2 PETERUS 3:3 - Nanduk Ngget Tul Pidnak Wene

³ Mondog-et kit-nen yeberak wolmomtak wene nggulog-e yu-o. Woroksiyem woragolar-e, it ondomok inndi-n pidnak ukwe akwe yugwi nak kwarogolar-e, ap nggweyel unpugwi nap na men yogolar-e, kit nggweyel kunpuwa-o.

2 PETERUS 3:3 Iomraidhean Croise

NGGOMO WENE 1:22

”Wid kinndi worak wa-e. Kir-e pempa iri nggal nag-et kwat tenak woragub-a? Nde, kit-nen enaru yugwi mende te rak pogolat, mul kindidnak wene ereba na-ge keya bogolat irit woragub-a?

NGGOMO WENE 3:34

Nagawan Indo-nen-e ap indi kek tak woragwi nab-e isili rak onposo-o. Alat nde, ap inndi teberak woragwi nab-e at-nen inmbiringgat tak onposo-o.

YESAYA 28:14

Ap nggweyel unpugwi nap Yerusalem iri me woragwi nap tena unpuruk woragwi nap wa-e. Nagawan Indo-nen yak kunduwa wene-ge kwara koler-o.

OSEA 7:5

Nagawan-nen nggok sakwi tarem-e it ereba na-nen-e nagawan min at eyabu wanugwi nap ereba na min anggut engen amburu mak ondogolat, inndi nden kasolat, meya indi lak-nen kwarugwi ereba na kwarugwi-o. Iri kwarogolar-e, nagawan iri na-ge lugudtak kwarugwi nap ereba na inmin alin alen poso-o.

YOANES 12:48

An isili rak nuburuk, an-nen yidnak wene kulusu buk nab-e at ebem wene mbarurak nab-e worasu-o. I woronosolat tarem an-nen yidnak wene-net ap iri ebem wene mbaruwa-o.

2 KORINTUS 4:2

Kuruwaga kwarugwi innggiri rak poso mende iri-ge nit-nen keya bige-o. Nir-e ap onmbol pem lagolat, Mbal Pem Nagawan-nen yidnak wene lugud kagolat yili-ge lag-o. Are, ndemeret wene iri na nam-et yogolar-e, ap oboksa enarem-nen konak nak nenperagola, Mbal Pem Nagawan imbiri bem worali-o.

2 TIMOTIUS 3:1

Wene yu yebet yebet tak wolmin-o. Worok tak purak tarem-e nari wari rak unpurak mende-ge ap enpem mbuwa-o.

IBERANI 1:2

Alat nde, worok tak posolat tarem yawo-nen-e at Ambara ebem nggwe-nen wene yak kundusu-o. At Ambara ebem-net Mbal Pem Nagawan-nen yi mende ndi mende oboksa ndak wirij-o. At Ambara iri-net yi mende ndi mende oboksa winde yuwag-o luk Mbal Pem Nagawan-nen len ibij-o.

2 PETERUS 1:20

Alat nde, wene owak ndum yu-ge yebet yebet tak wolmer-o. Mbal Pem Nagawan engga bem abok-nen kwat momtak urul paga pidnak wene iri-ge ap inndi-n yebet kaidnak pem nak ap mul undurak pug-o.

2 PETERUS 2:10

Iri len unpuwa iri-ge it ondomok kopkap tobok tak onposo ukwe ukwe yugwi iri-nen yidnak yidnak kwarogolar-e, Mbal Pem Nagawan ene kulurak insili nap iri-ge len unpusu irir-o. Enesiget siget mul undugwi nap iri-ge kwiye lag-e, ondomok kek yogolar-e, teram woragwi enabinal worak nap iri na kwiye lag-et pesel inpili-o.

1 YOANES 2:18

Nilirak wa-e. Woroksiyem-e panggo yij-o! ”Kerisut imin sirid nab-e lobok yuwa-o” luk yak kindiga na-ge yawo-ge Kerisut imin sirid nab-e kwarat men yigarik me, iri bem-nen worok tak purak tarem panggo yusu-o luk nenaru yili-o.

YURAS 1:16

It iri na-ge pempa onpok pegerak mbogolar-e, nin nap enpem ujwa mbarogolat onpok pugwi-o. It ondomok inndi-n pidnak nak kwarogolar-e, it ondomok nggulok tak pogolat, ap enarengge lesa wanuwokluk, nin nap entembel wanugwi-o.

YURAS 1:18

It-nen yak kondogolar-e: ”Woroksiyem wok yosola-ge, kit pesel kunpurak nab-e nam luk, it enaboro-nen ukwe ukwe yugwi mende, meya mende iri nak langgal luk mburuwa-o” luk yak kindiga nar-o.