1 PETERUS 5:6 - Nanduk Ngget Tul Pidnak Wene

⁶ Iri bem-e, at indi-n pidnak tarem wok yosolar-e, Mbal Pem Nagawan-nen kek tak kunpuwaklug-e, kir-e amawi winde Mbal Pem Nagawan inggiyapma kit kondomok kinndi tebe luk wolmer-o.

1 PETERUS 5:6 Iomraidhean Croise

1 NAGAWAN NAGAWAN-NEN KWARIDNAK WENE 21:29

”Kar-e Akap-nen kondok luk, an neram tebe yusu iri-ge kasu, lak? Iri bem-e an-nen-e at uruk worala tarem-e lak tak onposo mende-ge ebem pil lobok yimin pug-o. Are, at ambara worala tarem-nen perak, lak tak unpurak mende-ge at ilirak enpem pil lobok yimin-o” luk yak tij-o.

2 NAGAWAN NAGAWAN-NEN KWARIDNAK WENE 22:19

kar-e niri nera iri nggal kwarigi-o luk an neram tebe yigen-o. An-nen-e Yerusalem min Yerusalem woragwi nap min mondok angin worak mende enpem pimin-o. O siri iri-ge an-nen-e unmunggum lera mburak mende rak pumu, ap-nen yik kagolar-e, unmunggum lera mbuwa-o. O Yerusalem unu-ge imbiri lamut mende rak pimin-o. Alat nde, kat-nen iri kwat inpimin wene iri na kulurug-e, kindi kalok yosolat, kusum lebena keya bosolat, yip tosolat yigen-o. Iri yosolat, kat-nen tepan yigen iri-ge an-e kuligi-o.

NDAWI ENGGA 89:13

Kat kamawi-ge nggok lombog-o! Kat karong-e ija lombog-o!

MBIRIGA WENE 10:3

Yosoloma, Musa min Arun min-e Pirayon eram mbirigarik-nen yak togolar-e: ”Iberani nap Enmbal Pem Nagawan, Nagawan Indo-nen yosolar-e: ’Mepme tarem nggal-nen kar-e an neram tebe yugun-o? An nelem nap iri-ge an nerembel wil mburuwak-nen lerak inpi-o.

MBIRIGA WENE 3:19

Yak tugub-et nde, an-e naru-o. Mesira nagawan iri-nen-e mondok lerak kunpuwa bug-o. Alat nde, watsa angin ebem pogola perak nde lerak kunpuwa-o.

MBIRIGA WENE 32:11

Yosoloma, Musa nen Nagawan Indo Ambal Pem Nagawan emengen mbarosolat-nen yosolar-e: ”Nagawan Indo wa-e. It yu-ge kat-nen tena unpuruk kinggi amawi bem Mesira-nen inmiri yaga wok unpuruk lobok yigen na-t nde, kar-e noluk-nen iri kwat unpugun-o?

YESAYA 40:4

Wondo oboksa kemek tak pogolat, ndobo amun min ndobo min oboksa ndamera ndak ndaksa yamuk tak pogolat, nggweyak amun ereba na-ge yamuk tak pogolat, nde, amun yud kud ereba na-ge ndeyara yamuk tak posolat ma-o.

NDANIEL 5:22

Alat nde, at ambara kar-e iri kwaridnak wene-ge karu-net nde, kar-e kindi tebe yusu bug-o.

MIKA 6:8

Iri nggal-e lag-o. Nagawan Indo-nen-e konak kwarurak irit mirik ninpij-o. Nde, iri-ge nit-nen kwarurak nenpem pusu-ge yu-o: Nit-nen mot mot kwarogolat, pempa enabuwa kagwi nggok tak pogolat, ninndi tebe luk, Nenmbal Pem Nagawan iri na imin kundik woragolat kwarurak irit nenpem pusu-o.

MATIUS 23:12

Nde, at ondomok-net kek yusu nab-e teberak puwa irir-o. Nde, at ondomok-net tebe yusu nab-e kek tak puwa irir-o” luk yij-o.

LUKAS 1:52

nagawan kek tak woragwi na lak tak onposolat, teberak woragwi nap na kek tak onposolat,

LUKAS 14:11

Nde, ap-nen at ondomok kek yuwa nab-e teberak ubuwa-o. Nde, at ondomok indi tebe yuwa nab-e kek tak ubuwa-o” luk yij-o.

LUKAS 18:14

Iri luk, Yesus-nen it yak ondosolar-e: ”An yak kendeyeg-o. It na mborogolar-e, at Parisi nap iri-ge lag-o. Are, pemerinta enmanggim tol ndok woroso nap iri na nde Mbal Pem Nagawan-nen lud tak obosola, ama mbirij-o. Iri kwarid iri-ge ap-nen nde inndi kek yuwa nab-e teberak unpuwa-o. Nde, ap-nen nde inndi tebe yuwa nab-e, kek tak unpuwa-o” luk yij-o.

OROMA 5:6

Nit nanduk ndeyak woragola, Mbal Pem Nagawan indi-n pidnak tarem ndak ndag-et yosolar-e, Kerisut-e Mbal Pem Nagawan ene tarugwi nap nenmanggim wat yamu-o.

1 KORINTUS 10:22

Nit-nen Nagawan Indo na erengen ale worak tak purag-e ob-a? Are, at amawi teberak puruk, nit nenmawi-ge kek tag-a?

TUGURUK YIDNAK WENE 32:35

Nagawan Indo-nen onggo posolar-e, mondok angin worak mende enpem puwa-o. It wosa mburak tarem panggo yosolar-e, it yigisa keya unpurak tarem yanem-et wok ma-o.

1 TIMOTIUS 2:6

Ap pidsa meya inggem-nen wisirik enpeyekluk onnggo posolar-e, Yesus-e at ambikpebe iminep wisirik pamu-o. At wat yid iri-ge, Mbal Pem Nagawan-nen ap pidsa inmiri yurak yidnak iri na yenggerak purak pem iri tarem-et wat yij-o.

TITUS 1:3

Nde, aid wene iri na nam tak purak tarem-net nam tak pij-o. Wene iri-ge an nebem pamu, Ninmiri Yoso Mbal Pem Nagawan-nen: ”Wene iri yi-o” yidnak pem-et yil nusu-o.

YAKOBUS 4:10

Kit na kit-net Nagawan Indo eram kinndi tebe yogola-ge, at-nen-e kek tak kunpuwa-o.

YAKOBUS 4:7

Iri ala-ge, kir-e Mbal Pem Nagawan eram tebe yer-o. Sere na lobok yosola-ge, kit kunsuru ndere yer-o. Iri yogola-ge, kit kendam-nen kwiye mburuwa-o.

YAKOBUS 5:10

Nanggamirak wa-e. Mbal Pem Nagawan ene lomboksa yugwi nap-nen Nagawan Indo unu bem wene yogola, andi bandi rak onpogola, mamak puruk woraiga iri na nggal-et kwarer-o.