LUKAS 1:6 - Nanduk Ngget Tul Pidnak Wene

⁶ Nagawan Indo-nen ”Irit kwarurag-o” yidnak min imiri mbarak pidnak wene min iri-nen yidnak yidnak nak kwarogola-ge, Mbal Pem Nagawan-nen it enmberek eneyasolar-e, it enmbereg-e mot mot kwarugwi irit eneyagaij-o.

LUKAS 1:6 Iomraidhean Croise

NDAK WIRIDNAK WENE 17:1

Nde, Abaram na woralar-e, olengen sembilan pulu sembilan (99) pem worasoma-ge, Nagawan Indo at imbiri bem nam yosolat-nen yak tosolar-e: ”An-e Mondok Namawi worak Mbal Pem Nagawan-nen yusu-o. Kar-e an-nen yidnak yidnak nak kwarosolat, pempa an nindi-nen pidnak nak kwarosolat wolmin-o.

NDAK WIRIDNAK WENE 6:9

Nu woraidnak wene-ge yu-o. Nde, Nu elirak ap nak kenan unnu-ge Sem min Am min Yapet min woraiga-o. Nde, Nu na woralar-e, meya mbi kwarigit lak irit woralar-e, at woragid tarem ereya-ge at arig-et nak konak nap irit woragij-o. Woralar-e, Mbal Pem Nagawan imin panggarak irit woragij-et nde,

NDAK WIRIDNAK WENE 7:1

Nagawan Indo-nen Nu yak tosolar-e: ”An-nen kasolar-e, kat karik karag-et nak an nindi-n pidnak kwarosola keyasu-o. Iri bem-e kat kogwe min kelirak onkwela inmin-e kit nak ndigi ndegesa e koma wi wirigen iri arem nggwer-o.

1 NAGAWAN NAGAWAN-NEN KWARIDNAK WENE 9:4

Kat nde an ndegel nobosolat, keid Ndaut-nen kwarosolat woragid nggal-et ndemeret kindi min-et mot mor-et kwarosolat, an-nen idnak imiri mbarak pidnak wene-nen yidnak yidnak kwarosolat, kwarurak kebem pidnak ndak ndak kwarosola-ge,

2 NAGAWAN NAGAWAN-NEN KWARIDNAK WENE 20:3

”Nagawan Indo wa-e. An-e nondomok nindi-net kat kerembel tugup lak wanosolat, pempa kat-nen nebem pidnak nak kwarurak namawi kondoso-o” luk tepan yosolar-e, Isikia iri na-ge yip kondok lud mbij-o.

AYUP 1:1

Nde, o Us nggweyak pem iri me-ge ap misik woragij-o. Iri unu-ge Ayup. At iri-ge Mbal Pem Nagawan imin kundik worasolar-e, imin tugup lak irit woragij-o. Nde, ar-e konak nap woralat, indi nggat nggat worak, meya na marig-et tet kwaroso buk irit woragij-o.

AYUP 1:8

Yosoloma, Nagawan Indo-nen kin wok obosolar-e: ”Kar-e an ndegel noboso nap Ayup-nen worasu abage iri-ge kwara kaigen, lak? Yi wi ndi wi oboksa-nen mbi at Ayup iri nggal indi tugup lak, konak iri nggal mbi worali bug-o. At iri-ge an nak kek tak nobosolat, meya mbi mondok kwarusu bug-o” luk yak tij-o.

LUKAS 1:7

Kwe Elisabet na-ge yibiri me, ir-e li ndakit lak iri-net abu inndi worak, li yidnak irit woraiga-o.

LUKAS 16:15

Alat nde, Yesus-nen it yak ondosolar-e: ”Ap-nen kek tak yik kagwi iri-ge Mbal Pem Nagawan-nen teberak yik kaso me, ap enlengen pem-e nir-e lud tak nak kwarugwi-o luk yili-t nde, kit kinndi arem-e Mbal Pem Nagawan aru-o.

LUKAS 2:25

Nde, iri tarem-e ap misik unu-ge Simeon iri-ge Yerusalem woragaij-o. At iri-ge Mbal Pem Nagawan indi aye worak konak nap woralar-e. Mbal Pem Nagawan-nen Isarael nap inmiri yurak iri na yik karok woralar-e, Konak Indi at imin irit woragaij-o.

YIDNAK YIDNAK WENE 2:25

Ndaud-nen at imin yosolar-e: ’Nagawan Indo-ge an nurugwe nggwe pempa worala kagi-o. An tugup lak yaga wok nereyekluk, ar-e an ninggi kigit nggwe worasu-o.

YIDNAK YIDNAK WENE 23:1

Nde, Paulus-e wene mbarugwi nap na enpem erengen kere kererak worasolat-nen yosolar-e: ”Nanggamirak wa-e, Mbal Pem Nagawan imbiri bem an-e nanduk-nen na, yawo-nen na an nindi mbek tak nak irit worasu-o” luk yij-o.

YIDNAK YIDNAK WENE 24:16

Iri bem-e, an-e pempa Mbal Pem Nagawan min ap min inmbiri bem an nindi mbek tak worayekluk namawi kundusu-o.

YIDNAK YIDNAK WENE 8:21

Kat kindi-ge Mbal Pem Nagawan erengen pem-e lugud tak me, wene yu-ge kat karengge min kat kowene min-e mondok lag-o.

OROMA 8:4

Mbal Pem Nagawan-nen iri kwarid iri-ge nit ki nap-nen kwarugwi mende kwarigit lak, are, Mbal Pem Nagawan Indi-n pidnak nak kwarugwi nap nit-nen kwarogolat wolmakluk lud tak nak yoso imiri mbarak pidnak wene iri na nit ninndi arem kwat makluk-nen iri kwarij-o.

1 KORINTUS 11:2

Kir-e pempa kinndi-nen yebet yebet tak woragolat, an-nen nggomo kindidnak wene wanogolat yili bem-e an-e kit kentembel wanusu-o.

2 KORINTUS 1:12

Wene misik yu bem-e nit ninndi kek tak pili-o: nit nondomok ninndi arem-nen kenggel nondosolar-e, nir-e ap inmin kwarogolat woraidnak na irit, kit kwat kinpidnak na irit, nir-e mot mot nak kwarogolat, Mbal Pem Nagawan-nen lud tak nak yoso nggal yogolat woraige-o. Nde, iri-ge nggweyak ma nap inndi tenggerak pem-nen kwaridnag-e lag-o. Are, Mbal Pem Nagawan-nen we wok ondoso amawi bem-net kwaridnag-o.

PILIPI 2:15

Irit kwarugup ala-ge, kir-e meya mbi kwarugwi na lak, kinndi mot mor-et woragolar-e, lugud tak kwarugwi nap min nden penden kwarugwi nap min ennggenggerak-nen kir-e Mbal Pem Nagawan ilirak meya na yugwi buk nap irit woragub-o. It ennggenggerak-nen-e kir-e wonaru nggal, nggweyak ma yu me yaya rak pogolar-e,

KOLOSE 1:22

Alat nde, yawo-ge Kerisut na ki nap enaboro worak luk wat yid na bem-e Mbal Pem Nagawan-nen at ondomok imin lambuk tak kinpij-o. Iri rak kinpid iri-ge kir-e marak nap, kenpem kopkap lak nap, meya kwarugwi buk nap tak kunpuruk, at eram kinpil lobok yekluk-nen iri kwarij-o.

1 TESALONIKA 3:13

Nde, at-nen kit kinndi amawi rak posola-ge, nit Nenagawan Indo Yesus na at winde nap oboksa inmin luk lobok yuwa tarem-e kir-e Nineid Mbal Pem Nagawan imbiri bem-e kenpem kop kap lak, mondok marak nab-et worabog-o.

2 PETERUS 3:14

Nanggamirak kenabuwa worak wa-e. Iri bem-e kir-e Tarem iri yik karok woragolar-e, Mbal Pem Nagawan erengen pem kir-e marak irit, kenpem kopkap lak, at imin kundik woraboklug-e, mondok kwara kenmawi konder-o.

1 YOANES 2:29

Nde, Kerisut na-ge lud tak nak kwaroso-nen yusu-o luk, kenaru nar-o. Iri bem-e, lud tak nak kwatli nap pidsa-ge Mbal Pem Nagawan ilirak-nen yili-o luk kenaru mer-o.

1 YOANES 2:3

Nde, nit nde Mbal Pem Nagawan-nen imiri mbarak pidnak wene-nen yidnak yidnak nak kwarogolar-e, iri bem-net nir-e ndemeret at nenaru yili-o luk yenggerak pili-o.

1 YOANES 3:7

Nilirak wa-e. Ap-nen konmbol pem lujwakluk nggeyok nak yurak pug-o. Kerisut-e lud tak nak kwaroso me, ta-nen nde lud tak kwaroso-lar-e, Kerisut nggal mot mot-net yusu-o.