1 PETERUS 4:8 - Nanduk Ngget Tul Pidnak Wene

⁸ Nanduk tak purak wene owak ndum-e yur-o. Ndemeret kinndi-net nabuwa kabuwa yer-o. Nabuwa kabuwa yugwi iri-nen-e meya yidnak kwarat limirik pusu-o.

1 PETERUS 4:8 Iomraidhean Croise

1 KORINTUS 13:1

An-nen-e ki nap enne bem ala na irit, aid nap enne bem ala na irit, te irit yimin-et nde, ap enabuwa kagwi elem nde an narem lak-nen-e an-e posid owak lel kagola, ene nggwe yidnak nggal-nen yusu-o.

1 KORINTUS 13:4

Ap enabuwa kagwi-ge indi mamak puruk woraso min ap inmin konak nak yoso min-nen yusu-o. Ap enabuwa kagwi-ge erengen ale yoso buk, indi kek tak puruk, ambik erembel wanoso buk-nen yusu-o.

KOLOSE 3:14

Nde, mondok nggulok nanduk tak pidnag-e ap enabuwa kagwi elem-net yusu-o. Ap enabuwa kagwi elem-nen-e yi mende ndi mende lambena iminep mbarak poso-nen yusu-o.

1 TESALONIKA 3:12

Nit-nen kenabuwa kali iri nggal-et kit na kit-net nabuwa kabuwa wolmomtak elem min nin nap enabuwa kudtak elem min-e Nagawan Indo-nen-e utlud lombok kwarat tak kunpuwag-o.

2 TESALONIKA 1:3

Nenggamirak wa-e. Kit kenpem ala, nir-e mondok pempa Mbal Pem Nagawan wa yak tili-o. Nde, kir-e kwara kinndi angin tubu yili iri bem-nen na, kit na kit-net kwara nabuwa kabuwa yili iri bem-nen na, nir-e ob-et Mbal Pem Nagawan wa yak tili-o.

1 TIMOTIUS 1:5

It nggomo undugun iri-ge it-nen ap enabuwa kagolar-e, enarem marak pem-net kagolat, yebet kagwi inndi yek tak pem-net kagolat, inndi angin tubu yidnak mondok mot mot pem-net kagolat makluk-nen nggomo ondugun-o.

IBERANI 13:1

Kerisut ebem-nen nanggam kanggam woragolat nabuwa kabuwa yugwi iri-ge puksa tena wolmer-o.

YAKOBUS 5:12

Nanggamirak wa-e. Wene nggok lombog-e yu-o: Owak mbarogolar-e, mbal min nggweyak min yi mende ndi mende mbi min unu luk owak mbarurak pug-o. Mbal Pem Nagawan-nen kenpem wene mbaruwa naru, ”Ye” yurak ala-ge, ”Ye” nak yurag-o. Nde, ”Lag-o” yurak ala-ge, ”Lag-o” nak yurag-o.

YAKOBUS 5:20

engga wene yu kinndi yebet yebet tak wolmer-o: Ta-nen nde meya yoso nap iri na meya tulabiyem-nen nden yaga ibil lobok yosolar-e, meya yoso nap iri na-ge at wat momtak sa-nen indi imiri yosolar-e, at meya yidnak kwarar-et nde, lak tak ubuwa-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

3 YOANES 1:2

Nanggam nindi kundik wa-e. Kat kindi angin tubu yigen konag-et tena worasu nggal, kat kebe na andi bandi lak, konak nak woranokluk an-e kamanggim tepan yoso-o.