2 PETERUS 2:6 - Nanduk Ngget Tul Pidnak Wene

⁶ Nde, o Sorom min Nggomora min na irit, Mbal Pem Nagawan-nen enpem wene mbarosolar-e, kanduk pem-nen lak tak inpij-o. Iri kwarid iri-ge, Mbal Pem Nagawan ebem inndi angin tubu yugwi buk nap pidsa iri nggal kwat kunpuwa-o luk ndak worosolat-nen kwarij-o.

2 PETERUS 2:6 Iomraidhean Croise

NDAK WIRIDNAK WENE 19:28

Mberarig-e, Sorom nggwe, Nggomora nggwe min o lid ereba na nggwe yik kagaidnggal-e, kule-ge nggweyak kan nasolat kan mondok nggok kwiye worak mabosoma-nen laso nggal ndugunuruk lasola kagaij-o.

YESAYA 1:9

Nagawan Indo Mondok Amawi Worak iri na-nen nde ap erep nit nenmanggim nde mengga keya inpigit lak yid nggal-nen-e Sorom min Nggomora min lak tak inpid nggal mondok abu lak tak nenpeleb-o.

OSEA 11:8

Nagawan Indo-nen yosolar-e: ”Isarael wa-e. An-nen-e meme rak kobosolat, keya kobosolat kwarurag-e meya-o. Atma iri na lak tak pigi nggal lak tak kibimin-a? Semboim kwat ibigi nggal kwat kibimin-a? An-e kat kabuwa-ge mondok kwarat kasolat me, iri nggal-e mondok kwat kibimin pug-o!

AMOS 4:11

Kit kennggendumu ereb-e Sorom min Nggomora min lak tak inpigi iri na nggal lak tak kinpigi-o. Iri kwarosolat, erep keya kinpidnak iri-ge kan nasoma, kisirik pugwi nggal, kisirik kinpidnak nggal-nen yusu-o. Iri nggal-et kwat kinpidnag-et nde, tuguruk nden karuk an neram lobok yigit lak yigeb-o.

MATIUS 10:15

An-nen yak kendeyeg-o: Ap enpem wene mbarurak tarem-nen-e Mbal Pem Nagawan-nen-e Sorom woragwi min Nggomora woragwi min unpud kujwa-t nde, o siri iri me woragwi nap na unpuj-e kujwa bug-o.”

MATIUS 11:23

Nde, Kaperenaum yu-ge wa-e! Kit kunnu-ge nggigisa aid arem wok ma perali-a? Lag-o. Kit perak nde kan mare arem peleksa kinpil ngguwa-o. Kit kendam-nen kwaridnak kwiye worak mende iri-ge Sorom nap endam-nen kwarigi nggal-e Sorom iri-ge yawo na woraleb-er-o.

OROMA 9:29

Nde, abuwok ma-net Yesaya-nen yosolar-e: ”Wim Wari Nagawan Indo-nen nit-nen wigarak lolo erep nit nondolma keya inpigit lak yid nggal-e, Sorom min Nggomora min kwat inpid nggal, nit na kwat nenpeleb-o” luk yij-o.

1 KORINTUS 10:11

It enpem mbidnak mende pidsa iri-ge nit na ”Iri nggal kwat nunpuwa-o” luk nit ninndi wanuwakluk-nen wene engga bem mbarak pid irir-o. Worok tak purak tarem nit worali nenmanggim.

IBERANI 4:11

Iri bem-e it nanduk inndi angin tubu yigit lak yidnak pem nggwigit lak yiga na nggal, Mbal Pem Nagawan indisep kwaroso sa nit nennggendumu ap misiget ter-o luk nggwigit lak yul-o luk Mbal Pem Nagawan indisep kwaroso sa iri me nggurak pem kwara lombok nenmawi kunduwog-o.

YURAS 1:15

ap oboksa enpem wene mbareyekluk lobok yuwa-o. Nde, Mbal Pem Nagawan-nen kwaroso nggal kwarugwi buk nap oboksa-nen Mbal Pem Nagawan-nen kwaroso buk mende kwarogolat woraidnak mende oboksa min Mbal Pem Nagawan-nen kwaroso mende kwarugwi buk meya nak kwarugwi nap-nen Mbal Pem Nagawan imin meya wene yidnak iri bem-nen-e it enpem wene mbaril lobok yuwa-o” luk yij-o.

YURAS 1:7

Nde, o Sorom min Nggomora min inggi inggi woragwi o siri erep min yebet yebet tak wolmer-o. Aid nap-nen kwariga nggal, o iri me nap-nen-e mbabi kwarogolat, kwarugwi buk mende mondok meya na kwarigarik pem-e, lak momtak puk kanduk iri-nen nok inpid iri-ge ap pidsa inndi wanuwakluk kwat enpamu-o.