ABAKUK 3:2 - Nanduk Ngget Tul Pidnak Wene

² Nagawan Indo wa-e. Kat-nen kwaroso wene-ge kuligi-o. Kolosolar-e, an narem-e kwiye wok yij-o. Nde, kat-nen kwiye worak kwarigen iri-ge tuguruk nit worali tarem ya kwari-o. Kar-e kisilepma yosolar-et nde, nenabuwa yi-o.

ABAKUK 3:2 Iomraidhean Croise

ESERA 9:8

Alat nde, Nagawan Indo Nenmbal Pem Nagawan wa-e. Yawo-ge kar-e kat-nen nenabuwa kaso elem iri na-ge nggeret tel korosolar-e, nit nennggendumu worali nap erep yeba-ge anggun panggun tak unpugwi nap ininggem-nen wisirik nunpuruk, wisirik yamuksa wolmomtak sa yu me wolmakluk kat-nen wisirik ninpigen-o.

AYUP 42:5

Nanduk kat kowene-ge ap-nen yogola nak koloso-o. Alat nde, yawo-ge nentare mboma lambuk luk, kar-e kwara naru yusu-o.

NDAWI ENGGA 119:120

An-e kat kaye-nen lele yosolat, kat-nen ap enpem wene nggaruksa mbarugun iri na bem nindi-ge purung purung yusu-o.

YESAYA 53:1

Ap enlem iri na-nen onggo yogolar-e: ”Ta-nen nit-nen kulidnak ereba na bem indi angin tubu yamu-o? Tarak inmbiri bem Nagawan Indo amawi-ge nam tak pij-o?

YESAYA 54:8

An nisilepma kwiye worak-nen ndowaga we marig-et nak keya kibigi-t nde, an-nen enabuwa pem kundugu kaso iri na bem-e kat kabuwa kasolat woramin-o” luk kimiri yoso Nagawan Indo-nen yij-o.

YESAYA 63:15

Nagawan Indo wa-e. Kat woraso sa marak abinal worak aid arem-nen kerengen-e mbel niniyi-o. Kat kamawi woraso min nenabuwa kaso min-e ngge rak pigenma-o? Nunpud kaso min nenabuwa kwarat kaso min-e ngge rak pigenma-o? Nenabuwa yigit lak keya nunpurak pug-o.

YESAYA 66:2

O yu-ge an ninggi-nen posola-net o yu oboksa kwat yamu-o. Alat nde, an-nen ukwe peraso-ge ap inndi teberak woragolat, it-nen meya kwarugwi iri na bem ’Niri nera-nen kwarigi-o’ luk kondok yogolat, an naye kagolat, an-nen yidnak yidnak kwarugwi iri nak nindingen-o.

NDANIEL 8:17

Yosoloma, aid nap Nggabiriel an nerare bem mendak iri na neram panggosa lobok yosola-ge, an-e kwiye-nen-e mbud yigi-o. Nde, Nggabiriel iri na-nen an yak norosolar-e: ”Lak yoso nggweyakma nap wa-e. Nabi bem nggal kaigen iri-ge ’Abok worok tak posolat-nen kwat momtag-et kagi-o’ luk kar-e karu yurag-o” luk yak nirij-o.

ABAKUK 3:1

Mbal Pem Nagawan ene lomboksa yoso nap Abakuk-nen tepan yidnak wene-ge yu-o:

ABAKUK 3:16

Iri kwarigen wene kulurug-e, an-e lele yosolat, nindi min ndirij-o. Iri yosolar-e, mondok namawi lak, ndeyak irit yigi-o. Nowak uruna lasolar-e, kwara kondoksa mburusu bug-o. An-e an nimin wim mbarugwi nap ereba na Mbal Pem Nagawan-nen angin worak mberak puwa iri na-t yik karok nindiyabu worasu-o.

YOANES 10:10

Yariya wanugwi nap na lobok yugwi-ge, yariya wanurak pem min undurak pem min lak tak unpurak pem min lobok yugwi-o. Alat nde, an lobok yigi-ge, lomba wam-nen-e unlug-et wolmomtak elem mondok kwarat wanuwakluk-nen lobok yigi-o.

OROMA 10:16

Alat nde, it oboksa-nen aid wene wanili-ge lag-o. Nde, Yesaya-nen yosolar-e: ”Nagawan Indo wa-e. Nit-nen yidnak wene bem-e ta-nen nde inndi angin tubu yij-o?” luk yij-o.

PILIPI 1:6

Kit kenarem konak eyabu tel kwirid Mbal Pem Nagawan-nen-e eyabu iri na wok tenag-et worasoma, Kerisut Yesus lobok yuwa tarem-nen worok tak puwar-o luk an-e mondok naru worasu-o.

IBERANI 11:7

Nde, Nu na indi angin tubu yidnak pem-net Mbal Pem Nagawan-nen-e abok-nen kwat momtak wene yak tosola, kuluruk, indi kwiye luk, at erengen-nen kagit lak mende-t nde, Mbal Pem Nagawan-nen yidnak yidnak kwarosolar-e, at min ogwela min inmiri yurak e koma wirij-o. Iri kwarosolat-nen-e nggweyak ma woragwi nap oboksa enpem wene mbarosola, at indi angin tubu yidnak pem-e Mbal Pem Nagawan-nen at lud tak nak tak ibij-o.

IBERANI 12:21

Iri kwaridnak iri-ge Musa-nen kagaidnggal-e, mondok kwiye worak mende ala karug-e, Musa-nen yosolar-e: ”An-e kwiye kwarat luk nowak lele yusu-o” luk yij-o.

NAM PARA WENE 15:4

Nagawan Indo wa-e. Kat kaye kaso buk nab-e ta-o? Kat kunu kek tak purak isili yusu nab-e ta-o? Kat karig-et nak lenak kek tak woraso-nen yusu-o. Kat-nen lud tak nak kwaroso iri-ge ap oboksa-nen nam-et nak kali me, ap enlem oboksa kat keram lobok yuwarik, kat kerembel wanuwa-o” luk yiga-o.