1 PETERUS 5:12 - Nanduk Ngget Tul Pidnak Wene

¹² An engga poro-t kenmanggim mbarigi yu-ge an-nen eberasolat mot mor-et yoso nonowot Silas-nen yongga norosola, mbarigi-o. ”Wene yu-ge ndemeret Mbal Pem Nagawan-e we wok ondoso elem-nen yusu-o” luk kinndi embem tak posolat-nen engga yu mbarusu-o. Mbal Pem Nagawan we wok ondoso pem-et tugup lak mendak wolmer-o.

1 PETERUS 5:12 Iomraidhean Croise

YOANES 21:21

Peterus na-ge ap iri na karuk-nen Yesus yak tosolar-e: ”Nagawan Indo wa-e. Nde, at yu-ge nunggwirig-o?” luk yak tosoloma-ge,

YIDNAK YIDNAK WENE 11:23

Wirik ibikma, wok yidnggal-e, Mbal Pem Nagawan-nen we wok ondoso mende iri na kasolug-e, alin alen kagaij-o. Karuk, it pidsa-nen tugup lak Nagawan Indo-nen yidnak yidnak kwat tenak wolmakluk nggomo indij-o.

YIDNAK YIDNAK WENE 15:22

Iri rak purug-e, it wirik inpidnak nap min ogore yidnak nap min-nen yogolar-e: ”Nit nennggendumu-nen ap erep len unpuruk, Paulus min Mbaranabas min mborogola inmin mburuwakluk lunuwog-o” yogolikma-ge, lambuk tak inpidnak nap pidsa-nen-e ”Ob-o” luk, ennggamirak tak inpidnak nap ennggendumu-nen unnu kek tak woragwi nap Yuras na unu misig-e Mbaranabas min Silas min na-ge lenak inpiga-o.

YIDNAK YIDNAK WENE 20:24

Alat nde, an nondomok nindi abuwa marig-et tet kasu bug-o. Are, an nebem pidnak yabu iri na ndak tak posolar-e, Nagawan Indo Yesus-nen wok niridnak yabu iri-ge Mbal Pem Nagawan-nen we wok ondoso aid wene iri na konggorosolat-nen neyabu na worok tak purak iri perak nde ijar-o.

OROMA 5:2

Nit ninndi angin tubu yidnak pem nir-e Mbal Pem Nagawan-nen idnak we wok ondoso elem pem worali-o. ”Mbal Pem Nagawan unu kek tak pogola, at ondok yul-o” luk iri kwarurak pem ninndi mbung mbung tak woragolar-e, nenalen kali-o.

1 KORINTUS 15:1

Nanggamirak wa-e. Yawo-ge an-nen yak kindigi aid wene iri-ge kit-nen wanuruk, wene iri na bem tugup lak mendak worali aid wene na-ge kinndi yeberak peyeg-o.

2 KORINTUS 1:19

Nde, Mbal Pem Nagawan Ambara Yesus Kerisut na owene kit kennggendumu-ge Silwanus-nen na, Timotius-nen na, an-nen na yak kindi-ge owene iri-ge ”Ob-o, Lag-o” yoso-nen yusu-ge lag-o. Are, at ebem-e ”Ob-o” iri nak worasu-o.

2 KORINTUS 1:24

Nit-nen-e: ”Kinndi angin tubu yili iri na, yu nggal, iri nggal” yak kundul pug-o. Kit kinndi angin tubu yidnak pem-net mondok tugup lak worali-o. Are, kit kenalin kenalen worabok-nen yongga kindili-o.

EPESUS 3:3

Mbal Pem Nagawan-nen ”Irit timin-o” luk kura wene yidnag-e nam para an yak nirid na-ge an-e nandug-et engga ya lit nda lit poro-t mbarigi irir-o.

EPESUS 6:21

An-nen kwarusu wene min an worasu wene pidsa kenaru maklug-e, nit nennggam abuwa worak, Nagawan Indo eyabu wanosolat mot mot nak ndegel oboso nap Tikikus-nen yak kuduwa-o.

KOLOSE 1:7

Aid wene iri-ge nit nennggam abuwa worak, nit nenmanggim Kerisut eyabu-ge mot mot nak wanoso nap Epaparas-nen mirik kinpid nar-o.

KOLOSE 4:7

Nit nennggam abuwa worak Tikikus iri-ge mot mot nak ndegel onposo nap, Nagawan Indo eyabu an totno wanoso nap iri-nen-e an nowene-ge ndegera yak kunduwa-o.

KOLOSE 4:9

At imin-e kit kenma nap Onesimus, mot mot nak kwaroso abuwa worak na at imin lobok yusu-o. Nde, yu me-nen kwatli wene oboksa it-nen yak kunduwa-o.

1 TESALONIKA 1:1

I Paulus min Silwanus min Timotius min-nen-e Tesalonika woragwi lambuk tak inpidnak Nineid Mbal Pem Nagawan min Nagawan Indo Yesus Kerisut min-nen idnak nap kit kenmanggim engga yu mbatli-o. Mbal Pem Nagawan-nen we wok ondoso elem min lambuk tak woragwi elem min kit kinmin wolmag-o.

2 TESALONIKA 1:1

Nit Paulus min Silwanus min Timotius min-nen-e Tesalonika woragwi lambuk tak inpidnak nap, Nineid Mbal Pem Nagawan min Nagawan Indo Yesus Kerisut min-nen idnak nap kit kenmanggim engga yu mbatli-o.

IBERANI 13:22

Nanggamirak wa-e. An-e kit kinndi eyak worosolat mbarigi wene yu-ge kenalen min-et wanobokluk-nen yak kundusu-o. Nde, engga mbarigi yu-ge mor-e lak, we poro-t mbal kindigi-o.

1 PETERUS 1:13

Iri bem-e, kinndi enggengge bem puruk, kwil kwalsa woragolar-e, Yesus Kerisut abok lobok yosolat-nen we wok ondoso mende wok kunduwa na bem kinndi mbung mbung tak wolmer-o.

1 PETERUS 4:10

Kir-e Mbal Pem Nagawan-nen we wok ondoso mende kona tena woragwi nap yogolar-e, kenariktak we wok kindidnak na bem-e kit na kit-net yongga yongga wolmer-o.

2 PETERUS 1:12

Iri bem-e wene abam yu-ge kenaru luk, ndemeret wene wanigep na bem kinndi tugup lak worali-t nde, pempa yeberak konposolat woramin-o.

2 PETERUS 2:15

It iri-ge mot mot tula na keya bidnak me, ir-e kabak luk, nanduk Mbeyot ambara Mbileam-nen mbirid tula iri nggwe mbitli-o. Mbileam na-ge meya kwarurak onggo tol iri na indingen tak pij-et nde,

3 YOANES 1:12

Ap pidsa-nen Ndemeterius iri-ge erembel wanili-o. Ndemeret wene-nen na irit at erembel wanusu-o. Nde, nit-nen na irit, at erembel wanili-o. Nde, nit-nen erembel wanili iri-ge ndemeret lombog-o luk karu nar-o.

YURAS 1:3

Nanggamirak kenabuwa worak wa-e. Nit totno ninmiri yidnak wene iri na engga kenmanggim mbareyekluk yosoma-t nde, an nindi-nen perasolar-e: Lag-o. Yawo-ge Mbal Pem Nagawan-nen at winde nap mondog-et wok indidnak inndi angin tubu yugwi wene na amanggim kenmawi kondogolat wolmer-o luk nggomo kundurak wene engga bem mbal kundurak perak nde nggulog-o luk peragi-o.