AYUP 1:5 - Nanduk Ngget Tul Pidnak Wene

⁵ Nde, sagurug-e, sagidnak ereba na irit wosa Ayub-e kubu kabu men yosolar-e, ilirak meya yidnak ereba na Mbal Pem Nagawan-nen amberam tak puwakluk pempa at ilirak ereba na enmanggim lombok wam wosa kan posolat woragij-o. Nde, iri kwaroso iri-ge Ayup-nen perasolar-e: ”It inndi-nen mboroksa-ge kwarigit lag-et nde, it-nen meya mbi kwarogolat, Mbal Pem Nagawan pesel pidnak worasu, lak?” luk-nen enmanggim wam wosa kan posolat woragij-o.

AYUP 1:5 Iomraidhean Croise

NDAK WIRIDNAK WENE 22:3

Yak tosoloma, nene luk, kuplila-ge Abarakam na-ge kan nggara kelerai wam ombolwak pem kamasa puruk yarik, at ambara Isak min ndegel ubugwi nap mberen inmin luk, o Mbal Pem Nagawan-nen yak tid iri na nggwe mbiriga-o.

NDAK WIRIDNAK WENE 6:5

Woragola-ge, Nagawan Indo-nen-e ap ereba-ge it inndi-ge meya kwarurak nak kobong tak, it-nen na yi meya ndi meya nak kwat tenak woragola, eneyasolat woragij-o.

NDAK WIRIDNAK WENE 8:20

Nu-nen-e Nagawan Indo amanggim wam mbara kan purak ondoro konurug-e, yi towe ndi towe oboksa enggep lombok min wam nin tak nan tak nalma mende oboksa enggep lombok wosa mbara emben Nagawan Indo wok tosolat, mbara kan pij-o.

1 NAGAWAN NAGAWAN-NEN KWARIDNAK WENE 18:31

Yakup ilirak enlem duabelas ereya na ndak wosa kerep duabelas wanij-o. Nde, iri-ge Nagawan Indo-nen Yakup imin yosolar-e: ”Kat kunu-ge Isarael-o” yid iri na ala karuk-nen kwarij-o.

1 NAGAWAN NAGAWAN-NEN KWARIDNAK WENE 21:10

Iri luk, ap oboksa enlengen pem-et meya kwarugwi nap mberen-nen at yak togolar-e: ’Kar-e Mbal Pem Nagawan min Nagawan Akap min inmbiri lamut tak onposola kulige-o’ luk ebem puwakluk meya yugwi nap mberen yak ender-o. Iri luk, o silmu-nen mbepme nggwe waruk mburugupndik, kerep pem nak mondok langgona wururag-o!” luk engga mbara wirik pij-o.

1 NAGAWAN NAGAWAN-NEN KWARIDNAK WENE 21:13

Nde, meya kwarugwi nap mberen-nen-e ap oboksa enlengen pem-e enesiget wene Nabot ebem pogolar-e: ”At yu-ge Mbal Pem Nagawan min Nagawan Akap min inmbiri lamut tak onposola kulige-o” luk ebem pogola-ge, wok uburuk leget ombol mbirigarig-e, kerep pem nak ndamera wiriga-o.

AYUP 1:11

Alat nde, kat-nen at arengge mende ereba oboksa nde wanosola-ge, wanosola ereya na-net kar-e imbiri lamut tak kubuwa-o!” luk yak tij-o.

AYUP 1:4

Nde, Ayup ambararak tuju ereya na-nen pem kwarugwi-ge misik tarem-e at misik ama-nen nggok saguruk, iri nggal-et misik tarem-e at misik ama-nen nggok saguruk kwarugwi-o. Iri kwasa sakolar-e, intidtak kenan ereya na-ge ”Yi min nunggwi mende min lambuksa misik mu norag-o” luk yonggo unpugwi-o.

AYUP 2:9

Worala, ogwe-nen at yak tosolar-e: ”Kar-e yu nggal kwasa woralar-et nde, tugup lak Mbal Pem Nagawan imin kundik woragun-a? Mondok Mbal Pem Nagawan imbiri lamut tak puruk wat min-o!” luk yak tij-o.

AYUP 41:25

At nde men yosolar-e, ap enmawi worak-nen na enmawi-ge lak yoso-o. Kwiye kwarat yogolar-e, enmawi lak yoso-o.

AYUP 42:8

Iri yigepndik me, nde, yawo-ge kusi nak sapi-ge tuju, lomba ge tuju waruk Ayup eram mburugupndik, wam ereba-ge kit meya yidnak pem kondomok kenmanggim wosa kan per-o. Kan pogola-ge, Ayup-nen-e kit kenmanggim tepan yuwa-o. Nde, Ayup-nen tepan yuwa iri-ge an-nen e kolosolar-e, kir-e onggo angin worak kenpem purag-et nde, an-nen-e kinnggiri rak pimin pug-o. Kir-e an nowene-ge ndemeret mot mor-e yigit lak yigepma-o. Nde, Ayup-nen perak ndemeret mot mor-et yamu-o” luk yak tij-o.

MBIRIGA WENE 18:12

Iri luk Yitero-nen-e Mbal Pem Nagawan amanggim ebis-et kan pugwi mende min wosa mbara kan pugwi mende min siyak mbi Mbal Pem Nagawan amanggim pamu-ge, Arun min Isarael nap ennggendumu-nen enne kulugwi nap ereba na lobok yigarik Yitero imin lambuksa Mbal Pem Nagawan eram iri-nen ningga-o.

MBIRIGA WENE 19:10

Yawo-ge kar-e it iri endam mbiri-o. Nde, it iri-ge yawo min kup min-e Nagawan Indo erembel wanurak pem it ondomok lid lud tak pogolat, unsum mondok maruwag-o.

MBIRIGA WENE 24:5

Iri luk, Musa-nen-e ap sujwe erep wirik enpamu, it-nen-e Nagawan Indo amanggim wosa kan pugwi mende kan puruk, sapi wam erep wosa Mbal Pem Nagawan imin kondogolat kan piga-o.

AID WENE YOSO NAP 9:10

Kat abog-e ap watluk ndok wurugwi sa mburugun-o. Nde, iri me-ge yebet kagwi min yabu min enaru yugwi mende min inndi tenggerak woragwi min-e watluk ndok wurugwi sa-ge lak me, kat-nen yabu oboksa wanosolar-e, kamawi min-et wanosolat nak wolmomtag-o.

LUKAS 1:75

kunluk woragolar-e, pempa an namanggim nak woragolat, an nindi nak alen tak pogolat yugub-o’ luk yak tij-o.

LUKAS 18:7

Nde, at lenak inpidnak nab-e kubu-nen lengge-nen at emengen mbal tenak wolma nap iri-ge Mbal Pem Nagawan-nen wene kona wok unduwa buk kali-a? It yongga ondosolar-e, ndan-et yongga unduwa nde kali-a?

YOANES 11:55

Nde, iri tarem-e O Anggul Pandok Mbiridnak tarem yebet kagolat Yawuri nap-nen sakwi tarem na panggo yosola-ge, o siri iri me woragwi nap kwarat-nen nunggwi mende sakit lak ma-nen it-net it mbek tak unpurak pem Yerusalem mbiriga-o.

YIDNAK YIDNAK WENE 21:26

Nene luk, kub-e Paulus na-ge ap empat iri na inmin mberarig-e, it inmin lambuksa at-nen at ambikpebe korak puruk, Mbal Pem Nagawan ama nggwigarik, at-nen yak ondosolar-e: ”Nir-e iri tarem-et korak ninpidnak wulmulndig-e, iri na tarem-et nit nondomok tak nenmanggim Mbal Pem Nagawan amanggim pugwi mende pul-o” luk tul paga yak indij-o.

YIDNAK YIDNAK WENE 8:22

Iri bem-e, kat meya kwarigen yu keya buruk kondok yosolat, kat kindi-nen peraidnak yu-ge amberam tak puwakluk, Nagawan Indo emengen mbari-o.

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.

2 KORINTUS 11:2

Ap misiget nak wanobokluk ebem panggarak kinpigirik me, kir-e imin nene yugwi buk kwe ndugum nggal Kerisut wok kunpuwakluk-nen Mbal Pem Nagawan-nen kit kenpem ala erengen ale yusu nggal, an-nen na kit kenpem ala nerengen ale yusu-o.

EPESUS 6:18

Wanurug-e, tepan yogolat, Mbal Pem Nagawan emengen mbarogolat wolmer-o. Konak Indi ebem woragolar-e, pempa pempa tepan yogolar-e, kunluk kenlengen kwesa woragolar-e, marak nap pidsa enmanggim-e tepan kundugu kundugu yogolat wolmer-o.

1 SEMUEL 16:5

Yogolikma, Semuel-nen yosolar-e: ”Ndemerer-o. An-e Nagawan Indo amanggim sapi wam wosa purak lobok yusu-o. Iri ala-ge, wam wosa pogolat nggok sagurak me, kit na kit-net marak puruk wolmer-o” yak ondosolar-e: ”Isai ilirak inmin na ondomoktak-nen marak puruk Mbal Pem Nagawan amanggim wam wosa pukmu lobok yurag-o” luk yonggo inpij-o.