2 PETERUS 3:2 - Nanduk Ngget Tul Pidnak Wene

² An yak kundusu yu-ge nanduk Mbal Pem Nagawan ene lomboksa yugwi marak nap-nen yidnak wene min Nagawan Indo Ninmiri Yoso Nap-nen yidnak wene wirik inpidnak nap-nen yak kindidnak wene min yeberak worabokluk yak kundusu-o.

2 PETERUS 3:2 Iomraidhean Croise

LUKAS 1:70

Nanduk-nen Mbal Pem Nagawan-nen Mbal Pem Nagawan ene lomboksa yugwi nap marak nap enmendam tak posolar-e: ’Irit kwarimin-o’ luk urul posolar-e:

LUKAS 24:27

Yurug-e, Mbal Pem Nagawan engga bem-nen at kwat uburak obok mbaridnak pidsa-ge Musa-nen mbaridnak wene na bem tel korarik, yak indil indil Mbal Pem Nagawan ene lomboksa yugwi nap oboksa-nen mbaridnak wene bem pil mborosolar-e, ”Iri nggal yosolat-nen yidnag-e” luk mul indil indil mbirij-o.

LUKAS 24:44

Iri luk, at-nen it yak ondosolar-e: ”Nanduk an-e kit kinmin woralat-nen yak kindigi wene-ge yur-o. An kwat nuburak mbaridnak wene-ge Musa-nen imiri mbarak pidnak wene bem mbaridnak engga bem-nen na irit, Mbal Pem Nagawan ene lomboksa yugwi nap-nen mbaridnak engga bem-nen na irit, Ndawi Engga bem-nen mbaridnak na irit, mbarak worasu iri na ndak ndag-et mondok kwat nubuwa-o luk yak kindigi nar-o” luk yak indij-o.

YIDNAK YIDNAK WENE 10:43

Mbal Pem Nagawan ene lomboksa yugwi nap pidsa-nen at owene yogolar-e: ’At ebem indi angin tubu yuwa nab-e at unu bem it meya yogolat woraidnag-e ambaram tak puruk, urugom tak unpuwa-o’ yiga-o” luk yij-o.

YIDNAK YIDNAK WENE 28:23

Iri tarem-et yak nundurag-o luk yiga na tarem-e at eram ap kwarat ndok worogolikma-ge, at-nen-e wene yak ondosolar-e, Mbal Pem Nagawan-nen tenagaidnak wi wene kenggera yak ondosolar-e, Musa-nen imiri mbarak pidnak wene bem-nen na, Mbal Pem Nagawan ene lomboksa yugwi nap-nen mbaridnak wene bem-nen na, Yesus ebem inndi angin tubu makluk yak ondosolar-e, kuplila-nen tel kwirij-et nde, keyama rak pij-o.

YIDNAK YIDNAK WENE 3:18

Alat nde, iri kwarigep iri-ge Mbal Pem Nagawan-nen at ene lomboksa yugwi nap pidsa enmendam tak posolar-e: ’An-nen idnak Kerisut-e yane wuruwa-o’ yid iri na-t ndak tak posolat-nen kwarigeb-o.

YIDNAK YIDNAK WENE 3:21

Mbal Pem Nagawan-nen yidnak wene-ge at ene lomboksa yugwi nap marak nap obi-net enmendam tak pidnak wene iri pidsa iminep mbarak puwa tarem-net Yesus iri-ge aid arem-et wolma-o.

NGGALATIA 6:2

Nin nap enpem angin worak mende mbidnak ala-ge, yongga yongga kud togolar-e, Kerisut-nen ”Iri nggal kwaru-o” yidnak wene iri-ge ndak tak pugub-o.

EPESUS 2:20

O ugwi wirik inpidnak nap min Mbal Pem Nagawan ene lomboksa yugwi nap min enpem-nen wiridnak nab-e kit-nen yili-o. Nde, o paro pidnak iri-ge Kerisut Yesus-net yusu-o.

EPESUS 3:5

O nggetnem ereba-ge kura wene iri-ge nggweyak ma nap yak indigit lag-et nde, yawo-n Konak Indi bem-nen-e marak inpidnak wirik inpidnak nap min Mbal Pem Nagawan ene lomboksa yugwi nap min-e nam para mirik inpij-o.

1 TIMOTIUS 6:14

Wene yu-nen yidnak yidnak kwarosolar-e, kindi mbek tak, ambut lak irit worasoma, Nenagawan Indo Yesus Kerisut nam ma tarem wok mag-o.

2 PETERUS 2:21

It iri na-ge lud tak nak kwarugwi tula enaru buk woragolat nggal-nen-e ob-et nde, lud tak nak kwarugwi tula enaru lug-et nde, it yak indidnak imiri mbarak pidnak wene mbek tak iri keya bili iri-ge mondok meya lombog-o.

2 PETERUS 3:15

Nenagawan Indo-nen mamak puruk worasu iri-ge nit ninmiri yuwakluk-nen kwarusu-o luk yebet ker-o. Nit nanggam abuwa worak Paulus-nen na wene iri nggal-et kit kenmanggim mbarid iri-ge Mbal Pem Nagawan-nen we wok tidnak indi nggat nggat iri na bem-net mbarij-o.

2 PETERUS 3:16

Paulus-nen mbaridnak engga pidsa bem-e pempa iri wene na mbarosor-o. Nde, at-nen mbaridnak engga bem-e wene erep yebet kudtag-e angin worak me, inndi kol woragwi nap min kwara inndi angin tubu yugwi buk nap min-nen-e wene na-ge nden penden tak pili-o. Iri nag-e lag-o. Mbal Pem Nagawan engga bem mbaridnak wene erep na it iri-nen-e iri nggal-et nden penden tak pogolar-e, it ondomok-nen kwaridnak iri na-net ondomok lak tak unpusu-o.

1 YOANES 4:6

Alat nde, nir-e Mbal Pem Nagawan ilirak-nen yili-o. Mbal Pem Nagawan enaru nap-nen-e nit nenne kulili-o. Nde, Mbal Pem Nagawan ilirak kwat yigit lak nap-nen-e nit nenne kulili bug-o. Iri kwatli iri bem-nen ndemeret Konak Indi min kabak tak onposo indi min-e yenggerak pili-o.

YURAS 1:17

Alat nde, nanggamirak kenabuwa worak wa-e. Nit Nenagawan Indo Yesus Kerisut-nen idnak wirik inpidnak nap-nen nanduk yak kindiga wene na-ge yebet yebet tak wolmer-o.

NAM PARA WENE 19:10

Iri yosola, an-e aid nap na eralu mbud luk, at erembel waneyekluk yigi-t nde, at-nen yak norosolar-e: ”Lag-o. An nerembel wanurag-e lag-o! An na at ndegel oboso nap Mbal Pem Nagawan-nen yidnak wene Yesus-nen yak kindidnak wene tena woragwi nap kat kanggamirak inmin iri nggal-net yusu-o. Mbal Pem Nagawan nak erembel wani-o!” luk yak nirij-o. Nde, Yesus-nen nam tak pid ndemeret wene iri-nen-e Mbal Pem Nagawan ene lomboksa yugwi nap mirik onposo-o.