AYUP 5:5 - Nanduk Ngget Tul Pidnak Wene

⁵ Nde, ap wid ereba na eneyapmu nen mbaridnak mende-ge nere woragwi nap-nen nuruk lak tak pugwi-o. Nggandum mbato isile worak enggendumu-t nde, nere woragwi nap-nen-e leraben nuruk, lak tak pugwi-o. Silobulo ukwe-nen inndi eberek yidnak nap-nen-e wid ereba enarengge mende-ge mondok ukwe-t yugwi-o.

AYUP 5:5 Iomraidhean Croise

AYUP 1:17

Nde, ap iri na wene iri na awo worok tak pigit lak yil-et mborosoma-ge, ndegel oboso nap misik lobok yosolat-nen yosolar-e: ”Ap nden unpugwi Kasndim nap kere kenan puruk ngguwagolar-e, unta wam ereba na mengga wanogolat, ndegel kubugwi nap ereba na-ge oboksa indiga-o. Iri yogola, an narig-et nak mengga lobok yigirik, wene waruk lobok yusu yur-o” luk yij-o.

AYUP 2:3

Yosoloma, Nagawan Indo-nen kin wok obosolar-e: ”Kar-e ndegel noboso nap Ayup indi iri na-ge kwara abut mbarigen, lak? Nggweyakma wi yu-nen ap mbi indi konak, mondok tugup lak at nggal mbi mondok worali bug-o. Ar-e an nak nerembel wanosolat, mondok meya mbi kwarusu bug-o. Kat-nen-e erem lag-et nde, an-nen at meya rak peyekluk nemengen mbarigen-et nde, ar-e pempa tugup lak an nimin kundik worasu-o” luk yij-o.

WENE MBENARUGWI NAP-NEN KWARIDNAK WENE 6:11

Nde, misik tarem-e Nagawan Indo-nen idnak aid nap mbi lobok yarik, o siri Opera wok yij-o. Iri yarig-e enlem Abieset nap Yoas-nen idnak e terepentin iri na indipma koreyak woragij-o. Worala-ge, Yoas ambara Nggireyon na-ge anggut engen amburu mbutlugwi sa iri na me nggandum mbato engen lera mbuwakluk lel tenak woragij-o. Iri kwarid iri-ge Mirian nap-nen kujwa naru mbik mbok kwarosolat woragij-o.