LUKAS 1:46 - Nanduk Ngget Tul Pidnak Wene

⁴⁶ Maria-nen yosolar-e: ”An nindi-net Nagawan Indo erembel wanusu-o.

LUKAS 1:46 Iomraidhean Croise

YESAYA 45:25

Alat nde, Yakup-nen wigarag-e inmiri yosola, it-nen-e Nagawan Indo an nerembel wanuwa-o.

YESAYA 61:10

Yosoloma, Yerusalem-nen yosolar-e: ”An-e Nagawan Indo ebem nalin nalen kasu-o. Mbal Pem Nagawan ebem an nindi-ge kijik kijak wurusu-o. Kwe min ap min wok kerak mburak pem inmirik unmuruk konak nak yitli iri na nggal Nagawan Indo-nen an yirik nobosolar-e, inmiri yoso sum min ombol nggwe yugwi sum min yirik nibij-o.

OROMA 5:11

Nde, ninmiri yurak iri nag-e lag-o. Are, Nenagawan Indo Yesus Kerisut ebem-nen Mbal Pem Nagawan ebem-e nenalin nenalen kali-o. Yesus ebem-net Mbal Pem Nagawan imin kundik ninpij-o.

1 KORINTUS 1:31

Iri ala-ge, Mbal Pem Nagawan engga mbarak pem-nen yosolar-e: ”Ta-nen nde indi kek tak posolat ala-ge, Nagawan Indo ebem-net indi kek tak puwag-o” luk yij-o.

2 KORINTUS 2:14

Alat nde, nir-e Kerisut ebem ombol nggwe yurak tulabiyem at-nen pempa wok nunpuruk mburusu bem-e Mbal Pem Nagawan wa yak tuwog-o. Emben konak mende wigaril mboroso nggal, Kerisut enaru yurak emben konak iri-ge nit nenpem nggwe-nen nin me nan me wigaril mburusu-o.

PILIPI 3:3

Nir-e at Indi ebem Mbal Pem Nagawan erembel wanogolat, Kerisut Yesus ebem nunluk worali iri bem nenalen kagolat yili nap nit perak nde mondok ndemeret iniye ambasap wabidnak nap-net yili-o. We nenaboro mbaridnak iri na bem ninndi mbung mbung tak worali-ge lag-o.

PILIPI 4:4

Nagawan Indo ebem pempa pempa-t kenalin kenalen kagolat wolmer-o. Nde, tuguruk yak kendeyeg-o. Kenalin kenalen-et kagolat wolmer-o.

1 TESALONIKA 5:23

Yamuksa woragwi elem Mbal Pem Nagawan-nen-e marak kunpuruk, iminep mbarak konposolar-e, kinndi min kenpe min oboksa nit Nenagawan Indo Yesus Kerisut lobok yurak tarem-nen mondok kop kap lak woraboklug-e, kontowarak wolmag-o.

1 PETERUS 1:8

Yesus Kerisut iri-ge kir-e kagwi bug-et nde, abuwa kali-o. Yawo na kali bug-et nde, ebem kinndi angin tubu yili-o. Iri bem-e, kit kenalin kenalen pem-et Mbal Pem Nagawan erembel wanili iri-ge wene yurag-e meya-o.