LUKAS 1:14 - Nanduk Ngget Tul Pidnak Wene

¹⁴ La na ndesa mbosola-ge, kat-nen na kalen kwarat kasolat, ap kwarat-nen na kijik kijak irit wuruwa-o

LUKAS 1:14 Iomraidhean Croise

NDAK WIRIDNAK WENE 21:6

Nde, Sara-nen yosolar-e: ”Mbal Pem Nagawan-nen-e an-e nalen-nen ndowaga nda rak nibij-o. Nde, ap-nen nde an la ndaki yu kulurug-e, an nda tigi iri na nggal enalen-nen ndowaga nda tuwa-o” luk yij-o.

NGGOMO WENE 15:20

Li inndi worak-nen-e ineidtak inndi alen tak pugwi-o. Li inndi lak-nen-e iniyarak enne kulugwi bug-o.

NGGOMO WENE 23:15

Nambara wa-e. Kat nde kindi nggat nggat worag-et kwat yosola-ge, an-e mondok nalen kwarar-o.

NGGOMO WENE 23:24

Ap misik nde ambara iri na nde mondok indi nggat nggat worak konak ala karug-e, eid iri na-ge alen kujwa-o. Nde, ambara indi nggat nggat worak iri na bem indi-t kek yuwa-o.

YEREMIA 20:15

An ndesa mbosola, wene waruk mberarik, neid yak tosolar-e: ”Kambara ndesa mbij-o!” yosola, neid alen tak pid nap iri na imbiri lamut mag-o.

LUKAS 1:13

Alat nde, aid nap iri-nen Sakaria yak tosolar-e: ”Sakaria wa-e. Kwiye kasu meyog-o. Kat-nen tepan yigen-e Mbal Pem Nagawan-nen kolamu me, kat kogwe Elisabet na-ge li ap mbi ndaguwa-o. Nde, la na unu-ge Yoanes irit yarugun-o.

LUKAS 1:15

Nagawan Indo-nen la na yik kasolar-e, ap nggulok irit ma-o. At iri-ge anggut engen amburu min inndi nden kaso yi erep min mondok nujwa bug-o. At iri ndesa mbosola-net Konak Indi-nen arem kobong yidnak irit wolma-o.

LUKAS 1:58

Nagawan Indo-nen Elisabet na konak kwat ibidnak iri na obok kulurug-e, kwe na imin o siri misikmu woragwi nap min at owe owosi min-nen at imin kijik kijak wiriga-o.