LUKAS 1:51 - Nanduk Ngget Tul Pidnak Wene

⁵¹ At inggi amawi worak iri bem-nen inndi kek tak nap sit mbit tak onposolat, it inndi-nen pidnak na nari wari rak posolat,

LUKAS 1:51 Iomraidhean Croise

NDAK WIRIDNAK WENE 11:8

Iri nggal kwasa Nagawan Indo-nen ap ereba na-ge yi wi ndi wi ndibi ndi rak enpamu, o nggok na-ge wirigit lak, keya bikma-o.

NDAK WIRIDNAK WENE 6:5

Woragola-ge, Nagawan Indo-nen-e ap ereba-ge it inndi-ge meya kwarurak nak kobong tak, it-nen na yi meya ndi meya nak kwat tenak woragola, eneyasolat woragij-o.

NDAK WIRIDNAK WENE 8:21

Kan pamu-ge emben konak iri na-nen Nagawan Indo indi alen tak posola karuk, Nagawan Indo indi-nen perasolar-e: ”An-e abog-e it-nen kwatli iri-nen ndowaga-ge nggweyak ma yu-ge mondok imbiri lamut tak pimin pug-er-o. Nde, it nggweyak ma nap yu-ge marikmu-net inndi-ge meya nak yebet kagwi iri-ge an-e naru-t me, yawo urugup worak oboksa lak tak pigi yu nggal-e abog-e mondok kwarimin pug-o.

NDAWI ENGGA 118:15

Mbal Pem Nagawan ilirak woragwi sa-nen ombol nggwe rak inpidnak pem korang pili ereba koler-o. It-nen yogolar-e: ”Nagawan Indo-nen at amawi kwiye worak pem-nen kwarij-o!

NDAWI ENGGA 33:10

Ap enlem oboksa-nen ”Iri nggal-et kwaruwog-o” luk wene mbaridnag-e Nagawan Indo-nen yugwi rugwi rak poso-o. It inndi-nen yebet kaidnak mende-ge at-nen lak tak poso-o.

NDAWI ENGGA 63:5

Nunggwi mende undu konak inmbitsa ninggidnak nggal, an nindi yamuksa ndak tak pusu iri bem-nen an-e nene nggoksa nalen pem kat kerembel wanimin-o.

NDAWI ENGGA 89:10

Yi koma arem woraso nanggu nggok pare nggal (naga) Aragap iri-ge kat-nen anggulwak ndamera worak pigen-o. Kat kuwim nab-e kinggi amawi bem urugwe nggwe rak inpigen-o.

NDAWI ENGGA 89:13

Kat kamawi-ge nggok lombog-o! Kat karong-e ija lombog-o!

MBIRIGA WENE 18:11

Ap-nen kek tak pugwi unkugwi erep ereba-ge tebek tag-et nde, Nagawan Indo iri perak terak minik kek tag-er-o luk naru yusu-o. Nde, ereba kwarid ereba-ge Mesira nap-nen Isarael nap lel onpogolar-e indi kek tak pem kwat onpogola-nen kwarij-o” luk yij-o.

YESAYA 40:10

Nagawan Indo Mondok Amawi Worak iri na lobok yosolar-e, o tenageyekluk amawi min lobok yusu-o. Nde, at-nen wisirik inpidnak nab-e at imin nduguluk lobok yusu-o.

YESAYA 52:10

Nagawan Indo-nen-e at-nen idnak amawi-ge ap enlem oboksa inmbiri bem nam tak pusu-o. Nam tak posola-ge, yi wi ndi wi oboksa-nen nit Nenmbal Pem Nagawan-nen ninmiri yoso elem iri na-ge kujwa-o.

YESAYA 63:12

Nagawan Indo inggi amawi worak Musa imin nosolat, pempa at unu kek tak pogolat wolmakluk, it enlengen pem yi koma mbuguksa pyry rak pid iri na-ge ngge me worasu-o?

NDANIEL 4:37

Iri yamu, yawo Nebukatnesat an-e aid arem woraso Nagawan iri na nak erembel wanosolat, kek tak obosolat, nggok tak obosolat kwarusu-o. At-nen kwaroso-ge ndemeret mot mot lud tak nak kwaroso-nen yusu-o. Nde, ar-e ap indi kek tak pugwi nap indi teberak purag-e ndak-net yusu-o” luk yigi-o.

OROMA 1:21

Ab-e Mbal Pem Nagawan enaru woragolar-et nde, ar-e Mbal Pem Nagawan-net yusu-o luk at kek tak ibigit lak, wa na yak tigit lak yiga-o. Are, it yebet kagwi indi na ebe lak mende kwat yosolat, it inndi-ge ndamuk yij-o.

2 KORINTUS 10:5

Ap enmberam lagwi wene iri-ge lak tak pogolat, Mbal Pem Nagawan enaru mul naru inndi kek tak pem wiridnak kerep pak ndamarak pogolat yili-o. Nit ninndi-nen peragwi oboksa yemendak puruk Kerisut-nen yidnak yidnak nak kwaruwakluk indipma rak pili-o.

TUGURUK YIDNAK WENE 4:34

Are, Nagawan Indo Kenmbal Pem Nagawan-nen Mesira-nen kit kwat kinpid iri nggal mbal pem nagawan misik mbi-nen yi nap ndi nap ennggendumu-nen ap elem mbi lesa wok unpuruk at elem nap tak inpidnak mbi worali, lak? Alat nde, Mbal Pem Nagawan amawi bem-nen kwarosolar-e, lak tak onposo mende bem-nen na, wim pem-nen na, kwiye worak nin tak nan tak amawi bem-nen kwarusu-ge kenlengen-nen kali irir-o.

1 PETERUS 5:5

Nde, iri nggal-et kit ap sugwe-nen-e inndi worak-nen yidnak yidnak nak kwarurag-o. Nde, kit pidsa kinndi tebe luk yongga yongga yogolat wolmer-o. Nde, Mbal Pem Nagawan engga bem-nen yosolar-e: ”Mbal Pem Nagawan-nen-e inndi kek yugwi nap inmin-e sirid mbarak worasu-t nde, at-nen-e inndi teberak woragwi nab-e enabuwa kasu-o” luk yij-o.

NAM PARA WENE 18:8

Iri bem-e misik tarem-et at andi bandi rak uburak mende at ebem mbosolar-e, ud andi kagwi mende min inndi puru yugwi mende min nere min at ebem mbuwa-o. At ebem wene mbaroso Nagawan Indo Mbal Pem Nagawan iri-ge amawi kwarat me, kwe iri na kan puwama, kan nujwa-o” luk yij-o.