1 PETERUS 5:8 - Nanduk Ngget Tul Pidnak Wene

⁸ Kit kunuwim nap Sere na-nen-e: ”No nap lebena mbo namin-o?” luk singa ndakngge nggal ene yolo ngolo waring kasu me, kir-e lid lud tak puruk, kwil kwalsa wolmer-o.

1 PETERUS 5:8 Iomraidhean Croise

ESET 7:6

Yosoloma, Eset-nen erep nggarosolar-e: ”Nit lel mberel nonposo, nit ninmin sirid nab-e meya yoso nab-e Aman yur-o!” luk yak tij-o. Iri yosoloma-ge, Aman na mondok kwiye kwarat min irit nagawan min nagawan ogwe Eset min irit yik eneyagaij-o.

AYUP 2:2

Worala, Nagawan Indo-nen yak tosolar-e: ”Kar-e ngge me-nen lobok yigen-o?” yosoloma, at nen onggo yosolar-e: ”An-e nggweyak urugwe ombol yeba-t waring kil kil lobok yigi-o” luk yij-o.

NDAWI ENGGA 104:21

Singa sujwe ereba-nen-e eyok nere-nen kore ene ngolo arem waring kasu-o. Mbal Pem Nagawan-nen at amanggim naso mende lid lud tak pid ereba na nggi yusu-o.

NGGOMO WENE 20:2

Nagawan isilepma-ge singa urum ene ngolo nggal yusu-o. Nde, ap-nen nde nagawan iri na isilepma rak pogolat nde ala-ge, it enambikpebe lak tak unpurak enare bili-o.

YESAYA 50:8

Mbal Pem Nagawan-e an nimin woralat me, at-nen-e: ”Kar-e meya yoso bug-o” luk yak nuruwa-o. Ta nggal-nen an nebem wene puwa-o? An nebem nde wene pusu ala-ge, totno wene mbenarugwi sa mburuwog-o. Ta-nen nde an nebem wene posola-ge, an neram panggosa lobok yuwag-o.

YEREMIA 2:15

Nde, at uwim nab-e singa ndakngge-nen kwaroso nggal nok ebeyekluk ene arem nusu-o. Nde, at onggweyag-e umbuk le rak paga ebe lak mende rak piga-o. Nde, uwi siri ereba na-ge kan mbela kugun ngguru rak piga-o.

NDANIEL 6:24

Yosoloma, Nagawan Ndarius iri na-nen alen kwarat lug-e, ”Ndak Ndaniel yu mbun arem-nen pil lumomtag-o” luk wene wirik pamu-ge, Ndaniel iri na pil luwaruk-nen lombot piganggal-e, ar-e Mbal Pem Nagawan ebem indi angin tubu yidnak me, Ndaniel ebem-e mariget tet mep tak pigit lak irit kaiga-o.

OSEA 11:10

Nagawan Indo-nen yosolar-e: ”An-nen singa ndakngge-nen kwaroso nggal nurum ene ngol yosolat it unuwim nap kwiye rak onposola-ge, an nilirag-e an nimbirig-et mburuwa-o. An nilirag-e mo mboso (barat) nggwe-nen an nerembel wanurak pem ndag-et ndag-et lobok yuwa-o.

OSEA 13:8

An-nen-e mberuang ndakngge-nen amarik lak yosoma-nen kwaroso nggal kit kenpem mbud yimindik, leben kinpimin-o. Singa ndakngge-nen kwaroso nggal, woragup sa iri na me-net nok kinpimin-o. Isilepma worak ndakngge-nen kwaroso nggal lebena liring keneyamin-o.

YOEL 3:16

Nagawan Indo-ge at Ondobo Sion pem-nen singa ene nggal ngol yosolat, Yerusalem-nen ene-ge o nggu nggal yosolat, ene-nen ndowaga mbal min nggweyak min-e lele yosolat yusu-o. Alat nde, Nagawan Indo-nen-e at ilirak Isarael nap enambigit yosolat, nggetlel onposolat wolma-o.

AMOS 1:2

Amos-nen yid wene-ge yu-o: ”Nagawan Indo-ge Sion ndobo bem-nen urum ene ngol yosolat, Yerusalem-nen ene o nggu nggal yosolat yusu-o. Tusuangge ereba na-ge mondok umbuk le yosolat, nde, tusuangge Karamel Ndobo bem ereba na-ge merek le yij-o” luk yij-o.

AMOS 3:4

Nde, walma woraso singa ndakngge-nen-e at emena kagit lak-nen-e nggak yoso-a? Singa marik-nen-e at woraso sa-nen-e at emena mbi tenakit lak-nen-e ene ngol yoso-a?

AMOS 3:8

Singa-nen urum ene ngol yosola-ge, ta-nen kwiye lak woraso? Nde, Nagawan Indo Mbal Pem Nagawan-nen wene yosola-ge, at-nen enpem pidnak wene ap yak indigit lak ta nggal-nen indiyabu nak wolma-o?

MATIUS 13:39

Nde, sirid nap kuri uwi pil kagaid iri na-ge Sere-net yusu-o. Nde, engen mbarurak tarem iri-ge i worok yuwa tarem-er-o. Nde, engen mbarugwi nap na-ge aid nab-er-o.

MATIUS 24:42

Iri bem-e kit Nagawan Indo lobok yuwa tarem-e kenaru buk me, kwara-t yik karok wolmer-o.

MATIUS 25:41

Iri luk, Nagawan na-nen-e at inggi kware nggwe wolma nap na yak ondosolar-e: ’Kit imbiri lamut tak kinpidnak nap yu-ge wa-e. Mberer-o. Sere min at-nen idnak aid nap min enmanggim lid lud tak pidnak nigi momtak puk kanduk arem iri me mberer-o.

MATIUS 4:1

Iri luk, Sere-nen at indi ngaruwakluk Konak Indi-nen Yesus ndemil uburuk karu me mbirij-o.

MATIUS 4:11

Nde, iri yak turuk worasoma-ge, Sere na-ge at keya buruk mborosola-ge, aid nap lobok yogolar-e, at yongga wiriga-o.]

MARAKUS 4:15

Nde, uwi tu mbanggo nggwe mbid iri-ge ir-e aid wene kulili-t nde, Sere na ndag-et nak lobok yosolar-e, it inndi arem pil kaidnak aid wene iri-ge mengga wanusu-o.

LUKAS 21:34

Yuruk, Yesus-nen yosolar-e: ”Kir-e kinndi-ge nunggwi mende nggok sakwi min enanggul nden kaso yi ndonggosa nunggwi min nak ebem pogolat, kit-nen kwarurak mende nak kunmud kagolat woragolar-e, kir-e lid lud tak pigit lak worakmu mimo wok yimin-o luk kir-e mondok kwil kwalsa wolmer-o.

LUKAS 21:36

Nde, abok kenpem mbuma mende inggem-nen mengga mbururak amawi wok kondosolat, Ap Ambara an nimbiri bem mendak wolmomtak nap tak konposolat makluk, kir-e kunluk woragolat, tepan kundugu kundugu yogolat wolmer-o” luk yij-o.

LUKAS 22:31

Yuruk, Yesus-nen yosolar-e: ”Simon wa-e. Simon wa-e. Kuli-o! Ap-nen yi mende ndi mende engen arik lena bogolat, owak min aboro min keya bili na nggal, iri nggal-et Sere-nen kit pidsa kinndi ngareyekluk Mbal Pem Nagawan emengen mbarij-o.

YOANES 8:44

Kir-e Sere ilirak-nen yili me, kineid indi-n pidnak nak kwaruwokluk yili-o. Nanduk-net ar-e ap woroso-nen yusu-o. Ndemeret wene-ge at arem mondok lak me, lud tak nak kwarugwi mende at arem-e woraso bug-o. At-nen enesiget wene yosolar-e, at-nen kwaroso mende irit kwarusu-o. Enesiget wene yoso, nde, enesiget wene pidsa elem-e at-net yusu-o.

2 KORINTUS 2:11

Sere-nen nit urugwe nggwe rak nunpuwa naru-nen iri-ge kwatli-o. Sere indi-ge nenaru nar-o.

EPESUS 4:27

Kit meya rak kunpuwakluk Sere na amanggim ondoro terak waburak pug-o.

EPESUS 6:11

Sere-nen konmbol pem layekluk kenare posola, mamak puruk, tugup lag-et worabok-nen Mbal Pem Nagawan-nen idnak wim puwokluk yurugwi mende oboksa-t yerer-o.

1 TIMOTIUS 2:15

Alat nde, kwami-nen tebe luk woragolar-e, inndi angin tubu yidnak elem min ap enabuwa kagwi elem min marak woragwi elem min tena woragola-ge, inlirak ndakolat-net inmiri yaga wok unduwa-o.

1 TIMOTIUS 2:9

Nde, kwami-nen na yurugwi mende yorogolar-e, insiri min entangge min innggiri min-et yurugwi yeba-t yururag-e nindingen-o. Nde, enanggul sigil yakolat, emas posid mutiara kerep min yorogolat, yurugwi sum konak onggo nggok pugwi mende na yorogolat momtak pug-o.

1 TIMOTIUS 3:11

Iri nggal-et it onkwerak na konak nak kwarugwi kweyap, ap onpok na pugwi buk kweyap, ondomok inndi mamak puruk woragwi kweyap, yi mende ndi mende bem mot mot nak kwarugwi irit mag-o.

1 TIMOTIUS 3:2

Nde, lambuk tak inpidnak nap yik eneyarok woraso nab-e meya kwaroso buk nap, ogwe misiget worak nap, ondomok indi mamak poso nap, indi nggat nggat worak nap, indi lid puruk-nen kwaroso nap, ”Ap sal nama nggumer-o” yoso nap, ap mul ondoso aru nap,

2 TIMOTIUS 4:17

Alat nde, Nagawan Indo an nimin worala me, aid wene pidsa-ge an-nen ndak yak ondosola, it enlem nin nap oboksa kuluwaklug-e, amawi wok nirij-o. Iri nggal yosolar-e, singa ndakngge emendam-nen mengga keya nibij-o.

TITUS 1:8

are, ”Ap sal nama nggumer-o” yoso nap, konak nak kwarurak peraso nap, idi worak nap, mot mor-et kwaroso nap, marak nak woraso nap, at ondomok indi tena woraso nap irit mag-o.

TITUS 2:12

We wok ondoso elem-nen mul nondosolar-e: ”Mbal Pem Nagawan isili rak pidnak kwarugwi min nggweyak ma mende ukwe ukwe yugwi min iri na mbo buruk, nggweyak ma yu me woragolar-e, kondomok kinndi towarak woragolat, mot mor-et kwarogolat, Mbal Pem Nagawan indi aye worak wolmer-o” luk mul nundusu-o.

TITUS 2:2

Ap indi worak yak ondosolar-e: ”Kir-e kinndi min-et woragolat, kinndi nggat nggat worak woragolat, kondomok kinndi towarak woragolat mer-o. Nde, kinndi angin tubu yidnak pem na, ap enabuwa kagwi bem na kinndi luruk puruk woragwi bem na iminep mbarak irit wolmer-o” luk yak indi-o.

TITUS 2:4

Kir-e wene konak nak mul ondogolar-e,

TITUS 2:6

Iri nggal-et sugwe na kiri keresa nggomo ondosolar-e: ”Kit kondomok kinndi towarak wolmer-o” luk nggomo indi-o.

YAKOBUS 4:7

Iri ala-ge, kir-e Mbal Pem Nagawan eram tebe yer-o. Sere na lobok yosola-ge, kit kunsuru ndere yer-o. Iri yogola-ge, kit kendam-nen kwiye mburuwa-o.

1 PETERUS 1:13

Iri bem-e, kinndi enggengge bem puruk, kwil kwalsa woragolar-e, Yesus Kerisut abok lobok yosolat-nen we wok ondoso mende wok kunduwa na bem kinndi mbung mbung tak wolmer-o.

1 PETERUS 4:7

Yi mende ndi mende pidsa lak momtak tarem panggo yusu-o. Iri bem-e, tepan yobok-nen kit kondomoktak kinndi tena woragolat, kwil kwalsa wolmer-o.

NAM PARA WENE 12:10

Iri lug-e, an kuliginggal-e, aid arem-nen ene nggulok misik-nen yosolar-e: ”Mbal Pem Nagawan-nen at ilirak inmiri yaga wok undurak tarem-e yawor-o! Nde, Mbal Pem Nagawan-nen at-nen nagawan woraso amawi-ge yawo nam tak pusu-o! Nde, at-nen lenak ibidnak Kerisut na amawi-ge yawo nam tak pusu-o! Nde, Mbal Pem Nagawan imbiri bem lengge-nen kubu-nen enesiget wene bem nennggamirak onpok poso na-ge aid arem-nen mbo bij-o.

NAM PARA WENE 12:12

Iri bem-e, aid arem min aid arem woragwi nap min wa-e. Kenalin kenalen ker-o! Alat nde, kit nggweyak min yi koma min wa-e. Sere na-ge at-nen kwarurak tarem-e marig-et nak iri-ge ar-e aru me, isilepma min kit kendam mbidnak me, nggweyak min yi koma min-e abuwa-o!” luk yij-o.

NAM PARA WENE 12:9

waro nggulok pare iri na-ge mbo bil mbuwagaij-o! Nde, at iri-ge nanduk-nen woraso unu misig-e Sere, are, Kugi oboksa onmbol pem laso iri nar-o. Ar-e at-nen idnak aid nap inmin-et nggweyak ma mbo bil mbuwagaij-o.

NAM PARA WENE 20:10

Iri rak puruk, it onmbol pem laso Sere iri na-ge emben worak kule (belerang) laso kan mare arem mbo bil nggwid iri-ge ndakngge isilepma worak min enesiget Mbal Pem Nagawan ene lomboksa yoso nap min-e nandug-et iri me mbo inpil nggwij-o. It iri andi bandi kagolar-e, lengge-nen kubu-nen pem-et woralik nalik wolma-o.

NAM PARA WENE 20:2

Mbuwasolar-e, nanduk woraso waro iri na-ge unu-ge Sere, are, kugi iri na tenasa olengen seribu wolmakluk kere kamarak ibij-o.

WENE MBENARUGWI NAP-NEN KWARIDNAK WENE 14:5

Nde, Simson iri na-ge eid ija inmin Timna mborosolar-e, anggut yabu misik nggwe mborogolar-e, Simson iri na-ge singa ndakngge kusi misik karuk urum ene ngol yosola kulij-o.