2 PETERUS 3:7 - Nanduk Ngget Tul Pidnak Wene

⁷ yawo worasu mbal min nggweyak min-e kanduk pem-nen lak tak purag-et nde, Mbal Pem Nagawan ene nak-nen towarak worasu yu-ge meya yugwi nap enpem wene mbatluk, lak tak unpurak tarem iri-nen lak tak peyekluk towarak worasu-o.

2 PETERUS 3:7 Iomraidhean Croise

NDAWI ENGGA 102:26

Alat nde, ereba-ge oboksa lak ma-t nde, kar-e pem irit woragun-o. Nde, ereba oboksa-ge sum erare ngget lak yosolat umbuk yoso nggal ma-o. Iri yosola-ge, kat-nen-e sum umbuk mbo bidnak nggal mbo bugunmu, oboksa lak ma-o.

YESAYA 66:15

Nde, Nagawan Indo-ge ndemeret at isilepma-ge kanduk min wijakni min nggal irit lobok yosolar-e, at-nen isilepma enpem pidnak nap enpem nggilarak posolat, mondok amawi min enpem mbud ma-o.

NDANIEL 7:9

Nde, an mondok yik kaginggal-e ap kek tak-nen koreyak woragwi ondoro siyak pogola yik kagi-o. Pogola-ge, pem-et uruk nak woraso iri na-ge ap kek tak-nen koreyak woragwi ereya na misik pem kore yosola, kagi-o. Nde, at iri usum min anggulsu min-e mondok loro yeben mbin nggal irit kagi-o. Nde, at koreyak woraso iri na min koreyak woraso ijok wukoma ijok nggal iri na min-e kanduk nggal kere yosolat, amare yirip wirip mbosola kagi-o.

MALEAKI 4:1

Nagawan Indo Mondok Amawi worak iri na-nen yosolar-e: ”Inndi kek tak min meya yugwi nap min oboksa tusuangge kan pidnak nggal kan unpurak tarem-e wog-et ma-o. Nde, iri tarem-e erep mbi keya bigit lak, mondok oboksa kan paga lak tak unpuwa-o.

MATIUS 10:15

An-nen yak kendeyeg-o: Ap enpem wene mbarurak tarem-nen-e Mbal Pem Nagawan-nen-e Sorom woragwi min Nggomora woragwi min unpud kujwa-t nde, o siri iri me woragwi nap na unpuj-e kujwa bug-o.”

MATIUS 11:22

Iri ala-ge, an-nen yak kendeyeg-o: Ap pidsa enpem wene mbaruwa tarem-nen-e Tirus nap min Siron nap min enpem wene te-t mbaruwa-t nde, kit kenpem-e angin worag-et mbaruwa-o.

MATIUS 11:24

Alat nde, an-nen yak kendeyeg-o: Ap pidsa enpem wene mbaruwa tarem-nen-e Sorom nap enpem wene te-t mbaruwa-t nde, kit kenpem-e angin worag-et mbaruwa-o” luk met inpij-o.

MATIUS 12:36

An-nen yak kendeyeg-o: Ap enpem wene mbaruwa tarem-nen-e ap enemndam nggwe-nen mberak pidnak wene, kasa kasa wene yidnak oboksa iri bem-net at ebem wene mbaruwa-o.

MATIUS 24:35

Mbal min nggweyak min-e lak ma-t nde, an-nen yidnak wene-ge lag-e ma bug-o.

MATIUS 25:41

Iri luk, Nagawan na-nen-e at inggi kware nggwe wolma nap na yak ondosolar-e: ’Kit imbiri lamut tak kinpidnak nap yu-ge wa-e. Mberer-o. Sere min at-nen idnak aid nap min enmanggim lid lud tak pidnak nigi momtak puk kanduk arem iri me mberer-o.

MARAKUS 6:11

Alat nde, kit mburugupndik, o iri nap-nen wok kinpigit lak, kenne na kuligit lak ala-ge, o iri me-nen nde kit mborogolar-e, it inndi wanuwakluk, kit kunuwok liri-ge iri me pil karuk, mbururag-o” luk yak indij-o.

YOANES 12:48

An isili rak nuburuk, an-nen yidnak wene kulusu buk nab-e at ebem wene mbarurak nab-e worasu-o. I woronosolat tarem an-nen yidnak wene-net ap iri ebem wene mbaruwa-o.

OROMA 2:5

Alat nde, kit kinndi amawi luk, kondok yili bug-o. Iri-nen ndowaga Mbal Pem Nagawan isilepma luk lud tag-et ap enpem wene mbaruwa tarem-nen-e kenpem wene mbarurak iri na kenambikpebe kenare pili-o.

1 KORINTUS 3:13

o enarik tak wiridnak iri-ge Kerisut-nen idnak Tarem-net nam tak posola, kujwa-o. Iri Tarem-e kanduk pem-nen tel korosolar-e, kanduk iri-nen ap-nen enarik tak o wiridnak mende iri-ge nam tak posolat, lombonosolat ma-o.

PILIPI 1:28

Kit kinmin sirid nap-nen-e mondok kwiye rak kunpuwa bug-o. Kir-e it enaye kagit lak yogola-ge, ”E! It yu-ge nit lak tak nunpuwa-o” luk yenggerak kunpuwa-o. Nde, Mbal Pem Nagawan-nen perak nde kit kinmiri yuwa-o.

2 TESALONIKA 2:3

Ap-nen konmbol pem lujwakluk, ndeyak yurak pug-o. Iri Tarem awo wok yigit lak ma-ge, wene yu nggal-e mondog-et kwat ma-o. Ap kwarat-nen it inndi angin tubu yidnak na keya bogolat, kan mare arem wirik uburak lud tak pidnak Meya nak Kwaroso Nap iri na nam yosolat ma-o.

1 TIMOTIUS 6:9

Alat nde, ”Ninsilobulo worak nap yuwog-o” yugwi nab-e it inndi ngaroso mende bem-nen wosa mbogolat, kere ma ngonok yogolat, ebe lak mende, meya rak onposo mende irit ukwe ukwe yili-o. Iri mende-nen-e ap abapno rak onposolat, ap lak tak onposolat yoso-o.

IBERANI 12:29

Nde, nit Nenmbal Pem Nagawan iri-ge lak tak poso kanduk-nen yusu-o.

2 PETERUS 2:9

Iri bem-e, Mbal Pem Nagawan-nen kwaroso nggal kwarugwi nap na it enarem woraga pil nggogola-nen inmiri yurag-e Nagawan Indo aru-o. Nde, lud tak nak kwarugwi buk nap enpem wene mbarurak tarem andi bandi rak unpuwakluk len unpurak na Nagawan Indo-ge aru-o.

2 PETERUS 3:10

Alat nde, Nagawan Indo lobok yurak tarem iri-ge yariya wanuwokluk lobok yugwi nggal-et lobok yuwa-o. Lobok yosolar-e, mbal iri-ge o nggu kwiye worak yuruk, lag-et ma-o. Mbal pem woraso mende-ge kan-nen nuruk, lak tak puwa-o. Nggweyak min ebem pem woraso mende pidsa-ge lak tak puwa-o.

2 PETERUS 3:12

Iri nggal kwarogolar-e, Mbal Pem Nagawan-nen idnak Tarem yik karok woragolat, ndaget nak lobok yuwag-o luk tu mbarogolat wolmer-o. Iri Tarem-e mbal na kan-nen nuruk, lak tak puwa-o. Nde, mbal pem woraso mende na kan embem-nen tamuk kan ninggidnak nggal lak ma-o.

1 YOANES 4:17

Nir-e nggweyak ma yu me woragolar-et nde, Kerisut abage nggal worali me, nit nenpem wene mbarurak tarem wok yosola, kwiye lag-et wolmakluk, iri bem-nen enabuwa kagwi elem na nit nenarem iminep mbal yusu-o.

YURAS 1:7

Nde, o Sorom min Nggomora min inggi inggi woragwi o siri erep min yebet yebet tak wolmer-o. Aid nap-nen kwariga nggal, o iri me nap-nen-e mbabi kwarogolat, kwarugwi buk mende mondok meya na kwarigarik pem-e, lak momtak puk kanduk iri-nen nok inpid iri-ge ap pidsa inndi wanuwakluk kwat enpamu-o.

NAM PARA WENE 17:11

Nde, ndakngge isilepma worak iri-ge nanduk uruk woragaij-et nde, yawo-ge uruk worasu buk iri-ge delapan tak posolat nagawan iri-net yusu-o. At iri-ge it tuju na ennggendumu woraso-nen at lak tak uburak sa mburusu-o.

NAM PARA WENE 17:8

Ndakngge isilepma worak kaigen iri-ge, nandug-e uruk woragaij-et nde, yawo-ge uruk worasu bug-o. At iri-ge yanem were mbun arem-nen lumarig-e, at lak tak uburak sa mburuwa-o. Nde, nggweyak ma worali nap, o nggweyak yu ndak worak pigit lak ma-net unluk wolmomtak engga arem unnu mbarigit lak nap oboksa-nen-e ndakngge isilepma worak iri karug-e, wi yuwa iri-ge ndakngge isilepma worak iri-ge nanduk uruk woragaij-et nde, yawo-ge uruk worasu bug-o. Nde, tuguruk nam ma iri bem-nen wi yuwa-o.

NAM PARA WENE 20:11

Iri luk, an yik kaginggal-e, nagawan-nen koreyak woraso ondoro loro nggulok iri min ebem koreyak woraso nap min kagi-o. Nde, at iri eram-nen nggweyak min mbal min-e lak yosolar-e, ondoro min-et mondok lak yij-o.

NAM PARA WENE 21:1

Iri luk, an yik kaginggal-e, mbal ngget min nggweyak ngget min kagi-o. Nde, nanduk woraso mbal min nggweyak min lak yosolar-e, yi koma min-et lak yij-o.