2 PETERUS 2:9 - Nanduk Ngget Tul Pidnak Wene

⁹ Iri bem-e, Mbal Pem Nagawan-nen kwaroso nggal kwarugwi nap na it enarem woraga pil nggogola-nen inmiri yurag-e Nagawan Indo aru-o. Nde, lud tak nak kwarugwi buk nap enpem wene mbarurak tarem andi bandi rak unpuwakluk len unpurak na Nagawan Indo-ge aru-o.

2 PETERUS 2:9 Iomraidhean Croise

AYUP 5:19

Lak tak onposo mende-nen kebem mbosola-ge, pempa kimiri yosolat wolma-o.

NDAWI ENGGA 32:6

Iri bem-e indi angin tubu yidnak nap enpem nde indi kabak tak poso mende mbosola-ge, tepan-et yurag-o. Iri yogola-ge, indi kabak tak onposo mende kwiye worak enpem mbuwa-t nde, iri-nen urugwe nggwe rak unpuwa bug-o.

NDAWI ENGGA 37:33

Alat nde, Nagawan Indo-nen-e konak nap iri na-ge kegera at uwim nap inggem keya boso bug-o. Iri-nen ebem wene mbarogolat-nen na angin worak ebem puwakluk keya boso bug-o.

MATIUS 10:15

An-nen yak kendeyeg-o: Ap enpem wene mbarurak tarem-nen-e Mbal Pem Nagawan-nen-e Sorom woragwi min Nggomora woragwi min unpud kujwa-t nde, o siri iri me woragwi nap na unpuj-e kujwa bug-o.”

MATIUS 6:13

Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

OROMA 2:5

Alat nde, kit kinndi amawi luk, kondok yili bug-o. Iri-nen ndowaga Mbal Pem Nagawan isilepma luk lud tag-et ap enpem wene mbaruwa tarem-nen-e kenpem wene mbarurak iri na kenambikpebe kenare pili-o.

1 KORINTUS 10:13

Kit kenarem woraga pil nggoso mende iri-ge arig-e lak, ap pidsa-nen kagwi mende-t kenpem mbusu-o. Alat nde, Mbal Pem Nagawan-e mot mot nak kwaroso me, kit kenmawi ndak ndag-e lak siyak terak menna kenarem woraga pil nggurak mende-ge kenpem mbuma naru, keya kunpuwa bug-o. Are, kenarem woraga pil ngguwa tarem-net at-nen-e mamak pobokluk wesera mbururak tula mirik kunpuwa-o.

2 TIMOTIUS 3:12

Kerisut Yesus imin kundik woragolat-nen Mbal Pem Nagawan-nen kwaroso nggal kwaruwokluk yuwa nap pidsa-ge lel mberel unpuwar-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

2 PETERUS 2:4

Nde, meya yiga aid nap na Mbal Pem Nagawan-nen keya inpigit lak, are, kan mare arem mbo inpil nggwamu-o. Nde, ir-e ndamuk arem iri kamarak irit worakmu, it enpem wene mbarurak tarem wok ma-o.

2 PETERUS 3:7

yawo worasu mbal min nggweyak min-e kanduk pem-nen lak tak purag-et nde, Mbal Pem Nagawan ene nak-nen towarak worasu yu-ge meya yugwi nap enpem wene mbatluk, lak tak unpurak tarem iri-nen lak tak peyekluk towarak worasu-o.

YURAS 1:6

Wene misik yu na yebet yebet tak wolmer-o. Nde, aid nap ereb-e it inpid-nak sa-t wolmomtag-et nde, it enambik ondoro keya buruk, o nin sa mbiriga me, Mbal Pem Nagawan-nen-e pem-et wolmomtak posid kere-nen kamasa ndamuk arem inpil nggwidnak worali-o. Nde, enpem wene mbarurak Tarem nggulok wok yosola, it enpem wene mbaruwa-o.

NAM PARA WENE 3:10

Kir-e an-nen: ’Mamak puruk wolmer-o’ yak kindigi wene na ndak ndag-et mamak puruk woraigepndik me, nggweyak ma nap oboksa inndi ngareyekluk, nggweyak ma nap oboksa enpem anggun panggun mende mbuma tarem-e an-nen-e kinmiri yimin-o.