AYUP 2:4 - Nanduk Ngget Tul Pidnak Wene

⁴ Alat nde, Sere iri na-nen onggo yosolar-e: ”Indi min enpe ki wolmomtak min iri-ge mondok nggok-nen yusu-o. Alat nde, enarengge mende iri-ge nggog-e lag-o. Nggweyakma nab-e enarengge mende iri lak tak purak iri-ge ndag-et nde, mondok nggog-e enpe unluk wolmomtak iri nak nggog-o.

AYUP 2:4 Iomraidhean Croise

NDAK WIRIDNAK WENE 47:17

Yosola-ge, it-nen-e onowam wok togola-ge, Yusup-nen-e kura wam min lomba wam min kambing wam min sapi wam min kelerai wam min ondolmasa-ge nunggwi mende wok indij-o. Olengen iri arem-e Yusup-nen nunggwi mende wok ondosola-ge, onggo-ge onowam pidsa wok togolat woraiga-o.

NDAK WIRIDNAK WENE 47:19

Nir-e nere-nen wat makluk keya nunpurak pug-o. Nonnggweyak na amburu lak makluk keya burak pug-o. Nonnggweyak min nenpe min onggo posolar-e, nunggwi mende wok nindi-o. Nde, nenpe min nonnggweyak min-et Pirayon arengge nak kwat makluk, wat mul naru nunggwi mende wok nindi-o. Nde, nit neneyapmu pil kudtak mbato uwi na wog-et nundurag-o” luk emengen mbariga-o.

AYUP 2:3

Yosoloma, Nagawan Indo-nen kin wok obosolar-e: ”Kar-e ndegel noboso nap Ayup indi iri na-ge kwara abut mbarigen, lak? Nggweyakma wi yu-nen ap mbi indi konak, mondok tugup lak at nggal mbi mondok worali bug-o. Ar-e an nak nerembel wanosolat, mondok meya mbi kwarusu bug-o. Kat-nen-e erem lag-et nde, an-nen at meya rak peyekluk nemengen mbarigen-et nde, ar-e pempa tugup lak an nimin kundik worasu-o” luk yij-o.

AYUP 2:5

Kat-nen nde at ebe andi bandi rak posola-ge, iri-ge mondok ereya na-net imbiri lamut tak kubuwa-o” luk yij-o.

NGGOMO WENE 13:8

Ap enarengge worak nap-nen-e kona yamuksa wolmomtak pem-e ontol-et wirik pugwi-o. Alat nde, insilobulo lak nab-e enpem mbud yugwi bug-o.

MATIUS 16:26

Nde, ap mbi-nen-e o nggweyak yu oboksa winde yuwa-t nde, at ondomok indi pul marig-e, no nde lesa wanuwa-o? Mondok lag-o. At uruk wolmomtak iri na-ge yi mende ndi mende min onggo onggo rak purag-e ndag-a?

MATIUS 6:25

Iri bem-e, an yak kendeyeg-o: Kit kunluk wolmomtak pem nunggwi mende min yi min kenpe yururak sum min yebet karuk, kunmud kudtak pug-o. Kit kunluk wolmomtak iri-ge nunggwi mende nggal-e lag-o. Nggulok-nen yusu-o. Nde, kenpe iri-ge yurugwi sum nggal-e lag-o. Ija lombok-nen yusu-o.

LUKAS 12:23

Unluk wolmomtak iri-ge nggulok-nen yusu-o. Nde, nunggwi mende iri-ge marik-nen yusu-o. Enpe iri-ge nggulok-nen yusu-o. Nde, sum iri-ge marik-nen yusu-o.

YOSUA 9:24

Yosoloma, it-nen onggo yogolar-e: ”Nit iri yige iri-ge Nagawan Indo kat-nen erembel wanoso iri-nen ndegel oboso nap Musa ebem pamu, o yu nggweyag-e nap kat wok keramu, o yu me woragwi nab-e kat-nen oboksa ondosolat, onggweyak wanosolar-e, nit min-et nundugun naru-nen kwiye-nen ereba-ge kwarige-o.