AYUP 1:8 - Nanduk Ngget Tul Pidnak Wene

⁸ Yosoloma, Nagawan Indo-nen kin wok obosolar-e: ”Kar-e an ndegel noboso nap Ayup-nen worasu abage iri-ge kwara kaigen, lak? Yi wi ndi wi oboksa-nen mbi at Ayup iri nggal indi tugup lak, konak iri nggal mbi worali bug-o. At iri-ge an nak kek tak nobosolat, meya mbi mondok kwarusu bug-o” luk yak tij-o.

AYUP 1:8 Iomraidhean Croise

2 NAGAWAN NAGAWAN-NEN KWARIDNAK WENE 23:25

Nagawan Yosia-nen Nagawan Indo ndegel obosolat, indi misiget tak puruk ndegel ibid iri nggal-e nagawan nagawan erep-nen mbi ndegel ibigit lag-o. At-nen-e at abage bem-nen na at-nen kwaroso bem-nen na Musa-nen mbaridnak engga arem imiri mbarak pidnak wene ereba na oboksa ndak ndag-et kwarosolat woragij-o. Nde, Nagawan Yosia wat yidnak ombol nggwe-nen na mondok nagawan at nggal mbi misik woragit lag-o.

AYUP 1:1

Nde, o Us nggweyak pem iri me-ge ap misik woragij-o. Iri unu-ge Ayup. At iri-ge Mbal Pem Nagawan imin kundik worasolar-e, imin tugup lak irit woragij-o. Nde, ar-e konak nap woralat, indi nggat nggat worak, meya na marig-et tet kwaroso buk irit woragij-o.

AYUP 2:1

Misik tarem aid arem woragwi ereba na Nagawan Indo eram tuguruk ndok wiriga-o. Iri yogola-ge, Sere iri na min-et it inmin ndok wirij-o.

AYUP 2:3

Yosoloma, Nagawan Indo-nen kin wok obosolar-e: ”Kar-e ndegel noboso nap Ayup indi iri na-ge kwara abut mbarigen, lak? Nggweyakma wi yu-nen ap mbi indi konak, mondok tugup lak at nggal mbi mondok worali bug-o. Ar-e an nak nerembel wanosolat, mondok meya mbi kwarusu bug-o. Kat-nen-e erem lag-et nde, an-nen at meya rak peyekluk nemengen mbarigen-et nde, ar-e pempa tugup lak an nimin kundik worasu-o” luk yij-o.

NDAWI ENGGA 34:14

Meya kwarugwi iri keya buruk, konak nak kwarogolat wolmer-o. Lambuksa wolmomtak elem iri nak nggok tak pogolat wolmer-o.

NDAWI ENGGA 37:27

Meya kwarugwi iri-ge keya buruk, konak kwarugwi iri nak kwarurag-o. Iri kwarosola-ge, kat-nen wigarag-e o nggweyak iri na me-t pem irit wolma-o.

NDAWI ENGGA 84:11

Nagawan Indo Mbal Pem Nagawan-e nit nggetlel nunpuruk woraso nagawan kek tak-nen yusu-o. At-nen-e nenabuwa kasolat, kek tak nonposolat yoso-nen yusu-o. Lugud tak kwarugwi buk nap wok ondosolar-e, at-nen-e konak mende ala-ge oboksa wok ondoso-o.

NDAWI ENGGA 89:20

An-nen ndegel noboso nap Ndaut karuk, lenak posolar-e, amburu anggul pem kiligi-o.

NGGOMO WENE 8:13

Nagawan Indo kek tak pogolar-e, meya kwarugwi elem iri na kinsili rak pogolar-o. Inndi-nen kek yugwi min enanggup kek yugwi min iri-ge mondok nisili rak pusu-o. An-e enpage meya kwarugwi min ap enmberam lagwi enne amburu min iri-ge mondok nisili-o.

YESAYA 1:16

Kit meya yidnag-e mondok masa mbek tak puruk wolmer-o. Kit-nen yi meya ndi meya kwatli ereba-ge keya buruk, ndong yer-o. Tugurug-e mondok meya kwarurak puk na-e. Kuligeb-a?

YESAYA 42:1

Nagawan Indo-nen yosolar-e: ”An ndegel noboso nap an-nen tena buruk woraso, an-nen lenak pigi, an nalen tak poso-ge yu-o. At-nen-e ap enlem oboksa mot mot kwarugwi wene yak indil mburuwakluk, an-nen an nindi at ebem pukmu-o.

WONARIDNAK WENE 12:3

Nggweyak ma yu me woragwi nab-e indi-ge kek tag-et nde, Musa arig-et nak indi-ge teberak irit woragij-o.

YOANES 1:47

Nde, Natanael na Yesus eram lobok yosola karuk, Yesus-nen at imin yosolar-e: ”Ndemeret Isarael nap yu nde ker-o! At arem-e enesiget wene na yoso bug-o!” luk yij-o.

YOSUA 1:2

yosolar-e: ”An ndegel noboso nap Musa-ge wat yamu me, yawo-ge kat min Isarael nap oboksa min Yi Yareren mbatluk, o Isarael nap wok indimin iri na me nggurak pem lid lud tak per-o.

YOSUA 1:7

Alat nde, mbigija-ge kar-e kindi uwi yaga tugup lak, kwiye lak irit wolmin-o. An-nen imiri mbarak pidnak wene oboksa ndegel noboso nap Musa-nen wok kirid ereba-ge mondok mborok tak pimin naru kwara yik karok wolmin-o. Mariget tet mondok meme rak pigit lak yosola-ge, kat-nen kwarugun-e mondok ebe-t kwat ma-o.