AYUP 4:3 - Nanduk Ngget Tul Pidnak Wene

³ Nde, kat-nen ap kwarat mirik onposolat woralar-e, inndi araga araga ala-ge, kat-nen inndi uwi yabosolat woraigen-o.

AYUP 4:3 Iomraidhean Croise

NDAK WIRIDNAK WENE 18:19

Nde, Abarakam linigi na-ge at-nen-e at elirak min at-nen wigarak min at-nen watsa yak ondosola, it-nen-e an-nen yidnak yidnak yogolat, konak mot mot nak kwarogolat wolmakluk linigi na-ge, nde, it-nen nde iri kwat tenak woragola-ge, an-nen Abarakam imin urul pigi na-ge kwar-et onposolat woramin-o” peragij-o.

ESERA 6:22

Nde, enalin enalen pem Oroti Lomboroso Mende Pigit Lak Nunggwi Tarem iri na yebet kagolar-e, tuju bem irit woraiga-o. Nde, Nagawan Indo-nen Asiut nagawan iri na arem yabu wanosola, Asiut nagawan iri na-nen it inmin konak kwarosolar-e, it-nen Isarael nap Enmbal Pem Nagawan uwi iri na tuguruk worogola, yongga indid iri na bem-e mondok enalen kwarat yiga-o.

AYUP 4:4

Kat-nen yoso bem ap indi uwi yagosolar-e, kapsa mbidnak nap min ndeyak woragwi nap min indi momak pugwi buk nap min-e enmawi rak posolat woraso-o.

NGGOMO WENE 15:7

Indi worak nap-nen wirik pusu wene-ge konak tena wolmomtak wene nak mburusu-o. Alat nde, ap wid-nen yebet kaso iri-ge iri nggal-e mondok lag-o.

YESAYA 35:3

Ininggi ababok lak yidnag-e amawi rak pogolat, ndeyak-nen ndowaga onowak kot kot yugwi-ge tugup lak tak per-o.

YESAYA 50:4

An-nen yimin wene bem ap enpabok lak ereba na enmawi rak purak pem-e Nagawan Indo Kek tak iri na-nen an-nen wene yurak mirik nibij-o. Pempa kuplila-ge at-nen an mul nururak wene iri na kuluwaklug-e, neyanggo anggat worak tak bosolat woraso-o.

LUKAS 22:32

Alat nde, Simon wa-e. Kat kindi angin tubu yigen iri-ge tugup lak woranokluk, an-e kat kamanggim tepan yigi-o. Nde, kar-e tuguruk an neram lobok yugundig-e, kat kanggamirak na inndi eyak wurugun na-e” luk yak tij-o.

LUKAS 22:43

[Iri yosola-ge, aid nap misik aid arem-nen mbuwarik, at amawi rak pij-o.

EPESUS 4:29

Kit kenmende nggwe-nen meya wene wirik purak pug-o. Are, it-nen kuluruk, inndi yek tak purak wene nak yogola-ge, kit-nen yidnak wene kuluwa nap iri-ge inmbiringgat tak pugub-o.

KOLOSE 4:6

Kit-nen wene yogolar-e, ap-nen kologolar-e, wene konag-et kuluruk, indingen tak purak wene nak yogolat wolmer-o. Ap-nen kin wok konpogola, onggo yurak na mondok kenaru wolmomtag-o.

IBERANI 12:12

Iri bem-e kininggi leyok tak iri na lek tak pogolat, konowak merakurak na amawi rak pogolat mer-o.