1 PETERUS 5:4 - Nanduk Ngget Tul Pidnak Wene

⁴ Iri kwat yugup pem-e, Lomba Wam Winde Kek tak na lobok yosolar-e, abinal lak momtak puk wirik irit wanugub-o.

1 PETERUS 5:4 Iomraidhean Croise

NDAWI ENGGA 23:1

Nagawan Indo-ge olomba wam an yik neyarok woraso-nen yusu-o. An-e yi mende ndi mende ukwe lak worasu-o.

YESAYA 40:11

Ar-e wam yik karok woragwi nap-nen kwarugwi nggal wam kwarat ereba na kwara ndogorosolat, at ondomok-net ndak wat unpuwa-o. Lomba amarik ereba na-ge aringmu rak puruk, ija-ge yanggosa-t kona suluk mburuwa-o.

YESKIEL 34:23

Nde, an-nen-e lomba ereba at nak-nen ndegel onposo nap kwat yosolat, kwara ndegel onposolat kwat tenak wolmaklug-e, an ndegel noboso nap Ndaut nggal nagawan misik lena mendak pimin-o.

YESKIEL 37:24

It enlem mberen woragwi iri-ge lambuksa misiget tak unpuruk, it iri-ge an ndegel noboso Nagawan Ndaut nggal nagawan misik-nen tena unpuruk pem irit woralik nalik wolma-o. Iri kwasa woragolar-e, mondok tugup lak pempa an-nen idnak imiri mbarak pidnak wene ndak ndak nak irit kwat tenak wolma-o. Nde, an-nen Yakup wok tigi nggweyak, it onmborak-nen woraiga nggweyak iri na me-t it na irit, it-nen wigarak-nen na irit, pem irit iri na me wolma-o.

NDANIEL 12:3

Nde, enne kulugwi indi nggat nggat worak nap ereba na-ge eneyaya-ge o yaya nggal irit wolma-o. Nde, ap kwarat-nen ndemeret mot mot nak kwarogolat wolmakluk ap kwarat mul ondogolat woraidnak nap ereba na-ge wonaru abinal nggal enabinal-e pem irit kere kere rak wolma-o” luk yij-o.

YOANES 10:11

Lomba wam ombo konag-e an-net yusu-o. Nde, lomba wam ombo konak-nen-e at olomba enmanggim at na at-net iminep wisirik pusu-o.

1 KORINTUS 9:25

Keyari purak nap-nen-e keyari pogolar-e, iri nggal kwaru-o yidnak iri na ondomok tak lid lud tak pugwi-o. Nde, it iri-ge lak momtak kid kud wanuwokluk nen yili-t nde, nir-e pem wolmomtak kid kud wanuwokluk-nen yili-o.

2 TIMOTIUS 4:8

Nde, yawo-nen-e ombol nggwe yidnak nap wok undurak wirik iri-ge an namanggim lid lud tak worasu-o. Mot mot nak enpem wene mbaroso Nagawan Indo-nen-e at lobok yuwa Tarem-nen wirik iri na wok nuruwa-o. Nde, an narig-et wok nuruwa-ge lag-o. Are, Nagawan Indo lobok yuwa-o luk inndi ebem mbung mbung tak woragwi nap oboksa na wok unduwa-o.

IBERANI 13:20

Mbal Pem Nagawan-nen-e ap wat yidnak ennggendumu-nen nit Nagawan Indo Yesus na uruk tak pij-o. At wat yid iri bem-nen Yesus na-ge olomba wam Yik Karok Woraso Nap nggulok iri kwat yij-o. At eyabi-nen-e pem-et wolmomtak urul pidnak wene iri na ebe worak tak pij-o.

YAKOBUS 1:12

At indi ngarosola-t nde, mamak puruk wolma nab-e imbiringgat-nen yusu-o. Nde, indi kayekluk indi ngaruwa-t nde, ombol nggwe yuwa nap iri-ge Mbal Pem Nagawan abuwa kagwi nap enmanggim unlug-et wolmomtak kid kud Mbal Pem Nagawan-nen urul paga pidnak irit wanuwa-o.

1 PETERUS 1:4

Iri bem-e, Mbal Pem Nagawan-nen at elem nap enmanggim pidnak silobulo winde yul-o luk, ninndi mbung mbung tak worali-o. Silobulo iri-ge meya yoso buk, emben na yoso buk, terabet na yoso buk irit aid arem iri me kit kenmanggim ndok worak worasu-o.

1 PETERUS 2:25

Kit nandug-e kabak yidnak lomba wam nggal woraigeb-o. Alat nde, yawo-ge kit yik keneyarok worasolat, ndegel konposolat yoso nap Kerisut eram tuguruk lobok yigeb-o.

1 PETERUS 5:2

Mbal Pem Nagawan-nen kininggem pidnak lomba wam iri na towarak woragolar-e, Mbal Pem Nagawan indi-n pidnak ndak ndag-et kwarogolar-e, kinsili lag-et, kenalen min-et yik karok wolmer-o. Nde, yik karok woragolar-e, onggo wanurak pem nak-nen yik karok wolmomtag-e lag-o. Are, ndemeret kinndi-nen ndegel enpeyeg-o peraruk-nen ndegel unpurag-o.

1 YOANES 3:2

Nanggamirak kenabuwa worak wa-e. Yawo-ge nir-e Mbal Pem Nagawan ilirak-nen yili-t nde, abok-nen kwat nunpurag-e nam tak pigit lak me, ngge nggal kwat mul-o? Alat nde, wene yu nak nenaru yili-o: Kerisut lobok yuwa tarem-e ar-e ndemeret ebe nenlengen kul me, at woraso nggal-et kwat mul-o.

NAM PARA WENE 1:7

Yik ker-o. Ar-e nggan nggan arem lobok yusu-o! Ap oboksa-nen at kagolat, tege at arem mon kaidnak nap-nen na kujwar-o. Nggweyak ma nap enlem oboksa-nen-e at ubud-nen yip kwarat yuwa-o. Ndemerer-o! Amen.

NAM PARA WENE 2:10

Kit andi bandi rak kunpurak yanem-et kenpem mbuma mende iri-ge kir-e kwiye kudtak pug-o. Kenaru wolmer-o. Kinndi ngaruwakluk, kit kennggendumu ap ereb-e Sere-nen o kubu me kinpil ngguwa-o. Kinpil ngguwama, andi bandi kagolat sepulu tarem woragub-o. Nde, kinndi angin tubu yigep na-ge keya bigit lak, tena iri-net wat yurag-o. Iri yugup pem-e kit-nen ombol nggwe yugup onggo-ge kunlug-et wolmomtak wirik wok kindimin-o.

NAM PARA WENE 3:11

An-e ndag-et nak lobok yimin-o. Nde, kit-nen ombol nggwe yidnak pem onggo wok kundurak mende na nin nap-nen mengga wanuwa naru, kit-nen wanigep mende iri-ge puksa tena wolmer-o.