1 PETERUS 4:18 - Nanduk Ngget Tul Pidnak Wene

¹⁸ Nde, Mbal Pem Nagawan engga bem-nen yosolar-e: ”Lud tak nak kwarugwi nap na inmiri yurag-e angin worag-et ala-ge, lud tak kwarugwi buk nap min meya kwarugwi nap min-e ngge kwat unpuwa-o?” luk yij-o.

1 PETERUS 4:18 Iomraidhean Croise

NDAK WIRIDNAK WENE 13:13

Nde, o Sorom iri me-ge ab-e Nagawan Indo imin-e yi meya ndi meya, kwarugwi buk mende ereba na nak kwarogolat woraiga-o.

YESKIEL 18:24

Alat nde, konak nap misik-nen konak kwaroso iri na keya buruk, meya nggok lombok, meya kwarugwi nap-nen kwarugwi unmunggum lera mboso mende ereba na kwarosola-ge, at iri-ge uruk irit wolma-o luk perali-a? Mondok lag-o! Nanduk at-nen konak kwaroso ereba na-ge misiger-o luk nindi yeberak woramin pug-o. At iri-ge at-nen meya kwarosolat, tugup lak an-nen yidnak yidnak kwarigit lak yidnak pem-net wat ma-o.

LUKAS 15:1

Misik tarem-e pemerinta enmanggim tol ndok wurugwi nap min meya yugwi nap min kwarat Yesus-nen yidnak wene kuluwokluk ndok wiri-ga-o.

LUKAS 23:31

E ki worala-t nde, yu nggal kwatli ala-ge, e umbuk yosola-ge, ngge nde kwaruwa-o?” luk yij-o.

YIDNAK YIDNAK WENE 14:22

Iri me wok lug-e, Yesus ene wanugwi nap na inndi wi yakolat-nen it inndi angin tubu yidnak pem tugup lak wolmakluk nggomo indiga-o. It-nen yogolar-e: ”Nir-e Mbal Pem Nagawan-nen tenagaidnak wi nggurak pem mondok andi bandi kwarat karuk-net nggurag-o” luk yak indiga-o.

YIDNAK YIDNAK WENE 27:24

yak norosolar-e: ’Paulus wa-e. Kar-e kwiye kasu-ge meyog-o. Kar-e mondok Kaisat eram-et wok yugun-o. Mbal Pem Nagawan-nen we wok ondoso bem kat totno mbitli nap iri oboksa kat-nen lesa mondok inmiri yuwa-o’ luk yak nirij-o.

YIDNAK YIDNAK WENE 27:31

Iri kwarogola karuk, Paulus-nen san winde wari min san winde na min yak ondosolar-e: ”Ap yu nde e koma arem woragit lak marig-e, kir-e kunluk yugup pug-o” luk yak indij-o.

OROMA 1:18

Ap-nen meya yidnak iri-nen ndowaga Mbal Pem Nagawan enaru yurak iri kabak tak pusu bem-e Mbal Pem Nagawan isilepma-ge aid arem-nen ap-nen wene kuruk tugwi min meya kwarugwi min oboksa ebem nam tak pusu-o.

OROMA 5:6

Nit nanduk ndeyak woragola, Mbal Pem Nagawan indi-n pidnak tarem ndak ndag-et yosolar-e, Kerisut-e Mbal Pem Nagawan ene tarugwi nap nenmanggim wat yamu-o.

OROMA 5:8

Alat nde, nir-e meya yugwi nap woragola, Kerisut-e nenmanggim wat yamu me, iri bem-nen Mbal Pem Nagawan-nen nit nenabuwa kaso elem mirik ninpij-o.

1 KORINTUS 10:12

”An-e nggwelsa mendak worasu-o” perasu nab-e wosa mbimin naru, indi mbera-t wolmag-o.

1 TIMOTIUS 1:9

Wene yu kwara yebet ker-o: Imiri mbarak pidnak wene iri-ge lud tak nak kwarugwi nap enmanggim yidnag-e lag-o. Are, wene kuruk tugwi nap min Mbal Pem Nagawan ene kulugwi buk nap min Mbal Pem Nagawan enaru buk nap min meya kwarugwi nap min Mbal Pem Nagawan indi-n pidnak kwarugwi buk nap min aid wene enaru buk, it inndi-n pidnak nak kwarugwi nap min ineid iniya undugwi nap min ap undugwi nap min

IBERANI 4:1

Iri bem-e nir-e Mbal Pem Nagawan indisep kwaroso sa nggurak obok yak nindid na-ge worasotla me, kit kennggendumu-nen ap mbi-ge iri me nggwigit lak ma-o luk kwara wolmog-o.

YAKOBUS 5:6

Kir-e meya kwarigit lak nap enpem wene mbarogolat, ondogolat yigeb-et nde, ir-e onggo kindigit lag-o.

1 PETERUS 5:8

Kit kunuwim nap Sere na-nen-e: ”No nap lebena mbo namin-o?” luk singa ndakngge nggal ene yolo ngolo waring kasu me, kir-e lid lud tak puruk, kwil kwalsa wolmer-o.

2 PETERUS 3:7

yawo worasu mbal min nggweyak min-e kanduk pem-nen lak tak purag-et nde, Mbal Pem Nagawan ene nak-nen towarak worasu yu-ge meya yugwi nap enpem wene mbatluk, lak tak unpurak tarem iri-nen lak tak peyekluk towarak worasu-o.

YURAS 1:15

ap oboksa enpem wene mbareyekluk lobok yuwa-o. Nde, Mbal Pem Nagawan-nen kwaroso nggal kwarugwi buk nap oboksa-nen Mbal Pem Nagawan-nen kwaroso buk mende kwarogolat woraidnak mende oboksa min Mbal Pem Nagawan-nen kwaroso mende kwarugwi buk meya nak kwarugwi nap-nen Mbal Pem Nagawan imin meya wene yidnak iri bem-nen-e it enpem wene mbaril lobok yuwa-o” luk yij-o.

1 SEMUEL 15:18

Iri-nen: ’Amalek nap meya yugwi iri-ge mondok lak tak inpi-o’ luk kebem pij-o. ’Iri yosolar-e, kat-nen inmin wim mbarosolat, mondok obok pendega lak tak unpurag-o’ luk yak kirij-et nde,