LUKAS 1:3 - Nanduk Ngget Tul Pidnak Wene

³ Iri bem-e, nap Teopilus wa-e. An-e tel kwiridnak kuri-net kwaridnak mende pidsa kwara mbenarosolug-e, kat kamanggim kona irit mbal kururak peragi-o.

LUKAS 1:3 Iomraidhean Croise

NDAWI ENGGA 40:5

Nagawan Indo Nembal Pem Nagawan wa-e. Kat-nen-e kwarat kwat nonposo-o. Kat kimin ndak ndak wururag-e mondok lak-nen yusu-o. Kat-nen nit kwat nunpurak yusu-ge mondok wi yurak me, an-nen oboksa ndindururak na mondok meya-o.

NGGOMO WENE 22:21

Nde, wene iri-nen mul korosolar-e, mondok ndemeret wene-t mul korosola, abok ap-nen kin wok kobogola-ge, kat-nen-e onggo-ge mondok lud tak nak yak undugun-o.

LUKAS 1:1

Teopilus wa-e. Nap wa-o. Ap kwarat-nen-e nit nennggendumu-nen kwat yidnak wene-ge mondok kona mbariga-o.

YIDNAK YIDNAK WENE 1:1

Teopilus wa-e. An-nen nanduk engga iri bem mbarosolar-e, Yesus-nen yidnak yidnak oboksa min nggomo indidnak oboksa min

YIDNAK YIDNAK WENE 11:4

Met pogolikma-ge, Peterus-nen wene na elem ndindera yak ondosolar-e:

YIDNAK YIDNAK WENE 15:19

Iri bem-e, an nindi-nen perasolar-e, nden karuk Mbal Pem Nagawan eram lobok yili nelem nin nap iri-ge nit-nen angin tak unpurag-e meya-o.

YIDNAK YIDNAK WENE 15:25

Iri bem-e, nit pidsa-nen ninndi misiget luk, nit-nen enabuwa kagwi nap Mbaranabas min Paulus min lobok yogola, inmin kendam lobok yurak nap erep len inpige-o.

YIDNAK YIDNAK WENE 15:28

Konak Indi-nen na irit, nit-nen na irit peragolar-e, mondok kwarurak mende yu worala, nit-nen-e angin worak mende kenpem pul-o luk.

YIDNAK YIDNAK WENE 18:23

Iri me kwarat nggal woraruk mborosolar-e, o Nggalatia min Perigia min oboksa waring kil mborosolar-e, Yesus ene wanugwi nap pidsa inndi uwi ya bil pil mbirij-o.

YIDNAK YIDNAK WENE 23:26

”Kunu kek tak woraso pemerinta nap Pelik Gubernor wa-e. An Kelaudias Lisias-nen wa yak kurusu-o.

YIDNAK YIDNAK WENE 24:3

Iri kwat nonposo bem-e, nit pidsa-nen pempa wiwa-o yak kitli-o.

YIDNAK YIDNAK WENE 26:25

Yak tosoloma-ge, Paulus-nen onggo yosolar-e: ”Kunu worak Pestus wa-e. An-e nindi wawa-nen yusu-ge lag-o. An-e ndemeret wene-ge nindi-net mengesa yusu-o.

1 KORINTUS 16:12

Nde, nenap Apolos iri perak nde, nenap tak erep inmin luk kit kendam wok makluk pempa emengen mbarosolat woragi-t nde, at indi pigit lak me, yawo-net kendam lobok yurag-e meya agaij-o. Alat nde, at-nen lobok yurak tarem wok yosola perak lobok yuwa-o.

1 KORINTUS 7:40

Alat nde, an-nen perasolar-e, togwe irit worasolar-e, alen min-et wolma-o luk perasu-o. Nde, an-e Mbal Pem Nagawan Indi-ge nimin worala-nen yigi kagi-o.

1 TIMOTIUS 4:6

Kat-nen nde wene yu pidsa nennggamirak mul ondosola-ge, Kerisut Yesus ndegel oboso nap konak irit kwat yugun-o. Kwat yosolar-e, ninndi angin tubu yidnak elem iri-nen na, kat-nen yawo woralat langgal luk mburusu wene owak iri-nen na kat kindi umut nduruwa-o.