2 PETERUS 1:8 - Nanduk Ngget Tul Pidnak Wene

⁸ Iri mende iri pidsa-ge kit-nen tena wolmomtak mende irir-o. Nde, iri mende iri kit kenpem wok tenak woragolar-e, kir-e Nenagawan Indo Yesus Kerisut kenaru yogolar-e, kenmawi min-et ebe worak mende irit kenaru yugwi rak puwa-o.

2 PETERUS 1:8 Iomraidhean Croise

MATIUS 13:22

Nde, linggat ndumu mbidnak uwi iri nggal ab-e aid wene kulurug-et nde, unmud nggweyak ma mende bem pogolat, uwang nak nggok tak pili iri-nen-e wene iri na perena lak tak posola, engen-e pili bug-o.

MATIUS 20:3

Iri luk, jam sembilan pem onggo wanugwi sa iri me tuguruk mberarik, ap ereb-e we woragola eneyaruk,

MATIUS 20:6

Iri luk, keyama jam lima bem at yu na tuguruk mberarik, ap ereb-e iri me we ereba-t mendak woragola enayaruk-nen yak ondosolar-e: ’Kir-e noluk-nen yawo we taget yeba worali-o?’ luk yak indij-o.

MATIUS 25:26

Yak tosoloma-ge, at eid iri-nen at yak tosolar-e: ’Ndegel noboso nap meya keberari worak yu-ge wa-e. An-e an-nen yakit lak sa-t nde, engen mbarosolat, an-nen uwi pil kagit lak sa-t nde, engen wanosolat yoso iri-ge kar-e karu bug-a?

YOANES 15:2

Nde, e elem an nebem-nen mbiridnak inggi mbi-nen engen pigit lak ala-ge, at-nen-e yendera mbo boso-o. Nde, an nebem-nen mbiridnak inggi-nen engen pidnak ala-ge, engen erep kwarat puwakluk, at-nen-e angga erep lera keya buruk kona keya boso-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

YOANES 5:42

Alat nde, kir-e an-e keneyasu-o. Kit kenarem-e Mbal Pem Nagawan abuwa kali buk iri-ge an-e naru-o.

OROMA 12:11

Yabu kwara wanogolar-e, perari yurak pug-o. Kinndi embem pem-net Nagawan Indo eyabu wanogolat wolmer-o.

1 KORINTUS 15:58

Iri bem-e, nanggamirak kenabuwa worak wa-e. Tugup lak luk, unuk laksa irit woragolar-e, Nagawan Indo eyabu wanili iri-ge ebe lak mende ma-ge lag-o luk kenaru me, Nagawan Indo eyabu-ge pempa kenmawi min-et wok tenak wolmer-o.

2 KORINTUS 13:5

Kit na kit-net kinndi mbenarer-o. Kir-e ndemeret kinndi angin tubu yidnak pem tugup lak worali, lak? luk kondomok kinndi ngarer-o. Kerisut Yesus-e nit nenarem worasu-o luk kenaru yili, lak? Nde, Yesus-e kenarem lak ala-ge, mborok tak pigep pem-nen-o.

2 KORINTUS 8:2

Andi bandi mende kwarat it enpem mbosolat, inndi kwarat ngarij-et nde, it enalin enalen mondok kwarat kagolar-e, it insilobulo lag-et nde, silobulo-ge kasaba inndi lubug-et pogolat woraiga-o.

2 KORINTUS 8:7

Kir-e yi mende ndi mende bem oboksa winde worali-o. Nde, iri-ge, kinndi angin tubu yugwi bem na, wene yugwi bem na, enaru yugwi mende bem na, ap yongga ondogolat kenmawi kundugwi bem na, nit nenabuwa kali bem na yili-o. Iri bem-e, ap enabuwa kagwi yabu bem-nen na kit kinndi lubug-et ap wok ondogolat tobog-o luk-nen yige-o.

2 KORINTUS 9:14

Nde, it-nen kit kenmanggim tepan yogolar-e, Mbal Pem Nagawan-nen we wok ondoso elem utlud kwarat tak kinpidnak me, it inndi kenpem woragolat-nen kenmanggim tepan yuwa-o.

PILIPI 1:9

An-nen kenmanggim tepan yoso-ge yu nggal kwarobokluk-nen yoso-o: Kit-nen ap enabuwa kagwi min kenaru yugwi min yebet kagwi mende pidsa min iri-ge irit tit, irit tit kwarat mag-o luk yoso-o.

PILIPI 2:5

Kerisut Yesus-nen yebet kaso nggal-et kit-nen na yebet kagolat wolmer-o. At-nen yebet kaso-ge yu nggal-o:

PILIPI 3:8

Nde, iri mende nak meya-ge lag-o. Are, yi mende ndi mende oboksa-ge ebe lak mende nde kasu-o. An Nagawan Indo Kerisut Yesus naru mom iri perak nde mondok nggulok lombog-o. At ebem an yi mende ndi mende oboksa keya bosolat, iri mende-ge we eneyak ngen mbo bidnak nggal-nen yusu-o luk peraso-o. Iri keya bigi iri-ge an-e mondok Kerisut nak wanuruk,

KOLOSE 1:10

Iri rak konposola-ge, Nagawan Indo erengen pem kir-e ndak ndak yogolat, yi mende ndi mende bem at alen tak ubugub-o. Nde, kit-nen yi kwatlik ndi kwatlik kwarogolar-e, engen-e konak nak pogolat woragub-o. Nde, Mbal Pem Nagawan kenaru yogolat na, kwarat kenaru yuwa-o.

KOLOSE 2:7

at ebem kennlengen kundik woragolat, at ebem-et tugup lak mendak wolmer-o. Mirik kinpidnak na ndak ndag-et kinndi angin tubu yidnak na bem tugup lak woragolar-e, at imin-e ”Wiwa-o” luk kwarat yak togolat wolmer-o.

KOLOSE 3:16

Kerisut owene utlud lombok iri-ge kit kenarem wolmag-o. Kinndi mondok lid tak pem-nen-e kit na kit-net mul kerak mbogolat, kit na kit-nen nggomo wat kerak mbogolar-e, ndawi engga bem nde, Mbal Pem Nagawan erembel wanugwi ndawi bem nde, aid ndawi bem nde yogolar-e, kit kinndi arem-nen ”Mbal Pem Nagawan wiwa-o” luk yak togolat wolmer-o.

1 TESALONIKA 3:12

Nit-nen kenabuwa kali iri nggal-et kit na kit-net nabuwa kabuwa wolmomtak elem min nin nap enabuwa kudtak elem min-e Nagawan Indo-nen-e utlud lombok kwarat tak kunpuwag-o.

1 TESALONIKA 4:1

Nanggamirak wa-e. Nir-e Nagawan Indo Yesus unu bem wene misik kwarobokluk kenmengen mbatli-o. Mbal Pem Nagawan indingen tak purak pem kwarogolat wolmomtak mende kwarobokluk mirik kinpige nar-o. Nde, kit iri nggal kwatli-t nde, mondok kwara kwarogolat worabog-o luk nggomo kindili-o.

2 TESALONIKA 1:3

Nenggamirak wa-e. Kit kenpem ala, nir-e mondok pempa Mbal Pem Nagawan wa yak tili-o. Nde, kir-e kwara kinndi angin tubu yili iri bem-nen na, kit na kit-net kwara nabuwa kabuwa yili iri bem-nen na, nir-e ob-et Mbal Pem Nagawan wa yak tili-o.

1 TIMOTIUS 5:13

Iri-nen-o, ir-e perari lembe yogolar-e, ap enma ya nggwilik nili-ge meya-t nde, meya nggulok kwarogolar-e, enmende amburu waruk nogolar-e, ap onpok pogolat, ap onowene-t nde, erep tenakolat, yurak puk wene-t nde yogolat yili-o.

TITUS 3:14

It-nen pempa ukwe peragwi mende na ndak nak wolmakluk, nit nab-e konak nak kwarurak iri-ge mondok kwarogolat wolmag-o. Ir-e we kasabat wolmomtag-e meya-o.

PILEMON 1:6

Nde, an-nen tepan yosolar-e, nir-e ninndi angin tubu yidnak pem nanggam kanggam yidnak iri-nen kwat nonposolar-e, Kerisut imin kundik woragola, imbiringgat tak ninpidnak mende pidsa nenaru makluk tepan yoso-o.

IBERANI 6:12

Nde, kir-e kenperari yurak iri-ge ninsili-o. Are, it inndi angin tubu luk, Mbal Pem Nagawan-nen urul pidnak na wanul-er-o luk mamak puruk towarak worali nap iri nggal woragup iri-ge nindingen-o.

2 PETERUS 1:2

Kir-e Mbal Pem Nagawan min Nenagawan Indo Yesus min kenaru yigep pem-e, we wok ondoso elem min yamuksa woragwi elem min kobongsa wok kunduwag-o.

2 PETERUS 1:3

Nir-e at ondomok unu kek tak woraso min at lud tak nak kwaroso min at imin winde yuwakluk wene mbo ninpid nap na nenaru yidnak pem nir-e Mbal Pem Nagawan indi konak-nen kwaroso na ndak kwaruwakluk, Mbal Pem Nagawan-nen idnak amawi-nen-e yi mende ndi mende pidsa wok nindid irir-o.

2 PETERUS 2:20

Nde, ap-nen-e Nenagawan Indo Ninmiri Yoso Yesus Kerisut na enaru yidnak pem-nen nggweyak ma yu-nen kopkap tobok tak woragwi inggem-nen wesera labuk yidnag-et nde, iri mende-nen tuguruk it kamat unpuruk, urugwe nggwe rak onposola-ge, ap iri na nanduk meya kwarogolat woraidnag-e meya-t nde, abok-nen kwatli iri-ge mondok meya lombog-o.

2 PETERUS 3:18

Alat nde, we wok ondoso elem wanogolat na, Nenagawan Indo Ninmiri Yoso Yesus Kerisut kenaru yogolat na kit kenarem-e anggam nambek anggam nambek kwarat mag-o. Yawo-nen na irit, woragolat nagolat-nen na irit, at nak kek tak pogolat wolmag-o! Amen.