AYUP 2:12 - Nanduk Ngget Tul Pidnak Wene

¹² It kenan nap iri na-nen eram mborogolat-nen siyak erepma nggal-nen yik kaiganggal-e, Ayup abage-ge at abage nggal-e mondok kagit lak irit yiga-o. Iri ala karuk, ubud-nen yip sa nggwa mbogolat, unsum ndela keya bogolat, o liri kama teram nggwe mbo bil lagolat enanggul pem piga-o.

AYUP 2:12 Iomraidhean Croise

NDAK WIRIDNAK WENE 27:34

Nde, Esau na-ge wene iri na kulurug-e, mondok indi abi min kalok luk yip nggwa yosolat-nen yosolar-e: ”Neid wa-e. An na imbiringgat tag-et nibi-o!” yosoloma,

ESERA 9:3

Nde, an-nen wene iri kulurug-e, nindi abi kalok yosolar-e, nusum ndela keya buruk, nanggulsu min nondoksu min pena keya burug-e, nindi abi kalak yosolat koreyak woragi-o.

NEMIA 9:1

Nde, waneya iri na arem tanggal dua pulu empat (24) pem-e Isarael nab-e ndok wiriga-o. Ndok wirigarig-e, it-nen yogolar-e: ”Nit meya kwarugwi-ge mondok keya bige-o” luk abu kuri bogolar-e, nunggwi mende ninggit lak tepan nak yogolat woraiga-o. Nde, ir-e enlem nin nap inmin-e mondok kundik woragit lak, enarig-et lenak irit woraiga-o. Nde, it nen meya kwaridnak pem niri nera-nen kwarigi-o luk yogolar-e unsum-e karung sum ereba na langgusa yirik woragolat, enanggul pem nggweyak ndarogolat, men luk it min onmborak min-nen meya yidnak ereba na pariga-o.

ESET 4:1

Nde, Morendekai-nen iri kwariga wene ereba na kolosolug-e, indi abi kalok yosolar-e, usum ndela bela keya buruk, karung sum yutluk, mabe ndatluk, yip nggwa arem mberarig-e, o siri nggwe mbirij-o.

AYUP 1:20

Yosoloma, Ayup na men yosolar-e, indi abi kalok yosolar-e, usum ndela bela keya buruk, anggulsu pena keya buruk, erare nggwe tud luk-nen

AYUP 19:14

An nelem nap-net nde, oboksa an naye ndigitli-o. An nenggamirak-nen na inndi-ge an nebem-e worali bug-o.

YOSUA 7:6

Iri yogola-ge, Yosua min Isarael nap ennggendumu enne kulugwi nap ereba na min-e mondok inndi kalok luk, inndi kalok yogolat-nen kwarugwi mende unsum ndelabela keya buruk, mabe ndatluk, iri tarem-e aptusa tag-et Nagawan Indo-nen idnak labu mbarak iri na eralu entare nggwe tud tak nak woraiga-o.

NAM PARA WENE 18:19

Ir-e mabe ndatluk tabun puruk woragolat, yip togolat-nen enne ngguloksa yogolar-e: ”O! O siri nggulok iri andi bandi kasu yu-ge o! At isilobulo kwarat ereba na-nen ndowaga yi ombolwak pem waring kagwi koma winde nap oboksa-ge enarengge kwarat ligik lagaij-o. Nde, jam misiget pem nak at arenggi arengge oboksa lak yij-o!” luk yiga-o.

WENE MBENARUGWI NAP-NEN KWARIDNAK WENE 2:4

Nde, aid nap iri na-nen wene iri na yak ondosola-ge, Isarael nap oboksa-nen yip sa nggwa mbiga-o.

1 SEMUEL 11:4

Iri nggal kwasa ap wirik inpikma mbirigarik, Saul woraso sa Nggibea wok yiga-o. Wok yogolat enlengen kulurak wene iri na yak ondogola-ge, inndi kabak yogolar-e, yip sa nggwa mbiga-o.

1 SEMUEL 4:12

Iri tarem-e Mbenyamin nap misig-e wim nggugwi sa-nen kwiye Silo lobok yosolar-e, iri na tarem-et o Silo wok lug-e, indi abi kalok yogolat-nen kwarugwi usum ndela keya bosolat, nggweyak anggul pem ndarosolat kwarij-o.