1 PETERUS 5:3 - Nanduk Ngget Tul Pidnak Wene

³ Nde, kininggem pidnak nap iri na inmin-e kir-e nagawan nggal luk, kenne amawi min: ”Iri kwarer-o. Yu kwarer-o” yurak pug-o. Are, Mbal Pem Nagawan olomba mirik unpurak pem kit kenpage konak irit kwat mer-o.

1 PETERUS 5:3 Iomraidhean Croise

NDAWI ENGGA 33:12

Ap enlem mbi-nen: ”Nagawan Indo iri-ge nit Nenmbal Pem Nagawan-nen yusu-o” luk yili nab-e enalen kagolat wolmag-o. At ondomok ilirak tak enpeyekluk len inpidnak nab-e mondok enalen kagolat wolmag-o.

YESKIEL 34:4

Nde, lomba ndeyak ereba na-ge kir-e kwara ndigitli bug-o. Lomba ud worak ereba na-ge obat mak tili bug-o. Nde, ud ebem ereba na-ge kir-e nggitlik pili bug-o. Kabaksa pul yidnak lomba-ge kir-e kore yaga tuguruk waruk lobok yili bug-o. Are, ebem lud nde mondok lomba ereba na-ge lel mberel inpili-o.

MIKA 7:14

Nagawan Indo wa-e. Kat-nen len inpigen kilirag-e kwara ndegel onposolat wolmin-o. It iri-ge nggweyak amburu worak nggwe yobok tak ma walma ereba worali-o. Nde, it iri-ge nanduk-nen kwariga nggal Mbasan min Nggileat min karu me tusuangge ndumu ereba me-nen nunggwi mende nonggolat wolmakluk keya inpi-o.

YOANES 13:15

An-nen kwat kinpigi yu-ge, kit-nen na an kwat kinpigi iri nggal ndak ndak kwarogolat worabokluk-nen mul kindigi-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

1 KORINTUS 11:11

Irit nde, Nagawan Indo bem-e kwe-ge ap lak arig-et woraso bug-o. Nde, ap na kwe lak arik woraso bug-o.

1 KORINTUS 3:5

Nde, Apolos-e no nab-o? Paulus-e no nab-o? Nit mberen iri-ge Mbal Pem Nagawan ndegel ubugwi nap-nen yili-o. Nde, Nagawan Indo-nen at eyabu nenarik tak nenpem pidnak ala, nit-nen ndowaga kinndi angin tubu yigeb-o.

1 KORINTUS 3:9

Nir-e Mbal Pem Nagawan imin yabu misiget erep wanili-o. Mbal Pem Nagawan eyabu min Mbal Pem Nagawan uwi worak min-e kit-nen yili-o.

2 KORINTUS 1:24

Nit-nen-e: ”Kinndi angin tubu yili iri na, yu nggal, iri nggal” yak kundul pug-o. Kit kinndi angin tubu yidnak pem-net mondok tugup lak worali-o. Are, kit kenalin kenalen worabok-nen yongga kindili-o.

2 KORINTUS 4:5

Nde, nir-e nit nondomok nonowene yak kindili-ge lag-o. Nit-nen yak kondogolar-e: ”Yesus Kerisut iri-ge Nagawan Indo-nen yusu-o luk, Yesus ebem ala, nir-e kit ndegel kunpugwi nap-nen yili-o” luk yak kindili-o.

TUGURUK YIDNAK WENE 32:9

Alat nde, Yakup-nen wigarak yu-ge Nagawan Indo-nen at ondomok amanggim len enpamu-o.

PILIPI 3:17

Nowe nowosi wa-e. Kit pidsa-ge an-nen kwaroso nggal-et kwarogolat wolmer-o. Kit na iri nggal-et kwarobokluk, nit-nen kwarogolat woragwi iri nggal kwatli nab-e kwara lombot pogolat wolmer-o.

PILIPI 4:9

An-nen mirik konposola kenaru yigep wene min nggomo kindigi wene min an-nen yosola kuligep wene min an-nen kwarosola kaigep mende min-e iri nak kwarogolat woragup na-e. Iri kwarogola-ge, lambuksa woragwi elem Mbal Pem Nagawan-e kit kinmin wolma-o.

1 TESALONIKA 1:7

Iri kwarigep pem-e Makeronia min Akaya min woragwi inndi angin tubu yidnak nap-nen-e kit kenpage iri nggal waniga-o.

2 TESALONIKA 3:9

Iri kwarige iri-ge, yi mende ndi mende wok nundurak meya ala-nen kwarige-ge lag-o. Are, nit nenpage nggal kwarobokluk, mirik konpogolat-nen kwarige-o.

1 TIMOTIUS 4:12

Kar-e ap sugwe me, ap misiger-o luk-nen te rak kuburag-e meya-o. Are, kat-nen inndi angin tubu yidnak nap kat kebage mirik onposolar-e, wene yoso bem-nen na, kat-nen kwaroso bem-nen na, enabuwa kaso bem-nen na, mot mot nak kwaroso bem-nen na, mbek tak woraso bem-nen na kat kebage irit it-nen kwaruwakluk mirik onposolat wolmin-o.

TITUS 2:7

Nde, kat na kebage ob-et kiyujwaklug-e, yi mende ndi mende kwarosolar-e, konak nak kwarugun na-e. Kar-e kindi mot mor-et woralat, ndemeret kindi-net mul ondosolat wolmin-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.