LUKAS 1:55 - Nanduk Ngget Tul Pidnak Wene

⁵⁵ Nagawan Indo-nen at-nen urul pidnak iri na yebet yebet tak worasolar-e, Abaram min at-nen wigarak min pempa unpud kaso-o” luk yij-o.

LUKAS 1:55 Iomraidhean Croise

NDAK WIRIDNAK WENE 12:3

Nde, ap-nen nde kat kimbiringgat tak kobogola-ge, an-nen na imbiringgat tag-et inpimin-o. Kat nde imbiri lamut tak kobogola-ge, an-nen na imbiri lamut tag-et inpimin-o. Kat kebem-nen nggweyak ma worali nap enlem oboksa imbiringgat tak inpimin-o” luk yak tij-o.

NDAK WIRIDNAK WENE 17:19

Alat nde, Mbal Pem Nagawan-nen yosolar-e: ”Lag-o. Kat kogwe Sara iri-net li ap mbi ndaguwama, kat-nen-e unu-ge Isak yarugun-o. Nde, an-e la iri min at-nen wigarak min inmin urul yak kirigi na-ge mondok pem irit kwat tenak woramin-o. Nde, urul yak kirigi iri-ge pem irit wolma-o.

NDAK WIRIDNAK WENE 17:7

Nde, an-nen kat kimin kat-nen wigarak inmin urul yak kindigi iri-ge mondok kwar-et konposolat woramin-o. An-nen urul yak kundusu yu-ge pem woralik nalik irit wolma-o. An-e kat Kembal Pem Nagawan min kat-nen wigarak Enmbal Pem Nagawan min kwat yimin-o.

NDAK WIRIDNAK WENE 22:18

Kar-e an-nen: ’Irit kwari-o’ yigi iri na ndak ndag-et kwarigenma me, yi nap ndi nap ap enlem oboksa-nen an-nen kat-nen wigarak inmbiringgat tak pigi nggal, imbiringgat tak unpuwakluk an nemengen mbaruwa-o” luk owak mbarij-o.

NDAK WIRIDNAK WENE 26:4

Nde, iri-ge an-nen-e kat-nen wigarag-e wonaru mbal pem worasu ereba nggal kwarat tak posolat, nggweyak yu-ge oboksa kat-nen wigarak winde rak inpimin-o. Iri yosola karuk, nggweyakma worali nap enlem oboksa-nen-e an-nen kat-nen wigarak inmbiringgat tak onposola karuk, it iri nggal imbiringgat tak unpuwakluk an nemengen mbaruwa-o.

NDAK WIRIDNAK WENE 28:14

Nde, kat-nen wigarag-e o liri nggal ligik lasolar-e, mo luwaso nggwe-nen mo mboso nggwe-nen abare ena nggwe-nen abam nggwe-nen oboksa it onnggweyak kwat ma-o. Nde, kat min kat-nen wigarak min kenpem-nen-e yi ap ndi ap oboksa imbiringgat tak inpimin-o.

LUKAS 1:54

Nit nenlawingga urul yak indidnak iri na ndak ndak tak posolar-e, at ndegel oboso nap Isarael na yongga wirij-o.

LUKAS 1:56

Maria na-ge Elisabet inmin woralar-e, waneya kenan nggal woraruk, ama mbirij-o.