2 PETERUS 2:4 - Nanduk Ngget Tul Pidnak Wene

⁴ Nde, meya yiga aid nap na Mbal Pem Nagawan-nen keya inpigit lak, are, kan mare arem mbo inpil nggwamu-o. Nde, ir-e ndamuk arem iri kamarak irit worakmu, it enpem wene mbarurak tarem wok ma-o.

2 PETERUS 2:4 Iomraidhean Croise

AYUP 4:18

Mbal Pem Nagawan-nen-e at ndegel ubugwi nap aid arem woragwi-t nde, ”Abu iminep mbarag-o” luk indi enpem pusu bug-o. Mondok aid nab-et nde, meya lugud tak kwarugwi eneyasu-o.

MATIUS 25:41

Iri luk, Nagawan na-nen-e at inggi kware nggwe wolma nap na yak ondosolar-e: ’Kit imbiri lamut tak kinpidnak nap yu-ge wa-e. Mberer-o. Sere min at-nen idnak aid nap min enmanggim lid lud tak pidnak nigi momtak puk kanduk arem iri me mberer-o.

MATIUS 8:29

It enmberek enne nggulok pem-nen yogolar-e: ”Mbal Pem Nagawan Ambara wa-e. Kar-e nit ninmin-e no kwareyeklug-o? Nenpem wene mbarurak tarem awo worala kagit, andi bandi rak nenpeyekluk lobok yusu-a?” luk yiga-o.

MARAKUS 5:7

ene nggoksa yosolar-e: ”Kek tak woraso Mbal Pem Nagawan Ambara Yesus wa-e. Kar-e no kwat nubugun-o? Mbal Pem Nagawan unu bem-et kemengen mbarusu-o. An lel mberel nuburak pug-o” luk yij-o.

LUKAS 10:18

Yogolikma-ge, Yesus-nen it yak ondosolar-e: ”Sere-ge obinel yebek yidnak nggal mbal pem-nen mbuwasola, kagi-o.

LUKAS 8:31

Yurug-e, kugi na-nen Yesus emengen mbarosolar-e: ”Nab-o. Mbunmu mberak nunpurak pug-o” luk emengen mbarij-o.

YOANES 8:44

Kir-e Sere ilirak-nen yili me, kineid indi-n pidnak nak kwaruwokluk yili-o. Nanduk-net ar-e ap woroso-nen yusu-o. Ndemeret wene-ge at arem mondok lak me, lud tak nak kwarugwi mende at arem-e woraso bug-o. At-nen enesiget wene yosolar-e, at-nen kwaroso mende irit kwarusu-o. Enesiget wene yoso, nde, enesiget wene pidsa elem-e at-net yusu-o.

OROMA 11:21

Nde, Mbal Pem Nagawan-nen Yawuri nap ndemeret e at inggi nggal-et nde, indi angin lak mbo inpidnak me, kit mbo kunpurag-e indi angin ma-o luk peragub-o.

OROMA 8:32

At ambik Ambara abuwa kagit lak, nit pidsa nenmanggim iminep wisirik pamu-o. Nde, at Ambara-t nde, wok nendarik me, yi mende ndi mende pidsa wok nundurak iri-ge nggog-a?

2 PETERUS 2:11

Enesiget siget mul undugwi nap enmawi min unmbunu min-e te nggal-o. Nde, aid nap na enmawi min unmbunu min-e terak minig-et nde, Nagawan Indo imbiri bem it aid nap-nen-e enesiget siget mul undugwi nap na-ge pesel inpili bug-o.

2 PETERUS 2:5

Nde, nanduk woraiga nap na irit, Mbal Pem Nagawan-nen keya inpigit lak, are, yidnak yidnak kwarigit lak nap enpem wene mbarosolar-e, yi tu kuwarak pamu yi-nen nok inpij-o. Mbal Pem Nagawan-nen inmiri yosolar-e, lud tak kwarugwi wene tomboroso nap Nu min ap enpe tuju min nak inmiri yij-o.

2 PETERUS 2:9

Iri bem-e, Mbal Pem Nagawan-nen kwaroso nggal kwarugwi nap na it enarem woraga pil nggogola-nen inmiri yurag-e Nagawan Indo aru-o. Nde, lud tak nak kwarugwi buk nap enpem wene mbarurak tarem andi bandi rak unpuwakluk len unpurak na Nagawan Indo-ge aru-o.

1 YOANES 3:8

Nde, Sere na-ge nanduk nanduk-net meya nak kwat tenak woraso me, meya nak kwat tenak woragwi nab-e Sere ilirak-net yili-o. Nde, Sere-nen kwaroso iri na lak tak peyekluk Mbal Pem Nagawan Ambara na nggweyak ma yu me lobok yij-o.

YURAS 1:13

It iri-ge yi koma nggulok-nen yi nggweyerep nggwayarep lobok yosolar-e, yi eragup nam tak poso nggal, it ondomok innggiri kagwi mende nam tak pili-o. It iri-ge kasa waring kaso wonaru nggal-nen yili-o. Nde, Mbal Pem Nagawan-nen it onndoro-ge pem-et mondok ndamuk nak woraso sa iri me it enmanggim lid lud tak pidnak worasu-o.

YURAS 1:6

Wene misik yu na yebet yebet tak wolmer-o. Nde, aid nap ereb-e it inpid-nak sa-t wolmomtag-et nde, it enambik ondoro keya buruk, o nin sa mbiriga me, Mbal Pem Nagawan-nen-e pem-et wolmomtak posid kere-nen kamasa ndamuk arem inpil nggwidnak worali-o. Nde, enpem wene mbarurak Tarem nggulok wok yosola, it enpem wene mbaruwa-o.

NAM PARA WENE 20:10

Iri rak puruk, it onmbol pem laso Sere iri na-ge emben worak kule (belerang) laso kan mare arem mbo bil nggwid iri-ge ndakngge isilepma worak min enesiget Mbal Pem Nagawan ene lomboksa yoso nap min-e nandug-et iri me mbo inpil nggwij-o. It iri andi bandi kagolar-e, lengge-nen kubu-nen pem-et woralik nalik wolma-o.