2 PETERUS 2:1 - Nanduk Ngget Tul Pidnak Wene

¹ Nandug-e enesiget Mbal Pem Nagawan ene lomboksa yugwi nab-e Mbal Pem Nagawan elem nap ennggenggerak men yiga nggal, iri nggal-et enesiget siget mul undugwi nab-e kit kennggenggerak na men ma-o. Men yogolar-e, ap lak tak unpurak wene owak min enesiget wene owak min pil ngguwagolar-e, it weserak enpeyekluk wat yid nap amawi worak iri na imin-e: ”Nenaru bug-o” luk yuwa-o. Iri nggal kwarogolar-e, it ndaget lak tak unpurak enambikpebe enare pili-o.

2 PETERUS 2:1 Iomraidhean Croise

1 NAGAWAN NAGAWAN-NEN KWARIDNAK WENE 22:6

Yosoloma, Akap-nen-e iri nggal kwat ma-o luk urul pugwi nap empat ratus (400) nggal ndok worak unpuruk, kin wok onposolar-e: ”An-e Aramot nap indil mbururag-e op, lak? Nunggwirig-o?” yak indij-o. Yak ondosoloma, it-nen yogolar-e: ”Ob-er-o. O iri-ge Nagawan Indo-nen kegera kat kinggem puwa-o” yak tiga-o.

MBIRIGA WENE 15:16

Nagawan Indo amawi enlengen-nen kagolar-e, ir-e kwiye kwarat yili-o. Kat kelem nap kat-nen wisirik inpigen nap iri ndilagola-ge, wim nab-e pak purag-e meya yusu-o.

YEREMIA 37:19

Ennesiget Mbal Pem Nagawan ene lomboksa yugwi nap kat-nen idnak nap-nen yak korogolar-e: ’Mbabel nagawan-nen-e nagawan kat kebem kore yogolat, o yu lak tak pogolat kwaruwa bug-o’ luk yak kiriga nap ereba na-ge ngge me worali-o?

MIKA 2:11

Kit-nen ennesiget yogolat, enmberam lagolat yugwi nap-nen ennesiget urul pogolar-e: ’Kir-e anggut min inndi nden kaso yi min kwarat ombo yugub-o’ luk yugwi nap ereba na kinndingen tak inpili-o” luk yij-o.

MIKA 3:11

O siri ereba tena woragwi nap-nen-e o tenakolar-e, uang lesa wanurak pem nak o tena worali-o. Nde, tepan ombo-nen Nagawan Indo-nen imiri mbarak pidnak ereba na ap mul indili-ge onggo wanurak pem nak mul indili-o. Nde, Mbal Pem Nagawan ene lomboksa yugwi nap-nen Nagawan Indo-nen mirik unpuwakluk nggi yili-ge uang lesa wanurak pem nak nggi yili-o. Nde, it oboksa-nen iri nggal kwarogolar-e, it inndi-nen yebet kagolar-e: ”Nagawan Indo-ge nit nennggendumu worasu-o” luk yebet karug-e, it-nen yogolar-e: ”Nagawan Indo-ge nit ninmin worasu-o. Nde, iri ala-ge, nit nenpem-e lak tak onposo mende-ge mbuma bug-o” luk yili-o.

MIKA 3:5

Ennesiget Mbal Pem Nagawan ene lomboksa yugwi nap ereba-ge onggo wok ondogola-ge, ”Kir-e yamuksa woragub-o” luk wene yak ondogolat, nde, onggo wok indigit lak nab-e inmin sirid mbarogolat ereba kwat onpogolar-e, an nelem nap enmberam lali-o. Ennesiget Mbal Pem Nagawan ene lomboksa yugwi nap ereba nggal ereba na Nagawan Indo-nen yak ondogolar-e:

MALEAKI 3:5

Nagawan Indo Mondok Amawi worak iri na-nen yosolar-e: ”An-e kenpem wene mbenareyekluk lobok yimin-o. Nde, kugwi kwal ombo min mbabi kwarugwi min ennesiget ap enpem wene pugwi min ap-nen yabu wanidnak pem onggo wok ondogolat lugud tak kwat unpugwi nap min kweyap togwe min li mul ineid iniya lak min ap sal min ereba na lel mberel unpugwi nap min an kek tak nubugwi buk nap oboksa min it oboksa-nen kwatli ereba-ge an ndag-et nak lobok yosolar-e, enpem wene mbenarimin-o” luk yij-o.

MATIUS 10:33

Alat nde, ap inmbiri bem-et nde, ’Yesus iri-ge an naru bug-o’ luk nam para yuwa nab-e an-nen na an Neid aid arem woraso na imbiri bem-et nde, iri yidnak imin-e: ’Ap yu-ge an-e naru bug-o’ luk nam para yimin-o.”

MATIUS 24:11

Nde, enesiget Mbal Pem Nagawan ene lomboksa yugwi nap kwarat men yogolar-e, ap kwarat onmbol pem lujwa-o.

MATIUS 24:24

Enesiget siget Kerisut min enesiget siget Mbal Pem Nagawan ene lomboksa yugwi nap min nam marig-e, it-nen-e wi yurak mende min kwiye worak mende min kwarat kwarogolar-e, Mbal Pem Nagawan-nen len inpidnak nap ereba na onmbol pem ludtag-e ndak nggal-e, irit kwatleb-o.

MATIUS 24:5

Ap kwarar-e an nggal kwasa lobok yuwarig-e: ’Kerisut na-ge an-er-o’ luk yogolar-e, ap kwarat onmbol pem lujwa-o.

MATIUS 7:15

”Enesiget wene owak ngara yugwi nap iri enabiyem-o luk kwil kwalsa wolmer-o. It iri na kit kendamlobok yogolar-e, enpage-ge lomba wam abage nggal lobok yuwa-t nde, it enarem-e ndemeret isilepma worak ndakngge-net yili-o.

MARAKUS 13:22

Enesiget siget Kerisut min enesiget siget Mbal Pem Nagawan ene lomboksa yugwi nap min-e men ma-o. Nam yogolar-e, Mbal Pem Nagawan ilirak na enmberam ludtak ndak ala-ge, enmberam lujwoklug-e, wi yurak mende min kwiye worak mende min kwaruwa-o.

LUKAS 12:9

Alat nde, ’Yesus iri-ge an naru bug-o’ luk ap inmbiri bem-et para yuwa nab-e, Ap Ambara an-nen na at imin-e: ’Ap yu-ge an naru bug-o’ luk Mbal Pem Nagawan-nen idnak aid nap inmbiri bem-et para yimin-o.

LUKAS 21:8

Yogolikma-ge, Yesus-nen yosolar-e: ”Kit konmbol pem lujwa naru, kwil kwalsa wolmer-o. Nde, an nggal kwasa ap kwarat lobok yogolat-nen yogolar-e: ’Kerisut na an-er-o’ yogolar-e: ’Iri kwat ma tarem-e panggo yij-o’ luk yil lobok yuwa-t nde, kit-nen iri yuwa nap enne mondok kulurak pug-o.

LUKAS 6:26

Nandug-e it enlawingga-nen-e enesiget siget Mbal Pem Nagawan ene lomboksa yugwi nap entembel waniga iri na nggal-et ap pidsa-nen kentembel wanili nab-e kenabuwa-o!” luk yij-o.

OROMA 16:18

Iri nggal kwarugwi nab-e Nenagawan Indo Kerisut na ndegel ibili-ge lag-o. Are, it ondomok ukwe mende na lesa wanuwokluk-nen yili-o. Nde, iri kwarogolar-e, enaru buk woragwi nap na onmbol pem lagolat, enne amburu bem inndi wanili-o.

1 KORINTUS 11:19

Nde, mot mot nak kwarugwi nap iri yenggerak iniyujwaklug-e, kit kennggenggerag-e kuri-t wat yusu-o.

1 KORINTUS 6:20

Are, kir-e abu konnggo mbarak-nen yili-o. Iri bem-e kit kenpe iri-net Mbal Pem Nagawan unu kek tak pogolat wolmer-o.

1 KORINTUS 7:23

Kir-e abu konnggo mbarak pidnak me, kir-e ap ndegel unpugwi nap kwat yurak pug-o.

NGGALATIA 2:4

Alat nde, ennesiget yogolar-e nir-e konowe konowot-nen yili-o luk, nit ninmin lambuksa wene mbariga nap erep-nen-e at iye ambasap waburak yiga-o. It iri na-ge mbik mbok lobok yigarik, nendam ngguruk, nir-e Kerisut Yesus ebem-nen weserak woragwi na mbenat nunpuwokluk nggwigarig-e, teberak nunpuwokluk yiga-o.

NGGALATIA 3:13

Alat nde, Kerisut-e imiri mbarak pidnak wene-nen imbiri lamut tak ninpidnak iri na inggiyem-nen nonnggo buruk weserak nenpeyekluk, nit nenmanggim imbiri lamut nde agaij-o. Mbal Pem Nagawan engga bem-nen yosolar-e: ”E bem panggarak inpidnak nab-e inmbiri lamut mag-o” luk yij-o.

NGGALATIA 4:17

Nde, it iri-ge ennesiger-et nde, it enambigit nggwe mborobokluk, enmawi kundili-o. Nde, iri kwatli iri-ge, an nimin woragwi na pok tak puwokluk-nen yili-o.

NGGALATIA 5:20

kugiwak erembel wanugwi nde, linggirak kwarugwi nde, wim mbarak woragwi nde, yuk puk mbugwi nde, enlengen ale yugwi nde, insilepma yugwi nde, ondomok enmanggim nggok tak pugwi nde, kuri worak woragwi nde, ap len kerak mbugwi nde,

EPESUS 1:7

Kerisut ebem-nen na, at eyabi wirik pidnak pem-nen na nit nonnggo posolat, nit meya yidnak amberam tak posolat yij-o. Mbal Pem Nagawan-nen we wok ondoso elem iri-ge

EPESUS 4:14

Iri nggal yulndig-e, nir-e li marik nggal, yi ombolwak pem abung abung waring kagwi nap nggal, ennesiget yugwi nap-nen mul undugwi wene obube nggal iri-nen puk eneyagwi nap nggal yul-e lag-o. Ennesiget yugwi nap-nen enmberel puruk, ap kabak tak unpugwi-o.

TUGURUK YIDNAK WENE 32:6

Kit wid, kinndi lak yu-ge wa-e. Kit-nen Nagawan Indo-nen konak kwat kinpidnak iri na onggo at konak kwat obogolar-e, iri kwatli irir-a? Nagawan Indo iri-ge kit Kineid ndak wat kunpuruk, ap enlem misik kwarak kinpid nab-e lag-a?

PILIPI 3:19

It iri-ge worok tak posolat tarem-e lag-et ma-o. Mbal Pem Nagawan ondolma-ge it unluk amanggim nggok tak pili-o. It-nen-e innggiri kagwi mende irit kek tak pili-o. Nde, ir-e nggweyak ma mende nak yebet yebet tak woragwi-o.

KOLOSE 2:18

Enesiget nde, it ondomok inndi tebe luk, aid nap entembel wanogolat, nabi nggwe nggal kaidnak nggulok tak pogolat kwarugwi nap-nen-e urugwe nggwe rak kunpuwakluk, nggeyok yurak pug-o. Iri kwarugwi nab-e ki nap inndi-n yebet kagwi bem it ondomok kek yugwi-nen yili-o.

KOLOSE 2:8

Iri ala-ge, ap-nen kinndi wanogolar-e, ki nap enaru yidnak wene bem-nen na, ebe lak mende onmbol pem lagwi wene, ki nap-nen mul undugwi wene lom nde nggweyak ma yu tena woraso indi-nen yidnak wene bem-nen na ming kunpuwa naru, kwara-t wolmer-o. Wene iri-ge Kerisut-nen yidnag-e lag-o.

1 TIMOTIUS 5:8

Alat nde, at lolo min at ambik ama woragwi nap min ndegel onposo buk nab-e at indi angin tubu yidnak iri nak keya busu-o. Nde, inndi angin tubu yigit lak nab-et meya kwarugwi-t nde, at-nen meya kwarusu iri-ge terak minik-net yusu-o.

2 TIMOTIUS 4:3

Ap-nen-e ndemeret wene kulurak keya buruk, it-nen ukwe ukwe mende na langgal luk mborogolar-e, it kulurak indingen wene yak unduwakluk, nggomo undugwi nap kwarat lesa endam tak purak tarem-e mondok lobog-et yuwa-o.

TITUS 1:11

Ap iri nggal yugwi iri-ge mondok enmende nggulurag-o. It-nen mul undugwi yugwi buk wene iri bem-nen-e ap kwarat onkwe la ndomok inmin nari wari rak inpili-o. Nde, it iri kwarugwi iri-ge uwang lesa terak mena wanurak pem-nen iri yili-o.

TITUS 3:10

Ap mbi-nen ndowaga lambuk tak inpidnak nap ennggendumu kuri wat onposo nap iri mberen pem-et nggomo wurugun-et nde, kuligit lak ala-ge, at imin-e are kundurak pug-o.

IBERANI 10:29

Nde, meya kwaridnak nap na iri nggal kwat unpugwi ala-ge, Mbal Pem Nagawan Ambara unuwok liri rak pili nap min Mbal Pem Nagawan-nen urul pidnak eyabi, at mbek tak ibidnak eyabi iri na te rak pusu nap min we wok ondoso elem wok nindid Konak Indi na meya rak puwa nap min enpem-e terak minik anggun worak mende ngge nggal kwasa enpem puwa-o?

1 PETERUS 1:8

Yesus Kerisut iri-ge kir-e kagwi bug-et nde, abuwa kali-o. Yawo na kali bug-et nde, ebem kinndi angin tubu yili-o. Iri bem-e, kit kenalin kenalen pem-et Mbal Pem Nagawan erembel wanili iri-ge wene yurag-e meya-o.

2 PETERUS 2:3

Ukwe akwe bem mbarak purak puk iri na bem-e enesiget siget ap mul undugwi nap-nen kenarengge luruwokluk, it inndi-nen mbilidnak wene yak kunduwa-o. Alat nde, it enpem wene mbarurak iri-ge obi-net lud tak pidnak worasu-o. Nde, it lak tak unpurak iri-ge mondok larok yuwa bug-o.

1 YOANES 2:26

An engga mbarusu yu-ge kit konmbol pem lokluk enmawi kundili nap iri wene mbarusu-o.

1 YOANES 4:1

Nanggamirak kenabuwa worak wa-e. ”Konak Indi-ge nit nenarem worasu-o” luk yugwi nap pidsa enpem kinndi angin tubu yurak pug-o. Enesiget Mbal Pem Nagawan ene lomboksa yugwi nap kwarar-e yi wi ndi wi waring kali me, it enpem worasu indi-ge Mbal Pem Nagawan eram-nen lobok yid, lak? luk, kwara lombot purag-o.

YURAS 1:18

It-nen yak kondogolar-e: ”Woroksiyem wok yosola-ge, kit pesel kunpurak nab-e nam luk, it enaboro-nen ukwe ukwe yugwi mende, meya mende iri nak langgal luk mburuwa-o” luk yak kindiga nar-o.

YURAS 1:4

Mbal Pem Nagawan enaru buk nap erep nit nennggendumu tirabo nggwiga iri-ge obi-net Mbal Pem Nagawan engga bem-nen it enpem mburak wene urul paga pij-o. It iri-nen-e it enaboro-nen ukwe ukwe yugwi mende kwaruwoklug-e, Mbal Pem Nagawan-nen we wok ondoso elem-e nden penden tak pili-o. Nde, nit-nen idnak amawi worak Yesus Kerisut, Nenagawan Indo iri-ge it-nen-e ndemerer-o luk eberagwi bug-o.

NAM PARA WENE 13:14

At iri na-ge ndakngge isilepma worak nanduk na-nen wok tid amawi bem-et at imbiri bem-et kwiye worak mende kwarat kwarosolar-e, nggweyak ma woragwi nap oboksa onmbol pem lagaij-o. Nde, at ene amawi bem watsa nggweyak ma woragwi nap oboksa yak ondosolar-e: ”Yalawi bem wiridnag-et nde, urug-et worasu ndakngge isilepma worak iri na erembel wanuwoklug-e, at nggal ndak worak puruk, erembel waner-o” luk yak indij-o.

NAM PARA WENE 2:13

Kit worali sa iri-ge an-e naru-o. Sere-nen tena woraso sa iri me-t worali-t nde, kir-e an puksa tena nuburuk worali-o. An-nen yidnak wene mot mot nak konggoroso nap Antipas na-ge kit kennggendumu-nen Sere woraso sa iri me-nen wiriga-t nde, kir-e kinndi an nebem angin tubu yidnag-e keya bigit lag-o.

NAM PARA WENE 2:9

Kit kenpem anggun panggun mbusu mende min kit kinsilobulo lak worali iri-ge an-e naru-o. Alat nde, kir-e kinsilobulo worak-net yili-o! Ndemeret Yawuri nab-e lag-et nde, ’Nir-e Yawuri nap-nen yili-o’ yili nap-nen konpok pili na an-e narur-o. Nde, it iri-ge Sere ilirak-net yili-o.

NAM PARA WENE 3:8

Kit-nen kwatli iri-ge an-e naru-o. Kit kenmawi marig-et alat nde, an-nen mul kindidnak wene wanogolar-e, an-nen yidnak yidnak kundugu kwarogolat woraigeb-o. Nde, an-nen kit kenmanggim tu misik kuwarak pigi iri-ge ap misiger-o luk-nen lerak purag-e meya-o.

NAM PARA WENE 5:9

It-nen ndawi ngget misik yogolar-e: ”Kar-e mondok kirikma, wat yigen iri bem-nen-e Mbal Pem Nagawan amanggim ap enlem ndomok oboksa min ap enne ndomok oboksa min ab-e ap oboksa min ap enlem oboksa min onnggo pigen pem-e kat-nen-e engga na wanuruk, lop nok tak pugwi mende, iri na punggururag-e kabam-net yusu-o.

NAM PARA WENE 6:10

It iri-nen enne ngguloksa yogolar-e: ”Kamawi Mondok Kwarat worak, lenak irit woraso, lud tak nak kwaroso Nagawan Indo wa-e! Nunggurik woraruk-nen nggweyak ma woragwi nap enpem wene mbatluk, nit nindiga onggo pugun-o?” luk yiga-o.