LUKAS 1:13 - Nanduk Ngget Tul Pidnak Wene

¹³ Alat nde, aid nap iri-nen Sakaria yak tosolar-e: ”Sakaria wa-e. Kwiye kasu meyog-o. Kat-nen tepan yigen-e Mbal Pem Nagawan-nen kolamu me, kat kogwe Elisabet na-ge li ap mbi ndaguwa-o. Nde, la na unu-ge Yoanes irit yarugun-o.

LUKAS 1:13 Iomraidhean Croise

NDAK WIRIDNAK WENE 17:10

Kat na irit, kat-nen wigarak na irit, ab-et nde ala-ge, mondok iniye ambesap mbarurag-o.

NDAK WIRIDNAK WENE 17:19

Alat nde, Mbal Pem Nagawan-nen yosolar-e: ”Lag-o. Kat kogwe Sara iri-net li ap mbi ndaguwama, kat-nen-e unu-ge Isak yarugun-o. Nde, an-e la iri min at-nen wigarak min inmin urul yak kirigi na-ge mondok pem irit kwat tenak woramin-o. Nde, urul yak kirigi iri-ge pem irit wolma-o.

NDAK WIRIDNAK WENE 18:14

Nagawan Indo-nen-e kwarugwi buk mende-t nde kwarurag-e meya? Waneya sembilan woraruk, an-e lobok yimin-o luk urul pigi iri tarem-e Sara-ge la li ap mbi ndaguwa-o luk yak kirigi nar-o” luk yak tij-o.

NDAK WIRIDNAK WENE 25:21

Nde, Isak-nen-e ogwe na la ndakit lak ala karuk, tepan ogwe na amanggim Nagawan Indo emengen mbarij-o. Nde, Nagawan Indo-nen-e at-nen tepan yoso iri na erep nggarosolar-e, ogwe na-ge abila yij-o.

NDAWI ENGGA 113:9

At-nen-e onkwerak yibiri-t nde, inlirak wok ondosolat, li ija enalen worak kek tak enma woragwi rak onposolat irit kwaroso-o. Nagawan Indo nak erembel wanurag-o!

NDAWI ENGGA 118:21

Nagawan Indo wa-e. Kat-nen an-nen tepan yidnak kolosolat, kat-nen ombol nggwe rak nobosolat kwarigen pem-e an-e kat kerembel wanusu-o.

YESAYA 8:3

Siyak worarug-e, an nogwe na-ge abila yij-o. Nde, nenla iri ndesa mbosola-ge, Nagawan Indo-nen an yak norosolar-e: ”At unu yarosolar-e: ’Ndag-et nak Mengga Wanugwi, Ndag-et nak Ndena Wanugwi’ irit yari-o.

NDANIEL 10:12

Men yosolakmu, at-nen an yak norosolar-e: ”Ndaniel wa-e. Kwiye kasu-ge meyog-o. Kat-nen kindi nggat nggat worak kwat yurak pem ’nindi teberak peyeg-o’ luk yebet karuk, kindi teberak pigen iri na tarem-net kat-nen tepan yigen-e Mbal Pem Nagawan-e abu kolamu-o. Nde, an lobok yigi yu-ge kat-nen tepan yigen iri bem nibil lobok yij-o.

OSEA 1:4

Nde, Nagawan Indo-nen yak norosolar-e: ”Yisiriel iri me-nen at ombo Yeu-nen ap indidnak pem an-nen-e yanem-et Isarael nap nagawan iri-ge angin worak ebem posolat, Yeu-nen wigarak-nen Isarael tena woragwi iri na lak tak posolat kwarimin me, kambara iri unu-ge ’Yisiriel’ yari-o.

OSEA 1:6

Iri luk, imbirig-e, an nogwe iri na-ge la kwe misik ndagij-o. Iri yosola, Nagawan Indo-nen yosolar-e: ”Osea wa-e. An-nen-e Isarael nab-e enabuwa kagit lak yosolat, it meya yidnag-e mondok nemberam tak pigit lak yosolat yimin me, kara iri unu-ge ’Abuwa kagwi buk’ yari-o.

MATIUS 1:21

La kwe iri-nen-e li ap mbi ndaguwa-o. At elem nap-nen meya yogolat woraidnak iri na inmiri yaga wok unduwa me, unu-ge Yesus-o luk yarugun-o” luk yij-o.

MATIUS 14:27

Mbogolikma-ge, ereya na-net Yesus-nen it yak ondosolar-e: ”Kinndi tugup lak wolmer-o! An-net yusu-o. Kwiye kali-ge meyog-o” luk yak indij-o.

MATIUS 28:5

Alat nde, aid nap iri-nen kwami na yak ondosolar-e: ”Kir-e kwiye kali-ge meyog-o. Kir-e e lang pang tak pem panggarak ibiga nap Yesus irit ogore yili iri-ge an-e naru-o.

MARAKUS 16:6

Alama-ge, ap sugwe iri-nen it yak ondosolar-e: ”Kwiye kali-ge meyog-o. Kir-e Nasaret nap Yesus, e lang pang tak pem panggarak ibiga nap iri na ogore yili-t nde, at iri-ge yu me-ge lag-o. Uruk luk, men yamu-o. At yapma pogolat mbinggirik ibiga ondoro-ge yu nak ker-o.

LUKAS 1:14

La na ndesa mbosola-ge, kat-nen na kalen kwarat kasolat, ap kwarat-nen na kijik kijak irit wuruwa-o

LUKAS 1:30

Yebet kasoma-ge, aid nap-nen kwe na yak tosolar-e: ”Maria wa-e. Mbal Pem Nagawan indi alen kat kebem pidnak me, kwiye kasu-ge meyog-o.

LUKAS 2:21

Yesus na nderak tuju nene luk, delapan pem-e la na iye ambasap mbarurak tarem ndak ala-ge, at unu-ge Yesus-o luk yariga-o. At unu yariga iri-ge at ija arem awo worala unu aid nap-nen yarid iri na-t yariga-o.

YIDNAK YIDNAK WENE 10:31

Ap iri-nen yosolar-e: ’Korenelius wa-e. Mbal Pem Nagawan-nen-e kat-nen tepan yoso na kuluruk, kisilobulo we wok ondoso na yebet kagaij-o.

WENE MBENARUGWI NAP-NEN KWARIDNAK WENE 6:23

Alat nde Nagawan Indo-nen yosolar-e: ”Kar-e kwiye kagit lak, kondok tag-et wolmin-o. Kar-e wat yugun-e lag-o” yak tij-o.

1 SEMUEL 2:21

Nde, Nagawan Indo-nen Ana iri na imbiringgat ebem posolar-e, ambararak kenan, ararak mberen irit ndet inpij-o. Nde, Semuel na-ge Nagawan Indo ndegel eberenak irit worasoma, nggok irit yij-o.