2 PETERUS 2:2 - Nanduk Ngget Tul Pidnak Wene

² Iri yili-t nde, ap kwarat-nen it enesiget siget ap mul undugwi nap-nen ukwe ukwe yugwi meya iri-nen yidnak yidnak kwarugwi na langgal luk mburuwa-o. Nde, it-nen kwarugwi-nen ndowaga ap kwarat-nen Lud tak nak Kwarugwi Tula iri nggweyara keya buwa-o.

2 PETERUS 2:2 Iomraidhean Croise

NDAK WIRIDNAK WENE 19:5

Ap ereba na-nen enne nggoksa Lot yak togolar-e: ”Ap kat kama nene yurak lobok yiga ya na-ge ngge me worali-o? Mondok nendam pi-o. Inmin nene yul-o!” yiga-o.

YESAYA 35:8

Iri me-ge tula nggok na wolmar-o. Nde, tula iri unu-ge ”Inmiri Yurak Sa Mburugwi Tula-o”. Meya yugwi nab-e tula iri nggwe-ge mburuwa bug-o. Ap indi lak-nen na tula iri nggwe mburugwi nab-e kabak tak unpuwa bug-o.

YEREMIA 6:16

Nagawan Indo-nen at ilirak yak ondosolar-e: ”Kir-e tu nandogol kandogolma ereba mendak woragolat, kwara lombot pogolat wolmer-o. Tula nanduk-nen mburugwi ereba na kwara kin wanogolar-e: ’Tula ereba na ennggenggerak-nen tula konag-e ngge-o?’ luk kin wanurag-o. Nde, kit-nen konak yamuksa woraboklug-e, tula irit mborogolat wolmer-o” luk yak indij-et nde, it-nen yogolar-e: ”Nir-e tula iri mbururag-e ninmbir-o!” luk yiga-o.

MATIUS 22:16

Iri luk, it-nen wirik onpogolar-e, it inmin nugwi nap ereb-e Eroriani nap inmin luk, Yesus eram wok luk, at yak togolar-e: ”Nggomo Ondoso Nap wa-e. Kar-e lud tak nak yoso nap-nen yusu-o luk nir-e nenaru-o. Nde, Mbal Pem Nagawan urula mburugwi wene-ge nam-et nak ap mirik onposolat, ap entare mbenaroso buk me, kar-e kwiye lag-et mirik onposo-o.

MATIUS 24:24

Enesiget siget Kerisut min enesiget siget Mbal Pem Nagawan ene lomboksa yugwi nap min nam marig-e, it-nen-e wi yurak mende min kwiye worak mende min kwarat kwarogolar-e, Mbal Pem Nagawan-nen len inpidnak nap ereba na onmbol pem ludtag-e ndak nggal-e, irit kwatleb-o.

MATIUS 7:14

Nde, unluk nak wolmomtak tumende iri-ge mboronggo, nde, tula na marik me, tumende iri nggwe-ge ap wonarak nak-nen nggwili-o.”

MARAKUS 12:14

Wirik onpogolikma-ge, it na Yesus eram mbirigarik, at yak togolar-e: ”Mul Ondoso Nap wa-e. Kar-e mot mot nak kwarosolat, ap enpage lombonoso buk iri-ge nir-e nenaru-o. Nde, kar-e ap entare na mbenaroso buk me, Mbal Pem Nagawan indi-nen nggweyak ma nap-nen kwaruwag-o luk perasu wene-ge kar-e mot mot nak mul nundusu-o. Kar-e iri yoso me, nit-nen wanugwi imiri mbarak pidnak wene bem-e nit-nen Kaisat amanggim tol purag-e meya lak? Nir-e mondok purag-a? Are, purak pug-a?” luk kin wok ibiga-o.

MARAKUS 13:22

Enesiget siget Kerisut min enesiget siget Mbal Pem Nagawan ene lomboksa yugwi nap min-e men ma-o. Nam yogolar-e, Mbal Pem Nagawan ilirak na enmberam ludtak ndak ala-ge, enmberam lujwoklug-e, wi yurak mende min kwiye worak mende min kwaruwa-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YIDNAK YIDNAK WENE 13:10

yak tosolar-e: ”Kar-e Sere ambara-nen yusu-o. Kar-e lud tak kwarugwi min wim poso-o. Kat karem-e ap onmbol pem laso yi meya ndi meya nin tak nan tak kobong tak worasu-o. Kar-e Nagawan Indo-nen ndung tak pidnak tula-ge mbisik tak pusu-ge mepme-nen kondok yugun-o?

YIDNAK YIDNAK WENE 14:2

Alat nde, it inndi angin tubu yigit lak Yawuri nap-nen-e it enlem nin nap enarem worakola, it-nen-e Paulus min Mbaranabas min insili rak inpiga-o.

YIDNAK YIDNAK WENE 16:17

Nde, kwe na-ge Paulus min nit min ninmbirik langgal nunpuruk lobok yosolat-nen ene nggoksa yosolar-e: ”It yu-ge Mondok Kek tak Mbal Pem Nagawan ndegel ubugwi nap-nen yili-o! Kit kinmiri yurak tula mirik kinpili-o!” luk yij-o.

YIDNAK YIDNAK WENE 18:26

At iri-ge Yawuri nap-nen tepan yugwi ma-nen kwiye lag-et wene yij-et nde, Periskila min Akila min-e at-nen yidnak wene kuluruk, at na imin mbutlug-e, Mbal Pem Nagawan urula kwara uwi yaga mul togolat woraiga-o.

YIDNAK YIDNAK WENE 19:9

Alat nde, ap erep-nen-e inndi amawi yogolar-e, inndi angin tubu yigit lak lug-e, ap kwarat iri na inmbiri bem Nagawan Indo Urula kimirik puwokluk yiga-o. Yogolikma-ge, Paulus-nen it keya unpuruk, Yesus ene wanugwi nap na lena enarik tak unpurug-e, Tiranus-nen ap mul ondoso sa iri na me-nen pelin na pelin na wene yosolat woragaij-o.

YIDNAK YIDNAK WENE 22:4

Woralar-e, Nagawan Indo Urula mburugwi nap lel mberel onposolar-e, wat yogola-net keya inpigi-o. Ap min kweyap min kere kamat unpuruk, o kubu me inpil nggosolat woragi-o.

YIDNAK YIDNAK WENE 24:14

Alat nde, nam-et yak kereyeg-o. An-e nit nenlawingga Enmbal Pem Nagawan erembel wanosolar-e, at urula mburusu-t nde, it-nen-e ’Nin tula mburusu-o’ luk yili-o. Nde, imiri mbarak pidnak wene arem-nen mbaridnak wene min Mbal Pem Nagawan ene lomboksa yugwi nap-nen mbaridnak engga min oboksa ebem nindi angin tubu yusu-o.

OROMA 2:24

Mbal Pem Nagawan engga mbarak pem-nen yosolar-e; ”Kit Yawuri nap-nen kwaridnak karuk-nen enlem nin nap-nen-e Mbal Pem Nagawan unu mbilaro ngin tak pili-o” luk yij-o.

1 TIMOTIUS 5:14

Iri bem-e, nit ninmin wim mbarak nap-nen nit nonpok pigit lak makluk, it togwe-net nde ndugum ala, ap wanuruk, inlirak ndaguruk, enma woragwi ndegel onpogolat wolmomtak iri-ge an-e nindingen-o.

TITUS 2:5

it kweyap ndugum-nen it ununtak min inlirak min enabuwa kagolat wolmakluk, kit-nen na kwara mul ender-o. Nde, mul undugup iri-ge ap-nen Mbal Pem Nagawan-nen idnak aid wene meya rak puwa naru, kweyap ndugum-e inndi pindong tak woragolat, marak irit woragolat, it enma woragwi kweyap kwara ndegel unpugwi kwami konak irit woragolat, ununtak enne nak kologolat makluk mul ender-o” luk yak indi-o.

TITUS 2:8

Kat kene eyak wurugwi nap-nen nit nonpok puwokluk yuwa-t nde, nit-nen yidnak yidnag-e konak nak ala, pesera mbuwakluk, kat-nen wene yosolar-e, kwalug-et ap-nen obok purak puk wene-t yurag-o.

1 PETERUS 2:12

Enlem nin nap ennggenggerak woragolar-e, kit-nen kwarugwi mende-ge konak nak kwarugup na-e. Iri nggal kwarogola-ge, it-nen-e kir-e meya kwarugwi nab-o luk konpok puwokluk yuwa-t nde, kit-nen kwaridnag-e konak nak ala-ge, Nagawan Indo lobok yuwa tarem-e ir-e Mbal Pem Nagawan erembel wanuwa-o.

2 PETERUS 2:12

Alat nde, it iri na-ge indi lak wam nggal-et kwatli-o. It ap iri-ge tenaguruk, wururak pem nak ndesa mbidnak anggam naso ndakngge nggal-nen yili-o. Ir-e kwara inndi yebet kagit lag-et nggweyel inpili-o. Nde, anggam naso ndakngge wurugwi nggal, it ondomok-nen kwarugwi iri-net it lak tak unpuwa-o.

2 PETERUS 2:15

It iri-ge mot mot tula na keya bidnak me, ir-e kabak luk, nanduk Mbeyot ambara Mbileam-nen mbirid tula iri nggwe mbitli-o. Mbileam na-ge meya kwarurak onggo tol iri na indingen tak pij-et nde,

2 PETERUS 2:18

Ir-e inndi kek tak pem wene kwiye worak yili-t nde, ebe lak wene yogolar-e, mbabi kwarurak pem ukwe akwe yugwi iri na bem-nen kabak yidnak nap ennggendumu-nen nggeret inndi angin tubu yili nap enare pili-o.

2 PETERUS 2:21

It iri na-ge lud tak nak kwarugwi tula enaru buk woragolat nggal-nen-e ob-et nde, lud tak nak kwarugwi tula enaru lug-et nde, it yak indidnak imiri mbarak pidnak wene mbek tak iri keya bili iri-ge mondok meya lombog-o.

2 PETERUS 2:7

Alat nde, lud tak nak kwaroso nap Lot na-ge imiri yij-o. Nde, Mbal Pem Nagawan-nen yidnak yidnak kwarugwi buk nap enpage meya iri-nen Lot na indi andi bandi rak pererenak woraiga-o.

YURAS 1:10

Alat nde, ap iri-nen-e it enaru buk mende nde mbilaro ngin tak pili-o. Nde, indi lak mende ndak wiridnak-nen yebet kaso nggal, it-nen yebet kagwi mende iri-nen-e it lak tak unpusu-o.

YURAS 1:15

ap oboksa enpem wene mbareyekluk lobok yuwa-o. Nde, Mbal Pem Nagawan-nen kwaroso nggal kwarugwi buk nap oboksa-nen Mbal Pem Nagawan-nen kwaroso buk mende kwarogolat woraidnak mende oboksa min Mbal Pem Nagawan-nen kwaroso mende kwarugwi buk meya nak kwarugwi nap-nen Mbal Pem Nagawan imin meya wene yidnak iri bem-nen-e it enpem wene mbaril lobok yuwa-o” luk yij-o.

YURAS 1:4

Mbal Pem Nagawan enaru buk nap erep nit nennggendumu tirabo nggwiga iri-ge obi-net Mbal Pem Nagawan engga bem-nen it enpem mburak wene urul paga pij-o. It iri-nen-e it enaboro-nen ukwe ukwe yugwi mende kwaruwoklug-e, Mbal Pem Nagawan-nen we wok ondoso elem-e nden penden tak pili-o. Nde, nit-nen idnak amawi worak Yesus Kerisut, Nenagawan Indo iri-ge it-nen-e ndemerer-o luk eberagwi bug-o.

YURAS 1:7

Nde, o Sorom min Nggomora min inggi inggi woragwi o siri erep min yebet yebet tak wolmer-o. Aid nap-nen kwariga nggal, o iri me nap-nen-e mbabi kwarogolat, kwarugwi buk mende mondok meya na kwarigarik pem-e, lak momtak puk kanduk iri-nen nok inpid iri-ge ap pidsa inndi wanuwakluk kwat enpamu-o.

NAM PARA WENE 12:9

waro nggulok pare iri na-ge mbo bil mbuwagaij-o! Nde, at iri-ge nanduk-nen woraso unu misig-e Sere, are, Kugi oboksa onmbol pem laso iri nar-o. Ar-e at-nen idnak aid nap inmin-et nggweyak ma mbo bil mbuwagaij-o.

NAM PARA WENE 13:14

At iri na-ge ndakngge isilepma worak nanduk na-nen wok tid amawi bem-et at imbiri bem-et kwiye worak mende kwarat kwarosolar-e, nggweyak ma woragwi nap oboksa onmbol pem lagaij-o. Nde, at ene amawi bem watsa nggweyak ma woragwi nap oboksa yak ondosolar-e: ”Yalawi bem wiridnag-et nde, urug-et worasu ndakngge isilepma worak iri na erembel wanuwoklug-e, at nggal ndak worak puruk, erembel waner-o” luk yak indij-o.

NAM PARA WENE 13:8

Nde, nggweyak ma worali nap oboksa-nen at erembel wanuwa-t nde, nggweyak yu awo ndak wirigit lak ma-net wiridnak Lomba Wam Marik-nen idnak engga unluk nak wolmomtak iri na bem unnu mbaridnak nap-nen-e at erembel wanuwa bug-o.