LUKAS 1:32 - Nanduk Ngget Tul Pidnak Wene

³² Nde, at iri-ge ap nggulok irit ma-o. Ap-nen at imin-e: ’Kar-e Kek tak Woraso Mbal Pem Nagawan Ambara-o’ luk yuwa-o. Nagawan Indo Mbal Pem Nagawan-nen-e at ombo Ndaud ondolma irit nagawan tak puwa-o.

LUKAS 1:32 Iomraidhean Croise

2 SEMUEL 7:16

Kat-nen wigarag-e pempa wolma-o. Nde, an-nen-e kat-nen tenagidnak wi-ge pem irit wolmakluk tena woramin-o. Tena worala-ge, kat-nen wigarag-e pem irit nagawan irit wolma-o’ yij-o luk yak turag-o” luk Natan yak tij-o.

NDAWI ENGGA 132:11

Nagawan Indo-nen urul Ndaut yak tosolat owak mbarid iri na-ge mondok lugud tak puwa bug-o. At-nen yosolar-e: ”Kat kambararak misig-e an-nen nagawan tak ibimin-o. Iri rak pumu, kat kondolma o tena irit wolma-o.

NDAWI ENGGA 132:12

Kat kilirak ereba-nen nde an-nen enpem pidnak ereba na min ndak ndag-et kwat tenak woragola-ge, kat kilirak-nen wigarag-e kat kondolma nagawan pem irit wolma-o” yij-o.

NDANIEL 2:44

Nde, nagawan ereba na-nen o tena woragola tarem-e aid arem woraso Mbal Pem Nagawan-nen-e nagawan misik-nen tenagidnak wi kwarak puwa iri-ge ap enlem mbi-nen mondok urugwe nggwe rak puwa buk, pem irit wolmomtak wi irit puwa-o. Nde, nagawan misik-nen tenagidnak wi yu-nen-e nagawan erep-nen tenagidnak wi ereba na oboksa ndamera yigisa irit keya buwa-o.

MATIUS 1:1

Engga yu-ge Yesus Kerisut eid ombo nderak lolo mbenasa mbaridnak wene-nen yusu-o. Yesus iri-ge Ndaud-nen wigarak lolo-nen nderag-o. Nde, Ndaud iri-ge Abaram-nen wigarak-nen nderag-o.

MATIUS 12:42

O araptak ponok (selatan) nggwe-nen lobok yidnak kwe nagawan iri na-nen-e Salomo indi kwid pidnak wene kuleyek-lug-e, nggweyak erep yoboksa-nen lobok yidnak me, ap pidsa enpem wene mbaruwa tarem-nen-e kwe iri na-nen yawo worali nap kinmin men yuwarig-e, kit kenpem wene mbaruwa-o. Salomo iri-ge nggulog-et nde, terak minik nggulok misig-e yu me worasu-o!”

MATIUS 28:18

Nde, Yesus na it endam panggo yosolat-nen it yak ondosolar-e: ”Aid arem amawi min nggweyak ma amawi min oboksa-ge an ninggem pidnak-nen yusu-o.

MATIUS 3:11

Kit meya yidnak keya buruk, kondok yili iri bem-net an-nen yi ma kunpusu-t nde, an nimbirik lobok yuwa nap-nen perak nde Konak Indi bem kanduk pem yi ma kunpuwa-o. At iri-ge an nggal-e lag-o. Amawi worak terak minik me, an nggal-nen at ijok sum na waruk nurak tet meya-o.

MARAKUS 14:61

Kin wok ibij-et nde, Yesus-e onggo mbi yigit lak, ene lak nak woragaij-o. Alama, tepan ombo nagawan na-nen tuguruk at kin wok obosolar-e: ”Kar-e Kerisut, Kek tak Woraso Nap Ambara-nen yusu, lak?” luk kin wanij-o.

MARAKUS 5:7

ene nggoksa yosolar-e: ”Kek tak woraso Mbal Pem Nagawan Ambara Yesus wa-e. Kar-e no kwat nubugun-o? Mbal Pem Nagawan unu bem-et kemengen mbarusu-o. An lel mberel nuburak pug-o” luk yij-o.

LUKAS 1:15

Nagawan Indo-nen la na yik kasolar-e, ap nggulok irit ma-o. At iri-ge anggut engen amburu min inndi nden kaso yi erep min mondok nujwa bug-o. At iri ndesa mbosola-net Konak Indi-nen arem kobong yidnak irit wolma-o.

LUKAS 1:35

Yosoloma-ge, aid nap-nen wene erep nggarosolar-e: ”Konak Indi-ge kat kebem lobok yosolar-e, Mbal Pem Nagawan amawi-ge kat kebem mbuma-o. Iri bem-e la ndakun iri imin-e: ’Mbal Pem Nagawan Ambara len ibidnak-nen yusu-o’ luk yuwa-o.

LUKAS 1:76

Nde, nambara wa-e. Ap-nen kat kimin yogolar-e: ’Kar-e Kek tak Woraso Mbal Pem Nagawan ene lomboksa yoso nab-o’ luk yuwa-o. Kar-e Nagawan Indo abuwok urula yagonokluk, nanduk wirik kubuwa-o.

LUKAS 3:16

Yogolikma-ge, Yoanes-nen it pidsa yak ondosolar-e: ”An-e we yi bem mat kunpusu-t nde, an-e teberak-nen yusu-o. An nimbirig-e ap nggulok mbi lobok yuwa-o. An nggal-nen-e at ijok sum kere wusururag-e meya-o. At iri-nen-e Konak Indi bem, kanduk pem yi mat kunpuwa-o.

LUKAS 6:35

Lag-o! Kir-e kunuwim nap enabuwa kagolat, it inmin konag-et kwarogolat yugup na-e. Kunuang luru wok unduruk, uwi yagurak yebet kudtak pug-o. Iri kwarugup ala-ge, onggo nggulok wanogolat, Kek tak Woraso Mbal Pem Nagawan ilirak kwat yugub-o. Mbal Pem Nagawan-nen-e wa yugwi buk nap min meya yugwi nap min-e enabuwa nak kaso-o.

YOANES 12:34

Yosoloma-ge, ap kwarat-nen at yak togolar-e: ”Nit-nen idnak imiri mbarak pidnak engga bem-e ’Mesias iri-ge pem-et woralik nalik wolma-o’ luk mbarak worasu-t nde, kat-nen yosolar-e: ’Ap Ambara-ge nggweyak ma-nen ibil lujwa-o’ yigen iri-ge noluk-nen yigen-o? Ap Ambara-ge ta nde yigen-o?” luk yak tiga-o.

YOANES 6:69

Mbal Pem Nagawan eram-nen lobok yidnak konak nab-e kat-net yusu-o nenaru luk, kat kebem ninndi angin tubu yili-o” luk yak tij-o.

YIDNAK YIDNAK WENE 16:17

Nde, kwe na-ge Paulus min nit min ninmbirik langgal nunpuruk lobok yosolat-nen ene nggoksa yosolar-e: ”It yu-ge Mondok Kek tak Mbal Pem Nagawan ndegel ubugwi nap-nen yili-o! Kit kinmiri yurak tula mirik kinpili-o!” luk yij-o.

YIDNAK YIDNAK WENE 2:30

Iri bem-e at Ndaud na-ge Mbal Pem Nagawan ene lomboksa yoso nap me, Mbal Pem Nagawan-nen owak mbatluk urul posolar-e: ’Kat-nen ndakun lolo misig-e an-nen nagawan tak pumu-ge, nagawan kat kore yoso ondoro ebem-et kore yuwa-o’ luk yidnak wene iri-ge Ndaud na aru woragaij-o.

YIDNAK YIDNAK WENE 2:36

Iri bem-e, kit-nen e lang pang tak pem wirigep nap Yesus na-ge, Mbal Pem Nagawan-nen Nagawan Indo min Kerisut min tak pidnak nap-nen yusu-o luk Isarael nap it lolo pidsa-nen wene yu mondok kwara enaru mag-o” luk yij-o.

YIDNAK YIDNAK WENE 7:48

Iri alat nde, Mondok Kek tak Woraso Mbal Pem Nagawan iri-ge ap ininggi-nen wiridnak wi iri me woraso bug-o. Are, Mbal Pem Nagawan ene lomboksa yoso nap-nen yosolar-e:

OROMA 1:4

Nde, at indi-ge lenak Mbal Pem Nagawan irit woralat me, wat yidnak ennggendumu-nen uruk tak pidnak iri bem-nen-e: Iri-ge Mbal Pem Nagawan Ambara amawi ambik-nen yusu-o luk nam tak pij-o.

NAM PARA WENE 3:7

”Pilandelpia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge ndemeret marak nap iri-nen yusu wene-o. Nde, at iri-ge Ndaud-nen idnak tu imig worak pugwi tena woraso-o. Nde, at-nen nde tu kuwarak posoma-ge, ap misiger-o luk-nen lerak purag-e meya-o. Nde, at-nen tu lerak posoma-ge, ap misiger-o luk-nen kuwarurag-e meya-o.