2 PETERUS 2:7 - Nanduk Ngget Tul Pidnak Wene

⁷ Alat nde, lud tak nak kwaroso nap Lot na-ge imiri yij-o. Nde, Mbal Pem Nagawan-nen yidnak yidnak kwarugwi buk nap enpage meya iri-nen Lot na indi andi bandi rak pererenak woraiga-o.

2 PETERUS 2:7 Iomraidhean Croise

NDAK WIRIDNAK WENE 13:13

Nde, o Sorom iri me-ge ab-e Nagawan Indo imin-e yi meya ndi meya, kwarugwi buk mende ereba na nak kwarogolat woraiga-o.

NDAK WIRIDNAK WENE 19:16

Nde, Lot na-ge indi mberen yosola karuk, aid nap mberen ya na-nen-e enabuwa-nen at ogwe min nde at ararak ndugum mberen ereya na nde ininggi tena buruk, ndemera o siri iri na ombol nggwe inpil mbiriga-o.

NDAK WIRIDNAK WENE 19:22

Ndag-et nak mbiri-o! Kat iri me wok yigit lak ma-ge, an-e yi kwatlik ndi kwatlik kwarurag-e meya-o” yij-o. Nde, Lot-nen yosolat ”O siri marig-o” yidnak pem-e o siri iri unu-ge Soat yiga-o.

NDAK WIRIDNAK WENE 19:29

Mbal Pem Nagawan-nen-e o siri ereba Lot woragid o lid iri na-ge iri nggal kwasa lak tak pij-et nde, Mbal pem Nagawan-nen-e Abarakam-nen yidnak iri na indi yebet karuk, Lot na-ge yongga worosola, mengga mberamu-o.

NDAK WIRIDNAK WENE 19:5

Ap ereba na-nen enne nggoksa Lot yak togolar-e: ”Ap kat kama nene yurak lobok yiga ya na-ge ngge me worali-o? Mondok nendam pi-o. Inmin nene yul-o!” yiga-o.

YEREMIA 23:9

An-nen-e ennesiget Mbal Pem Nagawan ene lomboksa yugwi nap onowene-ge yu nggal yusu-o: An-e nindi kala labuk yosolat, wendet yusu-o. Nagawan Indo min at-nen yidnak wene marak iri na min-nen-e an-e anggut engen amburu kwarat nuruk, inndi nden kaso nggal kwarak mubusu-o.

1 KORINTUS 10:13

Kit kenarem woraga pil nggoso mende iri-ge arig-e lak, ap pidsa-nen kagwi mende-t kenpem mbusu-o. Alat nde, Mbal Pem Nagawan-e mot mot nak kwaroso me, kit kenmawi ndak ndag-e lak siyak terak menna kenarem woraga pil nggurak mende-ge kenpem mbuma naru, keya kunpuwa bug-o. Are, kenarem woraga pil ngguwa tarem-net at-nen-e mamak pobokluk wesera mbururak tula mirik kunpuwa-o.

2 PETERUS 2:18

Ir-e inndi kek tak pem wene kwiye worak yili-t nde, ebe lak wene yogolar-e, mbabi kwarurak pem ukwe akwe yugwi iri na bem-nen kabak yidnak nap ennggendumu-nen nggeret inndi angin tubu yili nap enare pili-o.

2 PETERUS 2:2

Iri yili-t nde, ap kwarat-nen it enesiget siget ap mul undugwi nap-nen ukwe ukwe yugwi meya iri-nen yidnak yidnak kwarugwi na langgal luk mburuwa-o. Nde, it-nen kwarugwi-nen ndowaga ap kwarat-nen Lud tak nak Kwarugwi Tula iri nggweyara keya buwa-o.

2 PETERUS 3:17

Alat nde, nanggamirak kenabuwa worak wa-e. Wene yu-ge kir-e kenaru nar-o. Iri bem-e, Mbal Pem Nagawan-nen yidnak wene kwarugwi buk nap-nen kabak woragwi ndak ndak kabak tak konpogolat, kit-nen tugup lak tena woragwi na kabak tak kunpuwa naru, kwil kwalsa wolmer-o.

YURAS 1:4

Mbal Pem Nagawan enaru buk nap erep nit nennggendumu tirabo nggwiga iri-ge obi-net Mbal Pem Nagawan engga bem-nen it enpem mburak wene urul paga pij-o. It iri-nen-e it enaboro-nen ukwe ukwe yugwi mende kwaruwoklug-e, Mbal Pem Nagawan-nen we wok ondoso elem-e nden penden tak pili-o. Nde, nit-nen idnak amawi worak Yesus Kerisut, Nenagawan Indo iri-ge it-nen-e ndemerer-o luk eberagwi bug-o.