2 PETERUS 3:4 - Nanduk Ngget Tul Pidnak Wene

⁴ Nggweyel konpogolar-e: ” ’An lobok yimin-o’ luk urul pij-et nde, ebe-ge ngge-o? Nit nonmborak na wat yiga-t nde, nggweyak ndak wirid kuri-nen yawo kuri-ge yi mende ndi mende pidsa-ge emesiyak nak worasu-o!” luk yuwa-o.

2 PETERUS 3:4 Iomraidhean Croise

NDAK WIRIDNAK WENE 19:14

yogolikma-ge, Lot na-ge at ararak mberen wok unpurak enabi pili ereya na endam mberarik, yak ondosolar-e: ”Kir-e yanem-et nak o siri yu keya buruk, nin sa mbururag-o. O yu-ge Nagawan Indo-nen mondok lak tak puwa-o” yak indij-et nde, at yu-ge keyari wene nde yusu kwasa keya biga-o.

MALEAKI 2:17

Kit-nen wene wirik pili ereba bem-e Mbal Pem Nagawan-e eberari rak ibili-o. Iri yogolar-et nde, kit-nen kin wanogolar-e: ”Nir-e Nagawan Indo eberari rak pogolar-e no kwatli-o?” luk yili-o. Iri-ge kit-nen yogolar-e: ”Ap oboksa-nen meya kwatli-t nde, Mbal Pem Nagawan-nen-e konag-et yik eneyasu-o. Nagawan Indo alen-e it enpem-et pusu-o” luk yili-o. Nde, erep-nen-e kit-nen kin wanogolar-e: ”Mot mot nak kwaroso Mbal Pem Nagawan-e ngge me worasu-o?” luk yili iri-nen ar-e eberari rak ibili-o.

MATIUS 16:27

Ap Amara na-ge at Eid abinal pem at-nen idnak aid nap inmin lobok yuwarig-e, ap onggo wok ondosolar-e, it-nen kwaridnak ndak ndag-et ondomok tak onggo wok unduwa-o.

MATIUS 16:28

An-e ndemeret yak kendeyeg-o: Yu me worali nap ereb-e Ap Ambara na at-nen tenagaidnak wi imin lobok yosola kagit lak ma-ge wat ma bug-o” luk yij-o.

MATIUS 24:28

Ontogwak woraso sage ontogwak naso towe-nen nil ndok woroso-o.”

MATIUS 24:48

Alat nde, ndegel poso nap meya kwaroso iri-nen-e at indi arem-nen perasolar-e: ’An neid iri-ge ndaget lobok yuwa bug-o’ luk,

MARAKUS 10:6

Alat nde, tel korosolat-net yi mende ndi mende ndak worosolar-e, Mbal Pem Nagawan-nen ap min kwe min ndak wat enpamu-o.

MARAKUS 13:19

Iri tarem-e andi bandi kagwi mende mbuma iri-ge nanduk Mbal Pem Nagawan-nen nggweyak yu ndak wiridnak kuri-net yawo kuri-ge andi bandi iri nggal-e kagwi-ge bug-o. Nde, woragolat nagolat na andi bandi iri nggal-e wok ma bug-o.

LUKAS 12:45

Alat nde, ndegel oboso nap na-nen-e: ’Neid iri-ge lobok yigit lag-et yusu yu-ge’ perasoluk, ndegel ubugwi nap kwami min ap min erep na ondosolat, nunggwi mende nasolat, anggut engen amburu ndonggosa nuruk, indi wawa luk worasoma-ge,

YIDNAK YIDNAK WENE 7:60

Yurug-e, ar-e endaru yunggusa kore yosolat-nen at ene ngguloksa-t yosolar-e: ”Nagawan Indo wa-e. It meya yidnag-e it enpem keya burak pug-o” yurug-e, wat yig-o. 8:1a Nde, Saulus-nen perasolar-e: ”Sepanus iri-ge ob-et witli-o” luk peragaij-o.

1 TESALONIKA 2:19

Nde, nit ninndi ebem mbung mbung tak woragwi-ge tarag-o? Nit nenalen eneyagwi-ge tarag-o? Nit Nagawan Indo Yesus lobok yosola tarem-nen at imbiri bem nit nunnu kek tak purak wirik iri-ge tarag-o? Iri-ge kir-er-o.

2 PETERUS 3:12

Iri nggal kwarogolar-e, Mbal Pem Nagawan-nen idnak Tarem yik karok woragolat, ndaget nak lobok yuwag-o luk tu mbarogolat wolmer-o. Iri Tarem-e mbal na kan-nen nuruk, lak tak puwa-o. Nde, mbal pem woraso mende na kan embem-nen tamuk kan ninggidnak nggal lak ma-o.

NAM PARA WENE 3:14

”Laorikia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge mot mot lud tak nak konggoroso nap, Mbal Pem Nagawan-nen ndak worak pidnak mende oboksa tel koroso Amin-nen yidnak wene-o.