LUKAS 1:48 - Nanduk Ngget Tul Pidnak Wene

^48-49 At ndegel oboso kwe an meya teberak yu yebet neyaruk, Amawi worak Mbal Pem Nagawan-nen kwiye worak mende nggulok kwat nibidnak me, yawo-nen ap oboksa-nen an nimin yogolar-e: ’Kar-e imbiringgat worak kwe-o’ luk yak nuruwa-o. At unu-ge marak-nen yusu-o.

LUKAS 1:48 Iomraidhean Croise

NDAK WIRIDNAK WENE 30:13

Ndagamu-ge Lea-nen yosolar-e: ”An-e nalen kwarar-o. Nde, kweyap erep-nen an nimin yogolar-e: ’Ar-e alen kwarat worag-o’ yuwa-o” luk la iri na unu-ge Aset yarij-o.

2 SEMUEL 7:8

Iri bem-e Natan kat-nen an ndegel noboso nap Ndaut iri yak ti-o. An-e Nagawan Indo Nemawi Worak-nen at yak tosolar-e: ’An-nen kat len kibigi iri-ge kar-e nembaga ereba-nen lomba wam ndogorosoma, len kuburug-e, an nilirak enanggul pem nagawan mendak kubukmu-o.

NDAWI ENGGA 102:17

At-nen-e at ilirak pul yidnak woragwi ereba-nen tepan yidnak kolosolat, it-nen nggi yidnag-e ene kola keya buwa bug-o.

NDAWI ENGGA 136:23

Nit urugwe nggwe rak nonpogola-ge, at-nen-e meme rak nunpuruk keya ninpigit lag-o. At-nen-e pem kundugu irit enabuwa yoso-nen yusu-o.

NDAWI ENGGA 138:6

Kar-e mondok kek tak-net nde, ap mondok ebe lak no mende nggal-e kwara yebet eneyasu-o. Ap inndi kek yugwi nab-e kat kerengen pem-e kurak yuwa bug-o.

NDAWI ENGGA 72:17

Nagawan unu-ge meme rak pigit lak, pem irit yeberak woralik nalik wolmag-o. At anggu obok mboroso-ge mo worala-ge, mondok wigak yosolat wolmag-o. Ap enlem oboksa-nen at imbiringgat worasu nggal wolmomtak pem imbiringgat tak unpurak nggi yuwag-o. Ap oboksa-nen nagawan imin yogolar-e: ”Alen worak wolmag-o” luk yuwag-o.

YESAYA 66:2

O yu-ge an ninggi-nen posola-net o yu oboksa kwat yamu-o. Alat nde, an-nen ukwe peraso-ge ap inndi teberak woragolat, it-nen meya kwarugwi iri na bem ’Niri nera-nen kwarigi-o’ luk kondok yogolat, an naye kagolat, an-nen yidnak yidnak kwarugwi iri nak nindingen-o.

MALEAKI 3:12

Kit woragwi sa kunuwi ereba na me wolmomtak mondok konak irit kwat yosola karuk, ap oboksa-nen kit kinmin yogolar-e: ’It iri-ge inpine-o’ luk yuwa-o” luk yij-o.

LUKAS 1:28

Aid nap na-ge kwe na eram lobok yarik-nen yak tosolar-e: ”Nagawan Indo-nen imbiringgat tak kibidnak kwe kar-e kindi yek tag-et wolmin-o! Nagawan Indo-ge kat kimin-et worasu-o” luk yak tij-o.

LUKAS 1:42

ene ngguloksa yosolar-e: ”Kwami erep ennggenggerak-nen mondok imbiringgat tak kibidnak kwe-ge kar-er-o! Imbiringgat tak pidnak la irit ndakun-o!

LUKAS 1:45

Nagawan Indo-nen yak kiridnak wene na-ge kwar-et ma-o luk peraigen pem-e kar-e kimbiringgat-nen yusu-o” luk yij-o.

LUKAS 11:27

Nde, Yesus-nen wene iri na yosola karug-e, ap kwarat na ennggendumu-nen kwe mbi-nen Yesus yak tosolar-e: ”Kat ndet kuburuk, kamo mak kiridnak kwe-ge alen kasolat wolma-o” luk yij-et nde,

1 SEMUEL 1:11

Iri yosolat-nen Ana-nen urul posolar-e: ”Nagawan Indo Kamawi Worak wa-e. Ndegel koboso kwe an-e kwara yebet niyi-o. Ndegel koboso kwe an-e meme rak nuburak pug-o. An-nen nindi andi kasu-ge kat-nen ki-o. Kat-nen nde liap misik wok nurugunmu-ge, mondok abu abu wok kurumu kat kimin-et pempa wolma-o. Nde, anggulsu-ge mbarigit lak irit wolma-o” lul urul yak tij-o.

1 SEMUEL 2:8

Andi bandi arem-nen insilobulo lak nap mendak onposolat, anggun panggun arem-nen ap unnu lak nab-e wisirik onposo-o. It iri-ge ap enlem kek tak iri na annggamtak onposolat, kek tak unpugwi kwarak onposo-o. O nggweyak yu paro-ge Nagawan Indo arengge-net yusu-o. Nde, paro iri na bem-e o yu ndak worak pij-o.