1 PETERUS 5:1 - Nanduk Ngget Tul Pidnak Wene

¹ An-nen na ogore yidnak nap-net yusu me, kit kennggendumu enne kulugwi ogore yidnak nab-e wene yu kwara kuluwag-o. Kerisut andi bandi kagaid iri-ge an nimbiri bem-et kagaij-o. Nde, Kerisut na kek tak woraso iri nam tak puwa tarem-e an totno kek tak nubuwa me, an-e kiri keresa yak kundusu-o:

1 PETERUS 5:1 Iomraidhean Croise

LUKAS 24:48

Nde, wene yu kwat yosola, kenlengen-nen kaigep nab-e kit-nen yili-o.

YIDNAK YIDNAK WENE 1:22

Yoanes-nen Yesus yi ma bid kuri-nen at nit nendam-nen laidnak kuri, nit ninmin woraidnak nap misig-e nit ninmin lambuksa Yesus uruk yidnak wene kunggurugwi nap irit mag-o” luk yij-o.

YIDNAK YIDNAK WENE 1:8

Nde, Konak Indi kit kenpem mbuwasolar-e, amawi rak kunpuwa-o. Konposola-ge, Yerusalem-nen na, Yurea wi oboksa-nen na, Samaria-nen na, ap lak kuri-nen na irit an nowene kunggurugwi nap tugub-o” luk yak indij-o.

YIDNAK YIDNAK WENE 11:30

Iri kwasa yigarik, silobulo na pil mborogolar-e, Mbaranabas min Saulus min ininggem pikma, ogore yidnak nap wok indil mbiriga-o.

YIDNAK YIDNAK WENE 14:23

Nde, it wirik inpidnak nap-nen-e lambuk tak inpidnak nap o nin me nin me woragwi na ennggendumu ogore yidnak nap mendak inpil lobok yiga-o. Mendak onpogolar-e, mburu ninggit lak tepan nak yogolat-nen ogore yidnak nap ereba na-ge ebem inndi angin tubu yidnak Nagawan Indo na eram kegera inggem inpiga-o.

YIDNAK YIDNAK WENE 15:4

Yerusalem wok yogola-ge, lambuk tak inpidnak nap min wirik inpidnak nap min ogore yidnak nap min ereba na-nen wa yak indiga-o. Wa yak ondogola-ge, it-nen-e Mbal Pem Nagawan-nen it inmin kwaridnak wene pidsa-t kenggera yak indiga-o.

YIDNAK YIDNAK WENE 15:6

Iri ala-ge, wirik inpidnak nap min ogore yidnak nap min-e wene yu mbenaruwakluk ndok wiriga-o.

YIDNAK YIDNAK WENE 2:32

Yesus yu-ge Mbal Pem Nagawan-nen uruk tak pamu-o. Uruk tak pidnak na-ge nit pidsa nenlengen-nen kaige-o.

YIDNAK YIDNAK WENE 20:17

Iri bem-nen Paulus-e Miletus-nen wene wosa wirik posolar-e, Epesus woragwi lambuk tak inpidnak nap ennggendumu mendak inpidnak ogore yidnak nab-e at eram lobok yuwakluk yonggo inpij-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

YIDNAK YIDNAK WENE 21:18

Nene luk, kub-e Paulus-e ninmin tak puruk, Yakobus kil mbirigenggal-e, ogore yidnak nap pidsa iri me worakmu, mbirige-o.

YIDNAK YIDNAK WENE 3:15

Iri yogolar-e, Unluk Momtak Elem wirigep na-t nde, Mbal Pem Nagawan-nen wat yidnak nap ennggendumu-nen uruk tak pij-o. Uruk tak pidnak iri-ge nit nenlengen-nen kaige-o.

2 KORINTUS 5:1

Wene yu-ge nenaru-o. Nit nggweyak ma yu me luru woragwi nunuwi na mijarak pogola-ge, Mbal Pem Nagawan-nen nit nenmanggim wiridnak uwi mbi aid arem worasu-o. Nde, o iri-ge ininggi-nen wiridnak wi-ge lag-o. Are, woralik nalik wolmomtak wi irit worasu-o.

2 KORINTUS 5:8

An-e tuguruk yak kundusu-o. Nir-e kwiye lag-et woragolar-e, nenpe yu keya buruk, Nagawan Indo imin wolmokluk at eram mbururak perak nde mondok nindingen-o.

PILIPI 1:19

Kit-nen namanggim tepan yili bem-e Yesus Kerisut Indi-nen an yongga norosola-ge, an nimiri-t yuwa-o luk naru woralat nalen kasu-o.

1 TIMOTIUS 5:1

Ap inndi worak inmin-e wene mbaroksa yurak pug-o. Are, kat keid nggal tak puruk, nggomo wururag-o. Nde, ap sugwe inmin-e kat kanggamirak tak unpuruk,

1 TIMOTIUS 5:19

Ogore yidnak nap ebem wene mbi pogola-ge, kulurak pug-o. Alat nde, ap mberen ala, kenan ala-nen ”Ndemerer-o” luk yogola-nen perak kulurag-o.

2 TIMOTIUS 4:8

Nde, yawo-nen-e ombol nggwe yidnak nap wok undurak wirik iri-ge an namanggim lid lud tak worasu-o. Mot mot nak enpem wene mbaroso Nagawan Indo-nen-e at lobok yuwa Tarem-nen wirik iri na wok nuruwa-o. Nde, an narig-et wok nuruwa-ge lag-o. Are, Nagawan Indo lobok yuwa-o luk inndi ebem mbung mbung tak woragwi nap oboksa na wok unduwa-o.

TITUS 1:5

Kereta keya kibigi na-ge yu nggal kwaronokluk-nen keya kibigi-o: Yabu erep worasu na worok tak posolat, o siri ndomok ogore yidnak nap mendak inpil mborosolar-e, an-nen yak kirigi yu yeberak wolmin-o:

PILEMON 1:9

Iri yurag-e ob-et nde, Paulus an-e ap nindi worak Kerisut Yesus ebem ala, yawo o kubu me nibidnak na worasu-t nde, kat kabuwa-nen an-e kwat obonokluk wene nak yak kurusu-o.

IBERANI 12:1

Iri bem-e yik neneyarok worali nab-e mondok kwarat kambuk kambuk tak nunpuruk worali me, angin tak nunpurak mende oboksa keya buruk, puk tak nunpurak meya yogolat woragwi mende na keya buruk, nir-e kondok yil mburugwi sa iri me pong kil mborogolar-e, pong tenak nak wolmog-o.

1 PETERUS 1:12

Nde, Mbal Pem Nagawan-nen at ene lomboksa yugwi nap yak indid iri-ge, it ondomok enmanggim yak indigit lag-o, Are, kit kenmanggim-et yak indij-o. Kit yawo kwara kulili Aid Wene iri-ge aid wene yugwi nap-nen-e aid arem-nen mbuwaidnak Konak Indi na amawi bem-nen mul kindiga-o Nde, wene iri-ge aid nap-nen na enaru momtag-e ukwe worag-et worali-o.

1 PETERUS 1:7

Nde, kinndi ngaruwa iri-ge kit-nen ndemeret Nagawan Indo ebem kinndi angin tubu yigep, lak? luk kinndi kasolat-nen kinndi-t ngaruwa-o. Lak momtak mende emas posid iri perak nde abut mbaruwokluk kan ma pugwi-o. Nde, emas posid iri-ge onggo nggulok pugwi mende-t nde, marik-nen yusu-o. Nde, kit kinndi angin tubu yidnak iri perak nggulok-nen yusu me, tugup lak wolmakluk mondok kinndi ngaruwa-o. Iri lug-e, Yesus Kerisut lobok yuwa tarem-nen-e kentembel wanogolat, kunnu kek tak pogolat, nggok tak konpogolat ma-o.

1 PETERUS 4:13

Are, Kerisut andi bandi kagaid na nggal-et an-e at imin andi bandi kasu-o luk, kenalen ker-o. Iri kwarugup ala-ge, at kek tak woraso nam tak puwa tarem-e kit kenalin kenalen kwarat kagub-o.

1 PETERUS 5:4

Iri kwat yugup pem-e, Lomba Wam Winde Kek tak na lobok yosolar-e, abinal lak momtak puk wirik irit wanugub-o.

1 YOANES 3:2

Nanggamirak kenabuwa worak wa-e. Yawo-ge nir-e Mbal Pem Nagawan ilirak-nen yili-t nde, abok-nen kwat nunpurag-e nam tak pigit lak me, ngge nggal kwat mul-o? Alat nde, wene yu nak nenaru yili-o: Kerisut lobok yuwa tarem-e ar-e ndemeret ebe nenlengen kul me, at woraso nggal-et kwat mul-o.

2 YOANES 1:1

Mbal Pem Nagawan-nen len kibidnak kwe min kilirak min wa-e. Wiwa-o. Ogore yidnak nap an-nen engga yu mbal kundusu-o. An-e ndemeret kit kenabuwa kwarat kasu-o. Nde, an narig-et nak-nen kenabuwa kasu-ge lag-o. Are, ndemeret wene enaru yidnak nap pidsa-nen na kenabuwa-t kali-o.

3 YOANES 1:1

Nindi kundik nanggam Nggaius wa-e. Ogore yidnak nap an-nen ndemeret kabuwa kasu-o luk engga yu mbal kurusu-o.

NAM PARA WENE 1:9

Kennggam Yoanes an-e Yesus imin nugwi nap enpem mboso mende anggun panggun na nenpem mbosola-t nde, nit at ilirak-nen-e mamak puruk worali-o. Mbal Pem Nagawan-nen yidnak wene Yesus-nen yak niridnak iri na ap kenggel ondoso bem yi terapmu o unu-ge Patmos iri me mbo nibiga-o.