bem-e la iri owene-ge yak indij-o.

LUKAS 24:21

Nde, nit-nen-e nit Isarael nap wesera nenarik tak puwa nab-e yur-o luk, nindi-ge at ebem mbung mbung tak worakmu, wirikma nir-e mberen nene luk worali-o

LUKAS 7:16

Iri kwarosola-ge, it pidsa-ge kwiye-nen pabok puruk, Mbal Pem Nagawan erembel wanogolar-e: ”Mbal Pem Nagawan ene lomboksa yoso nap nggulok mbi-ge nit nennggendumu nam agaij-o!” yurug-e, ”Mbal Pem Nagawan-nen-e at elem nap inmiri yurak pem lobok yij-o!” luk yiga-o.

EPESUS 1:3

Nenagawan Indo Yesus Kerisut eid Mbal Pem Nagawan erembel wanuwog-o. Nir-e Kerisut ebem-nen Mbal Pem Nagawan-nen aid arem woraso we wok nundurak mende oboksa-ge wok nindij-o.

EPESUS 1:7

Kerisut ebem-nen na, at eyabi wirik pidnak pem-nen na nit nonnggo posolat, nit meya yidnak amberam tak posolat yij-o. Mbal Pem Nagawan-nen we wok ondoso elem iri-ge

IBERANI 9:12

Nde, Kerisut na-ge sum-nen wiridnak wi O Mondok Marak Sa iri me nggosolar-e, pem-et woralik nalik momtak pem misik pem na nggwij-o. Iri me nggosolar-e, kambing wam eyabi nde sapi wam kusi marik eyabi nde Mbal Pem Nagawan amanggim peyekluk waruk nggwigit lag-o. Are, at ondomok eyabi waruk nggosolar-e, nit nunlug-et pem-et woralik nalik wolmakluk, weserak ninpij-o.

1 PETERUS 1:3

Nenagawan Indo Yesus Kerisut Eid Mbal Pem Nagawan irit wa yak tuwog-o. Nit nunpud kwarat kaso me, nit na ngget mende rak nenpeyekluk Yesus Kerisut iri-ge wat yidnak nap ennggendumu-nen uruk tak pij-o. Iri bem-e, nir-e woralik nalik wulmul-o luk ninndi mbung mbung tak worali-o.

1 SEMUEL 25:32

Yosoloma, Ndaut-nen Abigail yak tosolar-e: ”Yawo an nimin lid pid yuwakluk kibil lobok yid Nagawan Indo Isarael nap Enmbal Pem Nagawan iri nak erembel wanurag-o!