AYUP 2:8 - Nanduk Ngget Tul Pidnak Wene

⁸ Ayup iri na-ge iri kwarak eneyakngen mbo bidnak sa ereba na eralu koreyak nak woralar-e, piring telak pem aboro nggwat tenak woragij-o.

AYUP 2:8 Iomraidhean Croise

ESET 4:1

Nde, Morendekai-nen iri kwariga wene ereba na kolosolug-e, indi abi kalok yosolar-e, usum ndela bela keya buruk, karung sum yutluk, mabe ndatluk, yip nggwa arem mberarig-e, o siri nggwe mbirij-o.

ESET 4:3

Iri-nen nin me nan me ngguberenot woraidnak sa Yawuri nap worali ereba na-ge nagawan-nen it undurak wene wirik pidnak iri na kulurug-e, yip yud ngud mbogolat woraiga-o. Iri kwarogolar-e, nunggwi mende ninggit lak, tepan nak yogolat, yip nak yogolat, ”Ngge rak nunpuwa-o?” luk yane worogolat woraiga-o. It ennggendumu ap ereb-e karung sum yutluk, mabe bem mbinggirik nak woragolat kwat tenak woraiga-o.

AYUP 2:9

Worala, ogwe-nen at yak tosolar-e: ”Kar-e yu nggal kwasa woralar-et nde, tugup lak Mbal Pem Nagawan imin kundik woragun-a? Mondok Mbal Pem Nagawan imbiri lamut tak puruk wat min-o!” luk yak tij-o.

AYUP 42:6

Iri kwarosolar-e, an-nen yigi wene ereba na yebet kasolar-e, ’Niri nera-nen yigi-o’ luk ninggiri-nen o liri bem, mabe bem yeba koreyak worasu-o” luk yij-o.

YESAYA 61:3

inndi puru bera tabun puruk woragwi-ge konak enalin enalen pem woragwi elem wok ondosolat, nde, inndi puru rak woragwi-ge nden yaga enalen pem ndawi yugwi rak onposolat yuwakluk-nen nibil lobok yamu-o. Nde, ir-e Nagawan Indo ondomok-nen yagidnak e nggal kwat ma-o. Ir-e ndemeret lud tak mot mot nak kwarogolar-e, Nagawan Indo nak kek tak ubuwa-o.

YEREMIA 6:26

Nagawan Indo-nen at ilirak yak ondosolar-e: ”Kir-e tabun sum yutluk, mabe ma mbiring mbaring kwarer-o. Kit lak tak kunpurak nab-e mimo kenpem kore ma me, kir-e inlirak misiget tagoksa wat yosoma-nen inndi abi kalok yogolat, tabun puruk woragwi nggal-et tabun puruk yip togolat wolmer-o” luk yak indij-o.

YUNUS 3:6

Nde, iri wene iri na Niniwe nagawan iri na-nen kulurug-e, ereya na-net at koreyak woraso sa-nen mbosolar-e, nagawan-nen o tena woragolat-nen yurugwi sum iri na-ge yonggora keya buruk, niri nera-o luk, kondok yogolat-nen yurugwi sum karung sum iri na yirij-o. Yutluk yarig-e, mabe bem ereba na koreyak woragij-o.

MATIUS 11:21

”O Korasin woragwi min Mbetsaira woragwi min wa-e. Kenpem mbuma mende bem kenabuwa-o! Kit kendam woralat-nen kwiye worak mende kwarigi iri na-ge o Tirus min Siron min endam-nen kwatlep nggal-e, o iri me nap-nen-e obi-net it meya yidnak keya buruk kondok yogolar-e, sum meya yorogolat, mabe enanggul pem ndarogolat yeleb-o.