1 PETERUS 4:6 - Nanduk Ngget Tul Pidnak Wene

⁶ Iri yuwa bem-e, wat yidnak nap na irit aid wene yak indij-o. Ap pidsa enpem wene mbarugwi nggal, wat yidnak nap iri na-ge enpe unluk woragola, it enpem na wene mbarij-o. Nde, aid wene yak indid iri-ge, Mbal Pem Nagawan-e urug-et worasu nggal it inndi unluk wolmomtak pem yak indij-o.

1 PETERUS 4:6 Iomraidhean Croise

MATIUS 24:9

Iri tarem-e andi bandi rak kunpuwakluk ap ininggem wesera konpogolat, mondok kondogolat ma-o. An nunu bem ala, ap enlem oboksa-nen insili rak kunpuwa-o.

OROMA 8:2

Kir-e Kerisut Yesus imin kundik woragolat kunlug-et wolmomtak elem wok kindid Mbal Pem Nagawan Indi-nen pidnak imiri mbarak pidnak wene-nen-e meya kwarugwi elem min wat yugwi elem min inggiyem-nen weserak kinpij-o.

NGGALATIA 2:19

Nde, imiri mbarak pidnak wene bem-e an-e wat yigi-o. Mbal Pem Nagawan amanggim nak nuruk worayekluk imiri mbarak pidnak wene arem-nen wat yigi-o. An-e Kerisut imin e lang pang tak pem nindiga-o:

NGGALATIA 5:25

Konak Indi-nen nunluk tak pidnak ala-ge, Konak Indi nak-nen lit niniyuruk nosolat wolmag-o.

1 PETERUS 1:12

Nde, Mbal Pem Nagawan-nen at ene lomboksa yugwi nap yak indid iri-ge, it ondomok enmanggim yak indigit lag-o, Are, kit kenmanggim-et yak indij-o. Kit yawo kwara kulili Aid Wene iri-ge aid wene yugwi nap-nen-e aid arem-nen mbuwaidnak Konak Indi na amawi bem-nen mul kindiga-o Nde, wene iri-ge aid nap-nen na enaru momtag-e ukwe worag-et worali-o.

1 PETERUS 3:18

Nde, Kerisut na irit, ap-nen meya yidnak pem mondok misik tarem-et ap pidsa enmanggim wat yij-o. Lud tak nak kwaroso nab-e lud tak nak kwarugwi buk nap enmanggim wat yosolar-e, Mbal Pem Nagawan eram lit nunpuruk mbereyekluk wat yamu-o. Nde, ki nap enpage worak iri na wiriga-t nde, indi irit uruk tak pij-o.

1 PETERUS 3:19

At abage iri nggal kwarak-net at na mberarig-e, wat yidnak nap inndi o kubu we woraidnak pidsa aid wene yak indil waring kagaij-o.

NAM PARA WENE 14:18

Nde, kanduk tena wolmomtak amawi wok tidnak aid nap misig-e Mbal Pem Nagawan amanggim wam wosa pugwi sa-nen wagaij-o. Wasolar-e, at ene ngguloksa-net yalawi anggat worak tena worasu aid nap na yak tosolar-e: ”Anggut engen-e ogore yidnak me, kat keyalawi iri waga nggweyak ma-nen pidnak anggut engen ogore yidnak iri mbari-o!” luk yak tij-o.