AYUP 1:10 - Nanduk Ngget Tul Pidnak Wene

¹⁰ At iri-ge ogwela min ilirak min aringgi arengge min ereba-ge kat-nen pempa nggetlel unpuruk worasu-o. At-nen kwaroso iri-ge kat-nen imbiringgat tak posolat, owam na kat-nen kwarat tak posola, o iri me yebet yurak ndak irit wok tusu-o.

AYUP 1:10 Iomraidhean Croise

NDAK WIRIDNAK WENE 15:1

Iri na kwatluk ombok nggwe-ge nabi pem nggal Nagawan Indo-nen Abaram yak tosolar-e: ”Abaram wa-e. Kar-e kwiye kasu-ge meyog-o. Kat lak tak kubuwa naru kurak kobosolat, onggo mondok nggok wok korosolat yimin-o” yak tij-et nde,

NDAK WIRIDNAK WENE 26:12

Nde, Isak-nen yabu o iri me wanarik yagij-e olengen yagid iri na bem-e yabu wanarig-e uwi-ge mariget pil kagaij-et nde, olengen iri na bem-et ebe mbarosolar-e, mondok terak minik (seratus kali lipat) irit mbarij-o.

NDAK WIRIDNAK WENE 30:30

An lobok yigit lak ma-ge, nimi karengge-ge marig-et woragij-et nde, yawo-ge an nebem-nen Nagawan Indo-nen imbiringgat tak kobosolar-e, karengge kwarat tak pij-o. Nde, yawo-ge an-e nogwela enmanggim yabu wanimin-o” luk yak tij-o.

NDAK WIRIDNAK WENE 30:43

Iri nggal kwarosolar-e, Yakup na-ge yi mende ndi mende ombo irit kwat yosolar-e, kambing wam min lomba wam min kelerai wam min ombo yosolat, ndegel ubugwi nap na kwarat winde woragij-o.

NDAK WIRIDNAK WENE 39:5

Ereba na oboksa Yusup inggem pamu, wanosola-ge, Yusup-nen ndowaga Nagawan Indo-nen-e Mesira nap iri na aringgi arengge ma nggwe-nen na irit, mbepme nggwe-nen na irit, mondok imbiringgat tak posolat woragij-o.

NDAK WIRIDNAK WENE 49:25

Keid Embal Pem Nagawan-nen yongga-t kurusu-o. Mondok Amawi Worak Mbal Pem Nagawan-nen imbiringgat wok korosolar-e, mbal nggwe-nen talme pem-nen na imbiringgat wok korosolat, nggweyak arem nggwe-nen na konggweyak amburu rak posolat, keli marik min sapi wam min,

AYUP 1:3

Nde, ereb-e at-nen onnggo pidnak ndegel ubugwi nab-e kwarat woraiga-o. Nde, olomba wam-e 7.000, nde, unta wam-e 3.000, nde, esapi wam-e 1.000, nde, egelerai wam-e 500, nde, nggaruksa yosolar-e, o siri mo luwaso (timur) nggwe worali ereba ennggendumu-nen-e at yu nak aringgi arengge kwarat woragij-o.

AYUP 31:25

An-e narengge mende bem-e nindi kek tak woraso bug-o.

AYUP 42:12

Nde, Ayup iri na worala-ge, kwarat kobongsa irit imbiringgat tak posolat woragij-o. Nde, Ayup anggun panggun ebem mbigit lak ma-ge iri nggal-e imbiringgat tak pigit lag-et nde, yawo-nen wok tosolar-e, lomba wam-e 14.000, nde, unta-ge 6.000, nde, sapi-ge 2.000, nde, kelerai-ge 1.000 irit Ayup-e ombo yij-o.

NDAWI ENGGA 107:38

Nagawan Indo-nen imbiringgat tak onposolar-e, inlirak kwarat ndaiga-o. Iri-nen it-nen parugu woragwi mende usu worak na kwarat ijak wosa keya bij-o.

NDAWI ENGGA 34:7

Nagawan Indo-nen idnak aid nab-e Nagawan Indo inndi aye worak ereba na yik eneyarok woralat, it lak tak unpurak elem arem-nen mengga keya onposo-o.

NDAWI ENGGA 80:12

Mbal Pem Nagawan wa-e. Noluk-nen kar-e eleger-e mijarak pigen-o? Iri yigenma, ap nde iri nggwe mborosolar-e, engen-e mbal tenak worali-o.

NDAWI ENGGA 90:17

Nagawan Indo Nembal Pem Nagawan wa-e. Nit-nen yabu wanugwi ebe worak makluk, imbiringgat tak ninpi-o.

YESAYA 5:2

Nde, at-nen-e nggweyak yalosolat, kerep ereba na-ge lena mbo bosolat, anggut konak uwi nak irit yagij-o. Yagurug-e, yik karok wolmomtak o mot misik iri na me wirij-o. Iri rak purug-e, anggut engen yosola, engen amburu mbulurak ondoro nggweyak yalij-o. Iri rak purug-e, engen ereba na ogere yamu mbarid nggal-e, engen undu-ge amak worak nde kagaij-o.

YESAYA 5:5

An-nen idnak anggut yabu yu-ge an-nen-e yu nggal kwat ibimin-o. Yabu iri leget iri-ge kona wabimin-o. At imiri mbarak worasu kerep leget iri-ge ndamera keya bimin-o. Iri rak pumu, nggwija-nen meya rak posolat, ijok liri rak puwakluk keya bimin-o.

TUGURUK YIDNAK WENE 33:11

Nagawan Indo wa-e. It enlem yu-ge enmawi wolmakluk yongga indi-o. Kat-nen it-nen yabu wanugwi-ge kindingen ki-o. It unuwim nap oboksa kat-nen mondok lak tak unpugunmu, tuguruk mondok men yigit lak mag-o” luk yij-o.

TUGURUK YIDNAK WENE 33:27

Mbal Pem Nagawan-e pem kit nggetlel kunpuruk woraso-nen yusu-o. Pem woraso erabit pem kit yogo kunpuruk worasu-o. At-nen kunuwim nap kenndam-nen maga wirik onposolar-e, ”Mondok lak tak enper-o” yak kindij-o.

TUGURUK YIDNAK WENE 7:13

At-nen kenabuwa karuk imbiringgat tak konposolar-e, kinlirak kwarat tak onposolat, wonarogolar-e enpe kwarat irit ma-o. Konnggweyak amburu worak tak posola, keneyapmu yagidnak mende nggandum mbato min anggut engen min saitun amburu min wok kondosolat, iri-nen at nen imbiringgat tak konposolar-e, sapi min lomba minkambing min ereba oboksa-ge Nagawan Indo-nen wok kindid uwi iri na me woragolar-e, nanduk konmborak urul yak indid iri na ndak ndag-et oboksa wanugub-o.

1 PETERUS 1:5

Kir-e Mbal Pem Nagawan ebem kinndi angin tubu yidnak me, iri yidnak silobulo iri-ge pidsa kenmanggim worasu-o. Worok tak puwa tarem-nen kinmiri yidnak mondog-et nam tak puwa tarem kinmiri yidnak iri na wanobokluk, Mbal Pem Nagawan amawi bem-nen kontowarak worasu-o.

1 SEMUEL 25:16

Nde, nit it worali sa koroga kambing min lomba min yik karok woragola-ge, kubu-nen lengge-nen kwara nggetlel nunpuruk woragwi-o.