LUKAS 1:20 - Nanduk Ngget Tul Pidnak Wene

²⁰ Alat nde, an-nen yak kurusu yu-ge kwat yurak tarem ndak ala-ge, an-nen yidnak wene yu-ge luj-et ma-t nde, kar-e te rak pusu-o. Te rak pusu me, kene lak yuwama, kene yigit lak woragundik, an-nen tul pusu wene yu kwat yosola-net kene kuwak ma-o” luk yak tij-o.

LUKAS 1:20 Iomraidhean Croise

2 NAGAWAN NAGAWAN-NEN KWARIDNAK WENE 7:19

nagawan yongga woroso nap iri na-nen yosolar-e: ”Mondok Nagawan Indo at-nen yanem-et mbal tu kuwarak puwa-t nde, kat-nen yigen iri nggal-e mondok kwat ma bug-o” luk yosola, Elisa-nen onggo yosolar-e: ”Nunggwi mende ereba-ge kat kerengen-nen kagun-et nde, kar-e mondok mariget tet nunggun pug-o” luk yak tij-o.

2 NAGAWAN NAGAWAN-NEN KWARIDNAK WENE 7:2

Yak tosola-ge, nagawan iri yongga woroso nap iri-nen onggo yosolar-e: ”Mondok Nagawan Indo at-nen yanem-et mbal tu kuwarak puwa-t nde, kat-nen yigen iri nggal-e mondok kwat ma bug-o” yij-o. Nde, Elisa-nen onggo yosolar-e: ”Kar-e kerengen-nen kagun-et nde, nunggwi mende ereba-ge kat-nen-e mariget tet mondok nunggun pug-o” luk yak tij-o.

MBIRIGA WENE 4:11

Yosoloma, Nagawan Indo-nen onggo yak tosolar-e: ”Ap enemnde-ge ta-nen ndak woramu-o? Ta-nen eneyanggo lak tak posolat, enne lak tak posolat kwaroso-o? Ta-nen enlengen kuwarak posolat, enlengen ngguru rak posolat yoso-o? Iri-ge Nagawan Indo an-net kwaroso-o.

YESAYA 7:9

Nde, Isarael iri na amawi-ge uwi siri iminepma Samaria amawi ombol nggwe-nen yusu-ge lag-o. Nde, Samaria iri na amawi-ge it ennggendumu Nagawan Peka amawi ombol nggwe-nen yusu-ge lag-o. Kit-nen nde ndemeret kinndi an nebem wat tak woragit lak yugup pem-e mondok pak pugup pug-o” luk yij-o.

YESKIEL 3:26

An-nen-e kat kama-ge kamanggaruk min lop nok tak pil lamu, wene eyak wurugwi nap yu-ge nggomo undugun pug-o.

NDANIEL 10:15

At-nen wene iri na yak norosola-ge, an-e nanggul ujo yosolar-e, wene yurag-e meya irit kwat yigi-o.

WONARIDNAK WENE 20:12

Alat nde, Nagawan Indo-nen Musa min Arun min met onposolat-nen yosolar-e: ”Kir-e an namawi na-ge Isarael nap inmbiri bem nam tak pigit lak yigenma me, kit mberen-e it lit unpuruk, o urul yak indigi iri na me nggugup pug-o” luk yak indij-o.

MARAKUS 16:14

Abok nggwe-ge at owosirak sebelas na mburu nonggolat worakmu-ge, it inmbiri bem nam agaij-o. Nam lug-e, at uruk yidnak iri na kaiga nap-nen yidnak wene-ge te rak pigarik me, ir-e ndemerer-o luk, inndi angin tubu yigit lak yiga bem-e, met inpij-o.

MARAKUS 9:19

Yosoloma-ge, Yesus-nen it yak ondosolar-e: ”Kinndi angin tubu yugwi buk nap wa-e. Nunggwirik tarem nggal kinmin woramin-o? Nunggwirik tarem nggal kinmin momak puruk woramin-o? La iri-ge an neram waruk lobok yer-o” luk yak indij-o.

LUKAS 1:19

Yosoloma-ge, aid nap na-nen at yak tosolar-e: ”An-e Mbal Pem Nagawan ndegel oboso nap Nggabiriel-nen yusu-o. Mbal Pem Nagawan-nen konak wene yu yak kuruwakluk nibil lobok yamu-o.

LUKAS 1:21

Iri kwarogolat woragola-ge, ap ereba na-ge Sakaria na yik karok woragolar-e: ”Abuk! Ar-e noluk-nen Mbal Pem Nagawan ama-nen wagit lak, pem-et worasu-o?” luk yiga-o.

LUKAS 1:22

Iri lug-e, at na wasolar-e, ene lak yidnak me, it inmin wene yigit lag-o. Are, inggi warok pem nak-nen yosola karuk, it-nen peragolar-e: ”E! Mbal Pem Nagawan ama-nen-e nabi nggal mbi kagamu kaige-o” luk peraiga-o.

LUKAS 1:45

Nagawan Indo-nen yak kiridnak wene na-ge kwar-et ma-o luk peraigen pem-e kar-e kimbiringgat-nen yusu-o” luk yij-o.

LUKAS 1:64

Nde, ereya na-net Sakaria na ene kuwak lug-e, Mbal Pem Nagawan erembel wanosolat woragaij-o.

OROMA 3:3

Nde, it Yawuri nap erep-nen mot mot nak kwarigit lak yiga iri-ge nunggwirig-o? It iri kwariga bem Mbal Pem Nagawan-e mot mot nak kwaroso buk kwat ma, lak?

2 TIMOTIUS 2:13

Nit nde mot mot kwarigit lak yogola-ge, ar-e mot mot nak kwaroso me, at ondomok eyubul purag-e meya-o.”

TITUS 1:2

Enesiget yoso buk Mbal Pem Nagawan-nen o ndak wirigit lak ma-net: ”Unlug-et woralik nalik wolmomtak elem irit wok kindimin-o” luk urul pid iri na bem ninndi mbung mbung tak worali-o.

IBERANI 6:18

Mbal Pem Nagawan-nen urul pid min owak mbarid min wene mberen iri-ge tuguruk nden kujwa-ge lak me, Mbal Pem Nagawan-e enesiget yurag-e meya-o. Iri bem-e nit ninmiri yuwakluk Mbal Pem Nagawan indipma worali nap nit-nen-e abok-nen wok nundurak lid lud tak pidnak iri na bem nit ninndi mbung mbung tak pidnak iri-ge puksa tena wolmomtag-o.

NAM PARA WENE 3:19

An-nen enabuwa kaso nab-e nggomo nggal eneyanggo wat makluk linggamburok ondoso-o. Iri bem-e, kir-e kenmawi kunduruk, kit meya yidnak keya buruk, kondok yer-o.